Ichaía 59:4 - Tupanaarü Ore

⁴ Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Ichaía 59:4 Referans Kwoze

Yox 15:35

Rü nümagü rü guxchaxü̃ nax naxügüxü̃ca̱x nadaugü, rü ngẽmaãcü chixexü̃ naxügü rü nawomüxẽẽtaegü —ñanagürü ga Erifá.

Popera ga Chantiágu ümatüxü̃ 1:15

Rü ngẽma chixexü̃ i tümatama nagu tarüxĩnüxü̃ nixĩ i tüxü̃ pecaduã̱xẽẽxü̃. Rü ngẽma pecadugagu nixĩ i düxwa itayarütaxuxü̃.

Yeremía 7:8

Rü pemax, Pa Yerucharéü̃cüã̱xgüx, nagu perüxĩnüe rü marü taxũtáma pexü̃ chapoxcue naxca̱x i perü chixexü̃ erü daa perü ĩanewa nangexma ya chopata. Natürü pegütama nagu pewomüxẽẽgümare i ngẽma perü ĩnü.

Yeremía 7:4

¡Rü taxṹ i nüxü̃́ peyaxõgüxü̃ i ngẽma duü̃xü̃gü i pexü̃ womüxẽẽgüxü̃ rü ñagüxü̃: Nua Yerucharéü̃wa nangẽxma ya yima Cori ya Tupanapata ya taxü̃ne rü ngẽmaca̱x Tupana taxũtáma nanapoxcu ya daa ĩane woo chixexü̃ íxügügu, ñagüxü̃!

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Ichaía 30:12

Rü ngẽmaca̱x i Iraétanüxü̃arü Tupana ya Üünecü rü ñanagürü: —Pemax rü tama penayauxgüchaü̃ i chorü ucu̱xẽgü rü nagu peyaxõgü i ngẽma churaragüarü pora rü ngẽma tama mexü̃. Rü ngẽmamaxã nixĩ i pegü ipepoxü̃güxü̃.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Ichaía 59:16

Rü nüma ya Tupana rü namaxã naba̱i̱xãchi nax taxúema taétüwa üxü̃. Rü ngẽmaca̱x nümatama rü norü poramaxã tüxü̃ ínanguxü̃xẽxẽ.

Ichaía 59:3

Rü pema rü nagümaxã pixãũãchime̱xẽ nagagu nax pimáetagüxü̃. Rü pidorata̱xagü rü chixexü̃maxã pidexagü.

Wiyaegü 62:10

¡Rü taxṹ i máetagu perüxĩnüexü̃ rüe̱xna ngĩ̱xgu perüxĩnüexü̃ nax ngẽmaãcü pegü pediẽruã́xü̃ca̱x! Rü ngẽxguma chi pemuarü diẽruã̱xgu rü ¡taxṹ i ngẽma perü diẽrugu perüxĩnüexü̃ nax ngẽmamaxã petaãẽgüxü̃ca̱x!

Yeremía 5:1

Nüma ya Cori ya Tupana rü ñanagürü: —¡Yerucharéü̃arü namagügu pixĩagütanü, rü mea ngẽxma pidauagütanü, rü plázagügu naxca̱x pedau rü aixcüma tá tüxü̃ peyangau ya texé ya mea maxü̃́xẽ rü ixaixcümachaü̃xẽ! Rü ngẽxguma tá tüxü̃ ipeyangauxgu rü taxũtáma chanapoxcu ya Yerucharéü̃.

Wiyaegü 62:4

Rü ngẽma duü̃xü̃gü i chixexü̃ rü ngẽma nagu naxĩnüexü̃xicatama nixĩ nax choxü̃ ínata̱xüchigüxü̃. Rü ngẽma namaxã nataãẽgüxü̃ nixĩ i norü dora. Rü naã̱xmaxã choxü̃ nicua̱xüü̃gü, natürü norü ĩnüwa rü chomaxã naguxchigagü.

Yox 15:31

Rü yíxema chixexü̃ üxe rü tama name i ngẽma tümaarü ngẽmaxü̃gü i natüca̱xmamare ixĩgüxü̃axü̃́ tayaxõ, erü ngẽma tümaarü ngẽmaxü̃gü rü tá tüxü̃ nawomüxẽxẽ rü ngẽmagagu chixexü̃wa taxũ.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Ichaía 5:18

Rü pegümaxã pengechaü̃gü i pema erü pidorata̱xagü rü ngẽmaãcü pegüwe peyatúchigügü i perü chixexü̃gü ñoma wüxi i caru rü naxpanaxãmaxã itúxü̃rüxü̃.

Ichaía 9:15

Rü ngẽma naeru rü nachiga nixĩ i Iraéanearü ãẽ̱xgacügü rü norü ngü̃xẽẽruü̃gü. Rü ngẽma narexü̃ rü nachiga nixĩ i orearü uruü̃gü i doramaxã ngu̱xẽẽtaegüxü̃.

Ichaía 10:1

¡Rü pegümaxã pengechaü̃gü i pema i ãẽ̱xgacügü nax chixexü̃ i mugü duü̃xü̃güca̱x ipexüxü̃ rü penaxunagüchigaxü̃ i mugü i taxucürüwama duü̃xü̃gü íngu̱xẽẽxü̃!

Ichaía 26:18

Rü ngẽxgumarüxü̃ ta ngúxü̃ tinge natürü natüca̱xma nixĩ erü tama torü uanügüme̱xẽwa ítananguxuchixẽxẽ i torü naane rü tama timu i ñoma i naanewa.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Ichaía 29:20

Rü ngẽma tama ixĩnüechaü̃xü̃ rü tá nagu̱x. Rü ngẽma nügü írütagüxü̃ rü ngẽma chixexü̃ ügüechaxü̃ rü tá inayarüxo.

Ichaía 30:9

Ñaa duü̃xü̃gü rü duü̃xü̃gü i tama ixĩnüechaü̃xü̃ rü tama yaxõgüchaü̃xü̃ nixĩgü. Rü tama norü Coriarü ucu̱xẽgü inarüxĩnüechaxü̃.

Ichaía 33:11

Rü ngẽma perü ĩnügü, rü ngẽma perü puracügü i pexüxü̃ rü chope̱xewa rü ñoma maxẽ ya ipagücürüxü̃ rü ñoma guxchirerüxü̃ nixĩgü. Rü choma rü chorü cuemaxã tá chayagu.

Ichaía 44:20

Rü taxuwama name i norü ĩnü i ngẽma duü̃xü̃gü i nügü womüxẽẽgüxü̃ namaxã i wüxi i ĩnü i doramare ixĩxü̃. Rü ngẽma duü̃xü̃gü rü taxucürüwa nügütama ínanguxü̃xẽxẽ nawa i ngẽma nagu naxĩnüexü̃. Rü tama nüxü̃ nacua̱xgüéga nax ngẽma naxchicüna̱xãgü i naxügüxü̃ rü nüxü̃ yacua̱xüü̃güxü̃ rü doramare nax yixĩxü̃.

Ichaía 47:10

Rü pema nax chixexü̃gu pemaxẽxü̃ rü nüxü̃ pecua̱xgu rü tagutáma pexca̱x ínangu i guxchaxü̃gü. Rü peãẽwa nagu perüxĩnüe rü ñaperügügü: “Taxuxü̃ma tüxü̃ nadau”, ñaperügügü. Rü ngẽma perü cua̱xgü rü pexü̃ nawomüxẽxẽ. Rü peãẽwa nagu perüxĩnüe rü ñaperügügü: “Yixicatama nixĩ iporaexü̃ rü nataxuma i to”, ñaperügügü.

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.

Yeremía 48:7

Pa Moáanex, cuma rü curü poragu cuyaxõ rü curü diẽrugu cuyaxõ, natürü curü uanügü rü tá cuxü̃ narüporamae. Rü nachixü̃anewa tá nanangegü i curü tupananeta i Quemó wüxigu namaxã i Quemóxarü chacherdótegü rü ngẽma curü duü̃xü̃gü i tachigagüxü̃.

Ochéa 4:1

Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Wiyaegü 7:15

Rü nüma rü togueca̱x nanaxü i wüxi i ãxmaxü̃ i ma̱xmaxü̃ nax nagu tingucuchixü̃ca̱x, natürü nüma tátama nixĩ i nagu yangucuchixü̃.

Wiyaegü 12:3

Cori ya Tupana rü tá inayanaxoxẽxẽ i guxü̃ma i ngẽma nügü írümegünetaxü̃ rü ngẽma nügü icua̱xüü̃güxü̃.

Ngechuchuarü ngúexü̃gü ga yamugüxü̃arü puracüchiga 24:9

Rü yema Yudíugü ga yéma yexmagüxü̃ rü ta rü: —Aixcüma nixĩ i ngẽma ore —ñanagürügü.