Ichaía 59:5 - Tupanaarü Ore

⁵ Rü pema rü ñoma wüxi i duü̃xü̃ i ãxtapecharaü̃ íchuxẽẽxü̃rüxü̃ pixĩgü erü chixexü̃guxicatama perüxĩnüe. Rü pema rü ñoma wüxi i duü̃xü̃ i pawüchiãü̃wa naxchiru üxü̃rüxü̃ pixĩgü erü ngẽma perü ĩnü rü taxuwama name. Rü ngẽxguma texé pexü̃ irüwe̱xãchixẽẽchaü̃gu rü pema rü yu tümamaxã pexuegu erü máetaguxicatama pemaxẽ.

Ichaía 59:5 Referans Kwoze

Ore i mexü̃ ga Matéu ümatüxü̃ 3:7

Natürü yexguma Cuáü̃ nüxü̃ da̱u̱xgu ga naxü̃tawa nax nangugüxü̃ ga muxü̃ma ga ãẽ̱xgacügü ga Parichéugü rü Chaduchéugü nax ínabaiü̃xẽẽãxü̃ca̱x, rü Cuáü̃ ñanagürü nüxü̃: “Pa Ãxtapearü Duü̃xü̃güx, ¿rü texé pemaxã nüxü̃ tixu nax na̱xcha̱xwa pibuxmüxü̃ i Tupanaarü poxcu i ãũcümaxü̃ i marü pexca̱x ingaicaxü̃?

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

Ichaía 14:29

—Pa Firitéutanüxü̃x, tama name i naxca̱x petaãẽgü i ngẽma nax nayuxü̃ i Achíriaanearü ãẽ̱xgacü ga naxme̱xwa peyexmagüxü̃ ga chixri pemaxã icuáxü̃. Erü ngextá curá ne ũxü̃wa rü wüxi i ãxtape i düraxü̃ tá ínaxũxũ. Rü ngẽma ãxtapewena rü tá ngéma ínaxũxũ i yexera rüdüramaexü̃chixü̃ i dragóü̃ i ãxpe̱xatüxü̃ rü igoexü̃.

Ucu̱xẽgüchiga 23:32

Natürü ngẽma nagu yacuáxü̃ ya yimá bínu nixĩ nax ñoma wüxi i ãxtape i tüxü̃ ngṍxü̃rüxü̃ ngúxü̃ tüxü̃ yangexẽẽxü̃.

Yox 8:14

Rü ngẽma norü poxü̃ruü̃gü i nagu yaxõgüãxü̃ rü ñoma pawüchiaü̃rüxü̃ tama natai.

Ichaía 34:15

Rü ngẽxma tá nixĩ i naxãxchiaü̃xü̃ rü inayicharaü̃xü̃ i ngẽma cüchana. Rü ngéma tá nixĩ i nayaexacüxü̃ rü tüxna nadauxü̃ ya yíxema naxacügü. Rü ngéma tá ta nixĩ i namaxẽxü̃ i ĩyügü, rü ngẽma ĩyügü rü wüxichigü i yatüxü̃ rü norü ngexemaxã tá nixãmücüchigü.