Ichaía 59:9 - Tupanaarü Ore

⁹ Rü tórü chixexü̃gagu Tupana tama paxa tórü uanügüme̱xẽwa tüxü̃ ínanguxü̃xẽxẽ. Rü yixema nagu tarüxĩnüe nax paxa chi íinguxü̃xü̃, natürü tórü uanügüme̱xẽwa tangexmagüama. Nagu tarüxĩnüe nax paxa ngóonexü̃wa tá imaxẽxü̃ natürü ẽanexü̃wa tangexmagüama.

Ichaía 59:9 Referans Kwoze

Ichaía 5:30

Rü ngẽxguma nawa nanguxgu i ngẽma ngunexü̃ rü norü taga i ngẽma nachixü̃anearü churaragü i Iraétanüxü̃ca̱x íyaxüãchixü rü ñoma már arü yuapegarüxü̃ tá nixĩ. Rü ngẽxguma texé nüxü̃ dawenügu i ñoma i naane rü tá nüxü̃ tadau nax nawaanexü̃, rü caixanexü̃ i waemaxü̃ rü tá nanatüpechita ya üa̱xcü.

Yox 30:26

Rü choma íchayangu̱xẽxẽ ga taãxẽ, natürü cha̱u̱xca̱x ínangu ga guxchaxü̃gü. Rü íchayangu̱xẽxẽ ga ngóonexü̃ natürü cha̱u̱xca̱x ínangu ga waanexü̃.

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Abacú 1:13

Rü cumax, Pa Tupanax, nax aixcüma üünecü quixĩxü̃ rü tama yáxna namaxã cuxĩnü i ngẽma chixexü̃ rü tama namaxã cutaãxẽ i ngẽma duü̃xü̃gü i chixexü̃ ügüxü̃. ¿Rü ñuxũcürüwa i cunangexrü rü taxu ñacurügümare i ñu̱xma nax toxü̃ nada̱i̱xü̃ i ngẽma Cadéuanecüã̱xgü i torü yexera chixexü̃ ügüxü̃?

Miquéa 1:12

Rü ngẽma Maróxcüã̱xgü i duü̃xü̃gü rü ngẽma ngúxü̃ i yangegüxü̃maxã tá nügü narüxãũxü̃gü. Rü ínanangu̱xẽẽgü nax texé nüxü̃ rüngü̃xẽẽgüxü̃ erü nüma ya Cori ya Tupana rü marü Yerucharéü̃ca̱x íxücuxü̃wa nanangugüxẽxẽ i ngẽma ĩanearü uanügü,

Yeremía 14:19

Rü nüma ga Yeremía rü Cori ya Tupanana naca rü ñanagürü: —Pa Corix, ¿rü guxü̃gutáma e̱xna Yudátanüxü̃xü̃ cuxo? ¿Rü e̱xna düxwa marü tama yáxna namaxã cuxĩnü i ngẽma Chióü̃cüã̱xgü? ¿Rü ta̱xacüca̱x poxcu i taguma gúxü̃maxã toxü̃ cupoxcue? Rü ítayanguxẽẽgü nax mea toxü̃ nangupetügüxü̃ca̱x, natürü taxuxü̃ma i mexü̃ toxca̱x ínangu. Rü ítayanguxẽxẽ nax taãxẽ toxca̱x ínguxü̃, natürü ãũcümaxü̃xicatama toxca̱x ínangu.

Yeremía 8:15

Rü yixema rü ítayangu̱xẽẽgü nax mexü̃ taxca̱x ínguxü̃, natürü taxuxü̃ma i mexü̃ taxca̱x ínangu. Rü ítayangu̱xẽẽgü nax nataxuxü̃ i guxchaxü̃gü, natürü muü̃xíca nangẽxma.

Wiyaegü 82:5

Natürü i pemax, Pa Ãẽ̱xgacügüx, rü tama peãẽxü̃ pecua̱x rü peechitamare pemaxẽ. Rü ngẽmaca̱x nangẽxma i taxü̃ i chixexü̃ i petanüwa rü ngẽma duü̃xü̃gü i namaxã pecuáxü̃ rü pemaxã nanue.

Ucu̱xẽgüchiga 4:19

Natürü ngẽma nacüma i nagu naxĩxü̃ i ngẽma duü̃xü̃gü i chixexü̃gu maxẽxü̃, rü wüxi i ẽanexü̃ nixĩ, rü ngẽmaca̱x tama nüxü̃ nacua̱xgü nax ta̱xacügu yanapucutügüxü̃.

Ichaía 8:21

Rü duü̃xü̃gü rü tá nuxica ne nanaxĩ, rü tá chixri namaxã nachopetü rü tá nataiyae. Rü ngẽma taiya tá nananuexẽxẽ. Rü chixexü̃ i ore tá norü ãẽ̱xgacümaxã nixugüe. Rü dauxü̃ nadaunüãcüma tá chixexü̃ norü Tupanamaxã nixugüe.

Ichaía 8:22

Rü ñu̱xũchi tá ñaa waixü̃müanegu narüdaunü, rü ngẽma nüxü̃ nadaugüxü̃ tá nixĩ nax nataxuma i ta̱xacürü õna. Rü ẽanexü̃xü̃xica tá nadaugü rü ngúxü̃ tá ningegü. Rü guxü̃watáma nachüta rü nawaanemare.

Ichaía 59:8

Rü tama nüxü̃ pecua̱x i ngẽma nacüma i mexü̃, rü taxuwama name i ngẽma pexüxü̃. Rü ngẽma pecüma rü nachixe, rü texé ya pemaxã ãmücüxe rü tagutáma taãẽwa tangexma.

Ichaía 59:11

Rü guxãma i yixema rü ñoma osu i düraxü̃rüxü̃ tingi̱netanücüxü rü muxtucurüxü̃ tangechaxü̃gagü. Rü ítanangu̱xẽxẽ nax tórü uanügüme̱xẽwa ínguxü̃xü̃ natürü ya Tupana rü tama paxa tüxü̃ narüngü̃xẽxẽ. Rü tanaxwa̱xe nax ngẽma uanügüme̱xẽwa ínguxü̃xü̃ natürü naxme̱xwa tangexmagüama.

Ichaía 59:14

Rü nüxü̃ taxo i ngẽma mexü̃, rü nüxna tayáxü̃gugü i ngẽma aixcüma we̱xguxü̃. Rü tama tayanguxẽxẽ i ngẽma duü̃xü̃güpe̱xewa nüxü̃ ixuxü̃. Rü tama tixaixcümagü. Rü yíxema nüxna ixũgachixe i ngẽma chixexü̃ rü tüxü̃́ naxca̱x tangĩ̱x i ngẽma tümaarü ngẽmaxü̃gü. Rü nüma ya Tupana rü nanu rü tama nataãxẽ namaxã i ngẽma ixüxü̃, erü nüxü̃ nadau nax nataxuxü̃ma i mexü̃.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Auxexü̃chiga 3:2

Rü waanexü̃wa choxü̃ naga. Rü ngearü omüã̱xcü namagü ga waanexü̃gu choxü̃ nixũxẽxẽ.

Auxexü̃chiga 4:14

Rü ngẽma orearü uruü̃netagü rü chacherdótegü rü ĩanearü namagügu narüxĩane ñoma duü̃xü̃gü i ngexetügüxü̃rüxü̃. Rü naxme̱xgü rü nagümaxã nayapagü, rü ngẽmaca̱x taxúema naxchirugu tingõgüchaü̃.

Amúx 8:9

Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Yox 19:8

Rü Tupana rü choxü̃ nipoxyemaxü̃ nax taxucürüwa chaxüpetüxü̃ca̱x. Rü nanaxẽanexẽxẽ i chorü nama i nagu chixũxü̃.