Ichaía 6:11 - Tupanaarü Ore

^11-12 Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 6:11 Referans Kwoze

Ichaía 1:7

Rü pechixü̃ane rü naxnücüane i chianexü̃xü̃ nayanguxuchi, rü perü ĩanegü rü nixae rü niya̱u̱xragü. Rü ngẽma perü uanügü rü pepe̱xewa nanangõ̱xgü i ngẽma pema petogüxü̃ i penetüarü o. Rü guxü̃ma i perü naane rü naxnücüane i chianexü̃xü̃ nayanguxuchi yema Chodómaxü̃ ngupetüxü̃rüxü̃ ga yexguma yaxaxgu.

Wiyaegü 94:3

Pa Corix ¿rü ñuxgutáta icuyachaxãchixẽẽgüxü̃ nax nataãẽgüxü̃ i ngẽma chixexü̃ ügüxü̃?

Ichaía 3:26

Rü yima ĩanearü duü̃xü̃gü rü tá naxauxe. Rü norü yuetagüca̱x tá naxaure. Rü yima ĩanearü duü̃xü̃gü rü tá naxĩgü.

Wiyaegü 90:13

Pa Corix ¡toxca̱x nataegu! ¡Rü taxṹ i cuyamáchigüxẽxẽxü̃ nax toxca̱x cutaeguxü̃! Rü toma nax curü duü̃xü̃gü tixĩgüxü̃ rü ¡cuxü̃́ tangechaxü̃tümüxü̃gü!

Lebítanüxü̃arü puracüchiga 26:31

Rü tá nagu chipogügü i perü ĩanegü rü nachitaxü̃güxica tá ngéma nayaxügü. Rü ngẽxgumarüxü̃ tá ta nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxũtáma namaxã chataãxẽ i naema i ngẽma pumarate̱xe i cha̱u̱xca̱x pigugüxü̃.

Wiyaegü 79:5

Pa Cori Pa Tupanax ¿rü ñuxguxüratáta i nüxü̃ curüchauxü̃ nax tomaxã cunuxü̃? ¿Rü ẽ̱xna guxü̃gutáma ñoma wüxi ya üxürüxü̃ niyauraecha i ngẽma curü nu?

Wiyaegü 74:10

Pa Tupanax, ¿ñuxguxüratáta nixĩ i nüxü̃ nachauexü̃ i ngẽma torü uanügü nax chixri tomaxã nachopetüxü̃? ¿Rü ngẽxgumarüxü̃ ta rü ñuxguxüratáta nixĩ i nüxü̃ nachauexü̃ nax cumaxã chixexü̃ yaxugüexü̃?

Ichaía 3:8

Rü yima ĩane ya Yerucharéü̃ rü marü nanguxuchi rü Yudáanewa rü duü̃xü̃güchicaxica ínayaxü, erü duü̃xü̃gü rü chixri Cori ya Tupanachiga nidexagü rü nanaxügü i ta̱xacü i tama namaxã nataãẽxü̃, rü ngẽmaãcü tama naga naxĩnüe.

Ichaía 5:9

Rü Cori ya Tupana ya Guxãétüwa Ngẽxmacü rü nanaxuegu rü ñanagürü: —Rü muxü̃nema ya ĩpatagü rü tá niwa̱xtaü̃gü. Rü woo yima ĩpatagü rü nimexẽchi natürü taxúetama nawa tangexma.

Ichaía 13:12

Rü tá chanadai i ngẽma Babiróniacüã̱x i yatüxü̃gü rü noxretátama íchayaxüxẽxẽ. Rü ngẽmaca̱x i ngẽma úiru i mexẽchixü̃ i Ofíwa ngẽxmaxü̃arü yexera tá nataxu i ngẽma duü̃xü̃gü.

Ichaía 32:14

Rü yima ãẽ̱xgacüpata rü ngéma tá nata̱xmare. Rü yima ĩane ga noxri muxü̃ma i duü̃xü̃gü nawa maxẽne rü tá nachianemare. Rü ngẽma norü poxeguxü̃tápü̱xgü rü guxü̃gutáma ngéma nawogümare. Rü ngéma rü taãẽãcü tá namaxẽ i búrugü i tama iyapuexü̃ rü ñu̱xũchi ngéma tá nachibüe i naxü̃nagü.

Ichaía 35:1

Ngẽma chianexü̃ i pamarexü̃ i taxúema íxãpataxü̃wa rü wenatáxarü nawa nangẽxma i taãxẽ. Rü ngéma chianexü̃wa tá narüxügü i putüragü i líriugü rü guxü̃watáma nangẽxma i taãxẽ. Rü nüma ya Cori ya Tupana rü wenatáxarü nanamexẽxẽ i Iraéane i chianexü̃, rü ñoma Líbanuanerüxü̃ tá namexẽchi. Rü ñoma Carméruane i mexechixü̃rüxü̃ rü Charóü̃arü metachinüanerüxü̃ rü ngẽma Iraéanewa tá nabaxca i nanetügü. Rü guxãtáma nüxü̃ tadaugü i Cori ya Tupanaarü pora rü ñuxãcü nax namexẽchixü̃ i nümax.

Ichaía 60:15

Rü yexguma pexna yaxũgachigu ga yema togü ga duü̃xü̃gü rü pexchi naxaie rü taxúema perü ĩanearü namagüwa naxüpetü. Natürü i ñu̱xma i choma rü tá pexü̃ charüngü̃xẽxẽ nax petachigaxü̃ca̱x rü guxü̃gutáma taãẽwa pengẽxmagüxü̃ca̱x.

Ichaía 64:10

Rü yima curü ĩanegü ya üünegüne rü nachica i taxúema nagu ãpataxü̃ nixĩgü. Rü Chióü̃ rü wüxi i chianexü̃ nixĩ. Rü Yerucharéü̃ rü nagu napogüe rü taxuwama name.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Yeremía 22:6

Erü Cori ya Tupana rü ñanagürü nachiga ya daa Yudáanearü ãẽ̱xgacüpata: —Cuma ga ü̃pa rü cha̱u̱xca̱x rü yima ma̱xpǘne ya Garaáxrüxü̃ quixĩ nax cumexü̃, rü ñoma Líbanuarü ngüchitaeruxü̃rüxü̃ cha̱u̱xca̱x quixĩ nax cumexü̃. Natürü i ñu̱xma rü cumaxã chanaxuegu rü tá chianexü̃xü̃ cuxü̃ chixĩxẽxẽ rü wüxi i nachica i ngearü duü̃xü̃ã́xü̃ tá quixĩ.

Yeremía 44:2

Rü nüma ya Cori ya Iraétanüxü̃arü Tupana ya Guxü̃étüwa Ngẽxmacü rü ñanagürü: —Pema rü marü nüxü̃ pedaugü ga yema taxü̃ ga guxchaxü̃gü ga Yerucharéü̃ca̱x rü yema togü ga Yudáanearü ĩanegüca̱x íchanguxẽẽxü̃. Rü ñu̱xma rü nachitaxü̃xicatama ínayaxügü, rü taxúema nawa tamaxẽ.

Echequié 6:6

Rü guxü̃ma i ngẽma naane i nawa pemaxẽxü̃arü ĩanegü rü tá inayarüxo. Rü ngẽma perü tupananetagüarü ãmarearü guruü̃gü rü tá nagu nipogügü. Rü ngẽmaãcü i ngẽma ãmarearü guruü̃gü rü tá noxtacüma nayarüxo. Rü ngẽma perü tupananetachicüna̱xãgü rü íxraxü̃gu tá napoü̃gü. Rü ngẽma perü pumaraarü guruü̃gü rü tá niwa̱xgü. Rü guxü̃táma i ngẽma pema pexügüxü̃ rü tá inayarüxo.

Danié 8:13

Yemawena rü nüxü̃ chaxĩnü nax wüxi ga orearü ngeruxü̃ i daxũcüã̱x rü to ga orearü ngeruxü̃na naca̱xaxü̃ rü ñanagürü: —¿Ñuxgu tá iyacuáxü̃ i ñaa chixexü̃ i ñu̱xma ãmarechicawa nüxü̃ idauxü̃ ga noxri wüxichigü ga ngunexü̃gu Tupanaca̱x ãmare ígugüxü̃wa? ¿Rü ñuxgu tá nagúxü̃ i ngẽma? ¿Rü ñuxgu tá Tupana inayacua̱xẽxẽ nax pecadu nawa naxügüxü̃ ya napata? ¿Rü ñuxguratáta Tupana inayacua̱xẽxẽ nax ngẽma uanü chixri tümamaxã inacuáxü̃ ya yíxema nüxü̃́ yaxõgüxe? —ñanagürü.

Miquéa 2:4

Rü ngẽma ngunexü̃gu rü perü uanügü i pexü̃ igagüxü̃ rü ngechaü̃arü wiyaegu tá pexca̱x nawiyaegü. Rü pexü̃ nacugüãcüma tá ñaãcü nawiyaegü: “Aixcümaxü̃chi taxuwama time. Rü yíxema i Cori ya Tupanaarü duü̃xü̃gü rü togü i duü̃xü̃güme̱xẽwa tangexmagü rü taxúema taétüwa tachogü. Rü ngẽma taanegü rü nügü nayanugü i ngẽma tüxü̃ igagüxü̃”, ngẽmaãcü tá nawiyaegü —ñanagürü ya Tupana.

Miquéa 5:11

Rü tá nagu chipogügü ya yima perü ĩanegü, rü guxü̃táma ya yima ĩanegüarü poxeguxü̃ rü tá chayawa̱xgüxẽxẽ.

Miquéa 6:13

Rü ngẽmaca̱x tá pexü̃ chapoxcue, rü ngẽma perü chixexü̃gagu tá pexü̃ chadai.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.

Wenaxarü naxümatü ga Tupanaarü mugü 28:62

Rü cumax, Pa Iraéx, ga cutanüxü̃ ga noxri ñoma ẽxtagü i daxũwa ngẽxmagüxü̃rüxü̃ muxũchixü̃, rü wüxi i natücumü i íxraxü̃xü̃ tá nixĩ. Rü ngẽma tá nangupetü namaxã i cutanüxü̃ erü tama Cori ya curü Tupanaga cuxĩnü.

Wenaxarü naxümatü ga Tupanaarü mugü 28:63

Rü yexgumarüxü̃ nax Cori ya Tupana cutanüxü̃maxã taãẽxü̃ ga noxri rü mexü̃ naxca̱x naxüxü̃ rü yamuxẽẽãxü̃, rü ngẽxgumarüxü̃ ta norü taãxẽ tá nixĩ nax iyanaxoxẽẽãxü̃. Rü tá nawa ínanawoxü̃ i ngẽma naane i nawa tá nangẽxmagüxü̃.

Miquéa 7:13

Rü ngẽma togüarü naanegü rü chianexü̃ tá nananguxuchi nagagu i ngẽma norü duü̃xü̃güarü chixexü̃gü.