Ichaía 6:10 - Tupanaarü Ore

¹⁰ Rü ngexrüma nax chorü oremaxã cuyaxucu̱xẽgüxü̃ i ñaa duü̃xü̃gü i norü ĩnügutama rüxĩnüexü̃, erü taxũtáma cuga naxĩnüe. Rü nüetama ega nügü yangauxchixexẽẽgu na̱xcha̱xwa i chorü ucu̱xẽgü nax tama nüxü̃ naxĩnüexü̃ca̱x. Rü nüetama ega nügü yangexetügu na̱xcha̱xwa i ngẽma mexü̃ i naxca̱x chaxüxü̃ nax tama nüxü̃ nadaugüxü̃ca̱x rü ngẽmaãcü tama cha̱u̱xca̱x nawoeguxü̃ca̱x nax choma naxca̱x chayataanexẽẽgüxü̃ca̱x” —ñanagürü choxü̃.

Ichaía 6:10 Referans Kwoze

Ore i mexü̃ ga Matéu ümatüxü̃ 13:15

Erü ngẽma duü̃xü̃gü rü tama nüxü̃ nacua̱xgüchaü̃ i chorü ore, rü ñoma napetamachi̱xegüxü̃rüxü̃ nixĩgü rü naxcha̱xwa napexetügü nax tama nüxü̃ nadaugüxü̃ca̱x i ngẽma mexü̃ i naxca̱x chaxüxü̃. Rü tama nüxü̃ naxĩnüechaü̃ i chorü ore, rü tama nüxü̃ nacua̱xgüchaü̃ nax choma chanaxwa̱xexü̃ãcüma namaxẽxü̃, rü tama cha̱u̱xca̱x nadaugüchaü̃ nax choma naxca̱x chayataanexẽẽgüxü̃ca̱x”, —ñanagürü.

Ngechuchuarü ngúexü̃gü ga yamugüxü̃arü puracüchiga 28:27

Erü naãxẽ i ngẽma duü̃xü̃gü rü chixexü̃maxã nanapa, rü naxmachixẽ rü narüdüxtagü, rü naxetügü rü ninuxgü. Rü ngẽmaãcü nangupetü nax tama nüxü̃ nadaugüxü̃ca̱x rü tama nüxü̃ naxĩnüexü̃ca̱x rü tama chauga naxĩnüexü̃ca̱x rü tama cha̱u̱xca̱x nawoeguxü̃ca̱x nax ngẽmaãcü choma naxca̱x chayataanexẽẽgüxü̃ca̱x’ ”, —ñanagürü ga Tupanaãxẽ ya Üünecü.

Yeremía 5:21

“¡Nüxü̃ pexĩnüe i ñaa ore, Pa Duü̃xü̃gü i Naechitamare Maxẽxü̃ rü Tama Peãẽxü̃ Cua̱xgüxü̃! Rü pema rü pixãxetügüchire̱x natürü tama nüxü̃ pedaugü. Rü pixãxmachi̱xẽgüchire̱x natürü tama nüxü̃ pexĩnüe.

Yeremía 6:10

Rü yexguma ga choma rü chanangãxü̃ rü nüxü̃ ñachagürü: —¿Rü texé tá choxü̃ taxĩnü i ngẽxguma namaxã chidexagu rü namaxã nüxü̃ chixuxgu i ngẽma curü ore? Erü nümagü, Pa Corix, rü nügü narüpoxtamachiẽ̱xgü rü ngẽmaca̱x taxucürüwa nüxü̃ naxĩnüe. Rü nüxü̃ nacugüe i ngẽma curü ore, erü tama norü me nixĩ.

Chacaría 7:11

Natürü nüma ga duü̃xü̃gü rü tama naga naxĩnüe ga yema Tupanaarü ucu̱xẽ. Rü guxü̃ma rü na̱xcha̱xwa nidaugachitanü rü nügü nangauxchixẽgüxẽxẽ nax tama nüxü̃ naxĩnüexü̃ca̱x.

Ichaía 63:17

¿Rü tü̱xcüü̃ toxü̃ cungexrü nax cuxna tixĩgachitanüxü̃ rü tama cuga taxĩnüexü̃? Rü toma nax curü duü̃xü̃gü i Iraétanüxü̃ tixĩgüxü̃ rü cuxna taca nax toxü̃ cungechaü̃xü̃gagu toxca̱x cutaeguxü̃ nax wena toxü̃ cunawéxü̃ca̱x i curü mecüma.

Ichaía 29:10

Rü ngẽmaca̱x i nüma ya Cori ya Tupana rü yaxta i poraxü̃ pexca̱x ngéma namu. Rü ngẽma perü orearü uruü̃güchire̱x nixĩ i pemaxã icua̱xgüxü̃. Natürü tama aixcüma pemaxã nüxü̃ nixugüe i ngẽma tá pexü̃ ngupetüxü̃, erü nüma ya Cori ya Tupana rü düxwa nayatüxetü nax tama nüxü̃ nacua̱xgüxü̃ca̱x.

Wenaxarü naxümatü ga Tupanaarü mugü 2:30

Natürü gumá ãẽ̱xgacü ga Chióü̃ rü tama norü naanewa tüxü̃ nachopetüxẽẽchaü̃, yerü nüma ga Cori ya tórü Tupana rü naãxẽwa nananguxẽxẽ nax tüxna nachúxãxü̃ca̱x nax norü naanewa ichopetüxü̃. Rü yemaacü nanaxü ga tórü Cori ya Tupana yerü nanaxwa̱xe nax yemaacü pexme̱xgu nanguxü̃ca̱x ga yema Amoréutanüxü̃arü ãẽ̱xgacü. Rü ngẽmaãcü pexme̱xwa nangẽxma i ñu̱xmax.

Wiyaegü 17:10

Rü taxúema nüxü̃́ tangechaü̃tümüü̃gü. Rü nügü yacua̱xüü̃güãcüma nidexagü.

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Wiyaegü 119:70

Rü nümagü rü nachixeãẽgümare, natürü i chomax rü namaxã chataãxẽ i ngẽma curü ngu̱xẽẽtae.

Ínachoxü̃xü̃chiga 14:17

Rü choma rü tá Faraóü̃xü̃ íchanataiãchiarü maxü̃ã̱xẽxẽ nax tama pega naxĩnüexü̃ca̱x i ngẽma Equítuanecüã̱xgü rü pewe yangexü̃tanüxü̃ca̱x. Rü ngẽmaãcü tá chanango̱xẽxẽ i chorü pora. Rü pema tá nüxü̃ pedau i ngẽma namaxã ngupetüxü̃ i Faraóü̃, rü guxü̃ma i norü churaragü i nacutügu ĩmarexü̃, rü ngẽma norü churaragü i cowaruétügu ĩxü̃, rü ngẽma norü churaragü i cowaru itúgüxü̃ i carugu ĩxü̃.

Ínachoxü̃xü̃chiga 11:10

Moiché rü Aróü̃ rü Faraóü̃pe̱xewa inanawe̱xgü ga yema poxcugü ga Tupana norü poramaxã üxü̃. Natürü ga Faraóü̃ nax Cori ya Tupana iyataiãchiarü maxü̃ã̱xẽẽxü̃, rü tama Equítuanewa Iraétanüxü̃xü̃ ínamuxü̃chaü̃.

Ínachoxü̃xü̃chiga 10:27

Natürü nüma ga Cori ya Tupana rü tama nüxna nayanuxũ ga Faraóü̃ nax nügütama nataiãchiarü maxü̃ã̱xẽẽü̃ca̱x nax yemaacü tama yange̱xgüãxü̃ca̱x ga yema Iraétanüxü̃.

2 Corintios 2:16

Rü ngẽma duü̃xü̃gü i tama yaxõgüxü̃ca̱x rü Tupanaarü ore rü ñoma wüxi i guxpaanexü̃ i nayuexẽẽxü̃rüxü̃ nixĩ. Natürü ngẽma yaxõgüxü̃ca̱x rü ngẽma ore rü ñoma wüxi i pumaraema i namaxẽxẽẽxü̃rüxü̃ nixĩ. Rü ngẽmaca̱x ¿texéaxü̃́ natauxcha nax nüxü̃ tixuxü̃ i ngẽma Tupanaarü ore?

Ngechuchuarü ngúexü̃gü ga yamugüxü̃arü puracüchiga 3:19

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Ichaía 19:22

Rü Cori ya Tupana rü tá Equítuanearü duü̃xü̃güca̱x ngúxü̃ ínanguxẽxẽ. Natürü yixcama rü tá nanaxoxẽxẽ i ngẽma ngúxü̃ i yangegüxü̃. Rü nüma i Equítuanecüã̱xgü rü tá Cori ya Tupanaca̱x nawoegu, rü nüma rü tá nüxü̃́ nangechaü̃tümüü̃gü rü tá nayanaxoxẽxẽ i ngẽma ngúxü̃ i yangegüxü̃.

Ínachoxü̃xü̃chiga 7:3

Natürü choma rü tá Faraóü̃xü̃ íchayataiãchiãẽxẽxẽ rü taxũtáma pexü̃́ nayaxõ. Rü Equítuanewa rü muxü̃tama i cua̱xruü̃gü i ãũcümaxü̃ tá ichawe̱x.

Wenaxarü naxümatü ga Tupanaarü mugü 29:4

Natürü woo i ñu̱xma ya Cori ya Tupana rü tama pexü̃ nüxü̃ nacua̱xẽxẽ rü tama pexca̱x nanango̱xẽxẽ nax ta̱xacüca̱x yixĩxü̃ nax naxüaxü̃ ga guxü̃ma ga yema.

Wenaxarü naxümatü ga Tupanaarü mugü 31:20

Erü choma rü tá nagu chanachocuxẽxẽ i ngẽma naane ga chauégagu norü o̱xigümaxã nüxü̃ chixuxü̃ i ngextá yima lechi rü berure rü ñoma dexárüxü̃ taguma ínataxuxü̃wa. Rü ngẽxguma tá marü lechi nixaxgügu, rü berure ne niwexgu, rü nawa nangaxpütüwegügu rü nawa yangüegu, rü ngẽxguma i nümagü rü tá tupananetagüwe narüxĩ rü ngẽmaxü̃ãma tá nicua̱xüü̃gü rü chauxchi rü tá naxaixe. Rü ngẽxguma i ngẽma uneta i pemaxã chaxüxü̃ rü tá nagu narüchixe.

Wiyaegü 69:23

¡Rü ẽcü yangexetüxẽxẽ rü guxü̃guma yadu̱xrueparagüxü̃!

Ichaía 29:14

Rü ngẽmaca̱x i choma rü taxü̃ i cua̱xruü̃gü i chorü poramaxã chaxüxü̃ tá ñaa duü̃xü̃güxü̃ ichawe̱x nax ngẽmamaxã íchanaba̱i̱xgüexü̃ca̱x. Rü ngẽma norü ucu̱xẽruü̃gü i cua̱x nüxü̃́ ngẽxmagüxü̃ rü tá nüxü̃́ inarüxomare i norü cua̱x —ñanagürü ya Tupana.

Ichaía 44:18

Rü ngẽma duü̃xü̃gü i ngẽma ügüxü̃ rü tama naãẽxü̃ nicua̱x. Rü ñoma yangexetüxü̃rüxü̃ nixĩgü. Rü ñoma nawãxtaxü̃rüxü̃ nixĩ i norü cua̱x erü tama Cori ya Tupanaga naxĩnüechaü̃.

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Auxexü̃chiga 3:65

¡Rü norü ĩnüegu ínatüexẽxẽ rü chixexü̃ natanüwa nanguxẽxẽ!

Chacaría 11:15

Rü Cori rü choxü̃ ñanagürü: —¡Ñu̱xma rü yema carnérugüarü dauruxü̃ ga tama mea norü carnérugüna dauxü̃ãcü cugü ixĩxẽxẽ.

Wenaxarü naxümatü ga Tupanaarü mugü 29:3

Rü pema rü marü nüxü̃ pedau ga yema taxü̃ ga guxchaxü̃gü, rü cua̱xruü̃gü rü taxü̃ ga mexü̃gü ga Cori ya Tupana norü poramaxã üxü̃.

Ucu̱xẽgüchiga 16:30

Norü ĩ́xgüxetüwa nidexa i ngẽma chixexü̃ üxchaxü̃xü̃, rü nügü naxüxberamare i ngẽma marü chixexü̃ üxü̃.

Ngu̱xẽẽtaeruü̃arü ore 3:3

Rü nangẽxma i ngunexü̃ i nagu namáetagüxü̃, rü ngunexü̃ i nagu tüxü̃ yaxüxü̃xü̃güxü̃. Rü nangẽxma i ngunexü̃ i nagu napogüexü̃, rü ngunexü̃ i nagu naxüpatagüxü̃.

Ichaía 28:13

Rü ngẽmaca̱x ya Cori ya Tupana rü ñoma buxü̃gü i buexüchixü̃ i ngexwaca̱xtama ugütaexü̃ cua̱xgüxü̃ãcü tá pemaxã nidexa. Rü pema rü ngẽxguma ipexĩxgu rü buxü̃gü i ngexwaca ũxü̃ cua̱xgüxü̃rüxü̃ tá peca̱xwe̱xmaxã ipeyayi rü peyapíe, rü perü uanügü tá pexü̃ ínayaxuxü̃.

Ichaía 29:9

Pemax, Pa Iraétanüxü̃x, ñu̱xma rü ta tama peãẽxü̃ pecua̱x rü woo nüxü̃ peda̱u̱xgu i ngẽma Tupana üxü̃, natürü peãẽwa rü pengexetügü. Rü ñoma ngãxẽxü̃rüxü̃ pixĩgü nax pichü̱xatanücüüxü̃ i perü õwa woo taxuxü̃ma i ngúchiáxü̃ pixaxgügu.