Biblia Todo Logo
Bib sou entènèt

- Piblisite -




Ichaía 6:13 - Tupanaarü Ore

13 Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.

Gade chapit la Kopi




Ichaía 6:13
25 Referans Kwoze  

Rü cutaagügagu tá nixĩ i nüxü̃ charüngü̃xẽxẽxü̃ i guxü̃ma i nachixü̃anegü, erü aixcüma mea chauga cuxĩnü”, ñanagürü cuxü̃ ya Cori ya Tupana —ñanagürü.


Yerü nüma i tatanüxü̃ rü nanegü rü marü nixãxma̱xgü namaxã i ngẽma togü i duü̃xü̃güxacügü i nua tórü naanegu yaxãchiü̃güxü̃ i tama Tupanaaxü̃́ yaxõgüxü̃. Rü yemaacü ga Tupanaarü duü̃xü̃gü rü yema tama yaxõgüxü̃ ga duü̃xü̃gümaxã nügü narüxücutanü. Rü tatanüxü̃ i ãẽ̱xgacügü nixĩ ga nüxíra inaxügüxü̃ nax nagu naxĩxü̃ ga yema chixexü̃ —ñanagürügü choxü̃.


Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana rü marü nananoxrexẽxẽ i ngẽma ngunexü̃gü erü tüxü̃ nangechaü̃ ya yíxema noxrüxü̃ tüxü̃ nadexe.


¿Rü tama ẽ̱xna yimátama Tupana yixĩxü̃ ya naxücü i taxü̃ne rü taãxẽ? ¿Rü ta̱xacü nixĩ i pexü̃́ nanaxwa̱xexü̃ ya Tupana? Rü ngẽma pexü̃́ nanaxwa̱xexü̃ nixĩ nax noxrü yixĩgüxü̃ i ngẽma pexacügü. ¡Rü mea nüxna peda̱u̱x i perü maxü̃! Rü tama name i nüxü̃ icuyarüngüma ga yema uneta ga cuxma̱xmaxã nüxü̃ quixuxü̃ ga yexguma cungextü̱xügu ngĩmaxã cuxãxma̱xgu.


Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.


Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.


Rü ngẽma duü̃xü̃gü i ma̱xpǘne ya Chióü̃wa yaxǘgüxü̃ rü ngẽma Yerucharéü̃wa yaxǘgüxü̃ rü ngẽxma ãpatagüxü̃, rü Tupanaarü duü̃xü̃gügu tá nanaxüégagü.


Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana tá nananoxrexẽxẽ i ngẽma ngunexü̃gü tümaca̱x ya yíxema nüma tüxü̃ nadexe.


Erü pema rü wüxi i duü̃xü̃gütücumü i woetama Cori ya Tupana pexü̃ dexe pixĩgü. Rü nüma ya Tupana rü guxü̃ma i nachixü̃anecüã̱xgütanüwa pexü̃ naxuneta nax norü duü̃xü̃gü pixĩgüxü̃ca̱x.


Rü ñoma wüxi i naixchime irüxüxü̃rüxü̃ tá nixĩ nax Dabínatü ga Ichaxíwa nangóxü̃ i wüxi i nataxa i guxãarü ãẽ̱xgacü tá ixĩxü̃.


Rü tá nangẽxma i ñuxre i petanüxü̃ i taxũtáma yuexü̃. Natürü nümagü rü togü i nachixü̃anegügu tá nawoone.


Rü nüma ya Cori ya Tupana rü Iraétanüxü̃xü̃ ñanagürü: —Rü ngẽxguma wüxi ya ĩane rü 1,000 i yatü daiwa namugügu rü 100 ica tátama nixĩ i maxẽxü̃ woeguxü̃. Rü ngẽxguma wüxi ya ĩane rü 100 ngéma mugügu rü 10 ica tátama nixĩ i woeguxü̃ —ñanagürü.


Rü guxü̃ma i ñaa nachixü̃anewa maxẽxü̃ i duü̃xü̃gü rü ngẽma norü tomaepü̱xarü üyetanüwa rü taxre i üye tá nayue. Rü wüxi i norü üyexicatama tá namaxẽ.


Rü cumax, Pa Iraéx, ga cutanüxü̃ ga noxri ñoma ẽxtagü i daxũwa ngẽxmagüxü̃rüxü̃ muxũchixü̃, rü wüxi i natücumü i íxraxü̃xü̃ tá nixĩ. Rü ngẽma tá nangupetü namaxã i cutanüxü̃ erü tama Cori ya curü Tupanaga cuxĩnü.


Natürü i ñu̱xmax, Pa Corix, Pa Torü Tupanax, rü ngẽma nax tomaxã cumecümaxü̃gagu rü toxü̃́ cunatauxchaxẽxẽ nax ñuxre i toma rü wena ñaa naane i cuma cuxüünexẽẽxü̃ca̱x tawoeguxü̃ nax nagu taxãchiü̃güxü̃ca̱x. Rü cuma rü wüxi i ngexwaca̱xü̃xü̃ i ĩnü toxna cuxã, rü ngẽmaãcü paxaãchi toxü̃ cutaãẽxẽxẽ naétüwa i torü guxchaxü̃gü.


Rü nümagü tá nixĩ i norü taramaxã Nimróxchixü̃ane i Achíriaanemaxã inacua̱xgüxü̃. Rü tá tüxü̃ ínanguxü̃xẽxẽ naxme̱xwa i ngẽma Achíriaanecüã̱xgü i tórü naanearü üyexü̃ chopetüxü̃ nax tüxna napugüãxü̃ca̱x i tórü naane.


“Pa Yerucharéü̃x, cuwa tá chayaxügüxẽxẽ i ñuxre i duü̃xü̃gü i mecümaxü̃ i tama nügü icua̱xüü̃güxü̃. Rü nümagü rü tá choxü̃́ nayaxõgü.


Swiv nou:

Piblisite


Piblisite