Ichaía 6:3 - Tupanaarü Ore

³ Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Ichaía 6:3 Referans Kwoze

Wiyaegü 72:19

Rü name nixĩ i guxü̃guma duü̃xü̃gü nüxü̃ nicua̱xüü̃gü i naéga i üünexü̃. Rü name nixĩ i guxü̃ma i ñaa naane rü namaxã napaxü̃ i norü üüne. ¡Rü ngẽmaãcü yixĩ!

Édra 3:11

Rü ñuxre ga nümagü rü nawiyaegü rü Tupanaxü̃ nicua̱xüü̃gü. Rü yema togü rü nanangãxü̃gü rü ñanagürügü: —¡Nüxna moxẽ pexã ya Cori ya Tupana erü nüma rü tamaxã namecüma rü ngẽma norü ngechaü̃ i taxca̱x rü taguma nagu̱x! —ñanagürügü. Rü guxü̃ma ga duü̃xü̃gü rü nataãẽgü, rü tagaãcü Cori ya Tupanaxü̃ nicua̱xüü̃gü, yerü marü inaxügü nax wena namexẽẽxü̃ ga Cori ya Tupanapata ga taxü̃ne.

Iraétanüxü̃arü muxchiga 14:21

Natürü ngẽma nax aixcüma yixĩxü̃ nax chamaxü̃xü̃ rü guxü̃ i ñoma i naanewa nax changexmaxü̃, rü ngẽxgumarüxü̃ tá ta aixcüma nixĩ nax taxúetama ya yíxema Iraétanüxü̃ ga nüxü̃ daugüxe ga yema chorü üüne rü yema mexü̃gü ga chaxüxü̃ ga Equítuanewa rü nua ínachianexü̃wa, rü bai tá ya wüxíe ya yíxema duẽxẽgü nüxü̃ daugüxü̃ i ngẽma naane ga tümaarü o̱xigümaxã nüxü̃ chixuxü̃. Rü bai tá ya wüxíe ga choxü̃ ügümarexe rü choxü̃ oexe rü tama chauga ĩnüexe nüxü̃ tadau i ngẽma naane. Rü bai tá ya wüxíe.

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Chacaría 14:9

Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.

Ichaía 40:5

Rü ngẽxguma i nüma ya Cori ya Tupana rü tá nügü nango̱xẽxẽ nax ñuxãcü naporaxüchixü̃. Rü guxü̃ma i duü̃xü̃gü rü tá nüxü̃ nadaugü i ngẽma norü pora. Rü Cori ya Tupanatama nixĩ i ngẽma ñaxü̃ —ñanagürü.

Ichaía 24:16

Rü guxü̃ma i ñoma i naanearü tagu nüxü̃ taxĩnü nax ñaxü̃gu nawiyaegüxü̃: —Name ya Tupana ya aixcüma mexü̃gu rüxĩnücü —ñaxü̃gu nawiyaegüxü̃. Natürü i choma rü ñachagürü: —Poraãcü chaugümaxã changechaü̃, erü ngẽma taechitawa̱xegüxü̃ rü taxü̃ i chixexü̃ naxügü rü taxúema nüxü̃́ tangechaü̃tümüxü̃ —ñachagürü.

Wiyaegü 57:11

Pa Chorü Tupanax, cuma rü daxũguxü̃ i naanemaxã icucua̱x rü curü üüne rü ñoma i naane namaxã nanapá.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Wiyaegü 90:16

¡Rü toxü̃ nüxü̃ nadauxẽxẽ i curü üüne rü wenaxarü toxca̱x naxü ga yema taxü̃gü ga mexü̃gü ga nũxcüma curü poramaxã cuxüxü̃ nax ngẽmaãcü i toma rü totaagü nüxü̃ daugüxü̃ca̱x!

Wiyaegü 97:6

Rü guxü̃ma i ngẽma dauxü̃wa nüxü̃ idauxü̃ rü tüxü̃ nüxü̃ nacua̱xẽxẽ nax nüma ya Tupana rü ãẽ̱xgacü ya mecü yixĩxü̃. Rü guxü̃ma i duü̃xü̃gü i ñoma i naanecüã̱x rü nüxü̃ nadaugü nax naxüünexü̃ i nümax.

Wiyaegü 99:3

Rü name nixĩ i nüxü̃ ticua̱xüü̃güxü̃ ya yimá Cori ya guxãmaxã icuácü rü ãũcümacü, erü nüma rü naxüüne.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Echequié 44:4

Rü yemawena ga gumá yatü rü yema ĩã̱x ga nórtewa yexmaxü̃ ga Tupanapata ga taxü̃nepe̱xewa üxü̃wa chomaxã naxũ. Rü choma rü nüxü̃ chadau ga Cori ya Tupanaarü üüne nax napata namaxã yapaxü̃. Rü yexguma ga choma rü waixü̃müanegu chayangücuchi.

Wiyaegü 8:2

Rü ngẽma buxü̃gü rü woo ngẽma õxchanagü rü nüxü̃ curüngü̃xẽxẽ nax cuxü̃ yacua̱xüü̃güxü̃ca̱x nax ngẽmaãcü i curü uanügü rü yanangea̱xgüxü̃ca̱x rü cupe̱xewa naxãneexü̃ca̱x.

Wiyaegü 66:2

¡Rü perü wiyaemaxã penataxẽxẽ i naéga i üünexü̃! ¡Rü perü wiyaegümaxã nüxü̃ picua̱xüü̃gü!

Wiyaegü 99:9

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü yima napata ya norü ma̱xpǘne ya üünenewa ngẽxmanepe̱xegu pecaxã́pü̱xügü! Erü nüma ya Cori ya tórü Tupana rü naxüüne.