Ichaía 59:2 - Tupanaarü Ore

² Natürü yema perü chixexü̃gü ga pexüxü̃ rü Tupanacha̱xwa pexü̃ nitoxyepe̱xe. Rü ngẽma perü pecadugügagu pexcha̱xwa nügü nidüxchametü ya Tupana nax ngẽmaãcü tama pexü̃ naxĩnüxü̃ca̱x.

Ichaía 59:2 Referans Kwoze

Yeremía 5:25

Natürü perü chixexü̃gagu tama pexca̱x chanango̱xẽxẽ i ngẽma mexü̃gü. Rü perü pecadugagu tama pexü̃́ nangẽxma i ngẽma mexü̃gü.

Ucu̱xẽgüchiga 15:29

Nüma ya Cori ya Tupana, rü nüxna nixũgachi i ngẽma chixexü̃gu maxẽxü̃. Natürü tüxü̃́ nüxü̃ naxĩnü i tümaarü yumüxẽ ya yíxema aixcüma mexü̃gu rüxĩnüexe.

Miquéa 3:4

Rü wüxi i ngunexü̃ rü tá nüxna pecagü ya Cori ya Tupana nax pexü̃ nangü̃xẽẽxü̃ca̱x, natürü i nüma rü taxũtáma pexü̃ nangãxü̃. Rü ngẽxguma i nüma rü tá pexcha̱xwa inicu̱x nagagu i ngẽma chixexü̃ i pexügüxü̃.

Ichaía 1:15

Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Echequié 39:29

Rü tagutáma wena nüxna chaxãca̱xwe̱x, erü ngẽma Iraétanüxü̃tanüwa tá chanamu i Chauãxẽ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 57:17

Rü yema Iraétanüxü̃arü pecadugagu nixĩ ga noxri chanuxü̃ rü chanapoxcuexü̃ rü nüxna chixũgachixü̃. Natürü ga nümagü rü chomaxã nanueama rü yexera norü ngúchaü̃we narüxĩ.

Yochué 7:11

Rü nüma i Iraétanüxü̃ rü chixexü̃ naxügü. Erü nümagü rü tama nayanguxẽxẽ i ngẽma mugü ga namaxã nüxü̃ chixuxü̃. Rü nanayauxgüama i ngẽma ngẽmaxü̃gü i nüxna chachu̱xuxü̃. Rü meama nüxü̃ nacua̱xgüãcüma naxca̱x nangĩ̱xgü i ngẽma choxrü ixĩxü̃, rü norü ngẽmaxü̃gütanügu nayacu̱xgü.

Ichaía 58:4

Rü ngẽxguma aureãcü peyumüxẽgügu rü penue rü pegü pedai rü pegü pidagügü. Natürü ngẽxguma penaxwa̱xegu nax nüxü̃ chaxĩnüxü̃ i ngẽma perü yumüxẽ i aureãcü pexüxü̃ ¡rü taxṹ i ngẽmaãcü chixri penaxüxü̃!

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Auxexü̃chiga 1:8

Yerucharéü̃arü duü̃xü̃gü rü poraãcü chixexü̃ naxügü, rü yemaca̱x ga yema togü ga nachixü̃anegü rü düxwa nüxü̃ naxoe. Rü yema nachixü̃anegü ga ü̃pa Yerucharéü̃maxã taãẽgüxü̃ rü ñu̱xma rü nüxü̃ naxoe, erü nüxü̃ nadaugü nax poraãcü chixexü̃gu nanguxü̃. Rü ngẽmaca̱x i ñu̱xma i ngẽma norü duü̃xü̃gü rü naxauxe rü naxãnee, rü ngẽma togü i nachixü̃anecüã̱xgüna naxãca̱xwe̱xgümare.

1 Chamué 4:3

Rü yexguma yema ínapegüxü̃ca̱x nawoegu̱xgu ga Iraéanecüã̱xgüarü churaragü rü yema Iraéanearü ãẽ̱xgacügü rü ñanagürügü nügümaxã: —¿Tü̱xcüü̃ i ñu̱xma ya Tupana i Firitéugüxü̃ naxüchicaxü̃ nax tüxü̃ naporamaegüxü̃ca̱x? ¡Rü ngĩxã Chilówa taxĩ rü tayayaxu i ngẽma baú i Cori ya Tupanaarü mugü nawa ngẽxmaxü̃ nax ngẽmaãcü i nüma rü tatanüwa nangẽxmaxü̃ca̱x rü tüxü̃ ínapoxü̃xü̃ca̱x nüxna i ngẽma tórü uanügü! —ñanagürügü.