Ichaía 59:16 - Tupanaarü Ore

¹⁶ Rü nüma ya Tupana rü namaxã naba̱i̱xãchi nax taxúema taétüwa üxü̃. Rü ngẽmaca̱x nümatama rü norü poramaxã tüxü̃ ínanguxü̃xẽxẽ.

Ichaía 59:16 Referans Kwoze

Echequié 22:30

Rü choma rü ngẽma duü̃xü̃gütanügu naxca̱x chadau i wüxi i duü̃xü̃ i chope̱xewa ñaa nachixü̃aneétüwa chogüxü̃ nax tama chanapoxcuexü̃ca̱x i ngẽma duü̃xü̃gü, natürü taxuxü̃ma ichayangau.

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.

Wiyaegü 98:1

¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.

Ichaía 41:28

Rü ichadawenü rü taxuxü̃ma rü aixcüma tupanagü nixĩ, rü taxuxü̃ma ga ucu̱xẽ ixãxü̃xü̃ chadau. Rü taxuxü̃ma choxü̃ nangãxü̃ ga yema naxca̱x íchaca̱xaxü̃.

Ore i mexü̃ ga Márcu ümatüxü̃ 6:6

Rü naba̱i̱xãchiãxẽ ga Ngechuchu, yerü yema duü̃xü̃gü rü tama nüxü̃́ nayaxõgü. Rü Ngechuchu rü guma ngaicamagüne ga ĩanexacügügu nixũgüchigü, rü nayangúexẽẽtanü ga duü̃xü̃gü.

Ichaía 52:10

Rü Tupana rü guxü̃ i nachixü̃anegüxü̃ nanawe̱x i norü pora. Rü guxü̃ i nachixü̃anegüwa tá nüxü̃ nacua̱xgü nax tórü Tupana tüxü̃ ínguxü̃xẽẽxü̃.

Wiyaegü 106:23

Rü nüma ga Tupana rü nüxü̃ nixu rü tá nanadai ga yema duü̃xü̃gü. Natürü ga nüma ga Moiché rü naétüwa nachogüama rü yemaca̱x narüngüxmü ga Tupana rü tama nanadai.

Ichaía 50:2

¿Rü ta̱xacüca̱x tama texéxü̃ nua chayangau ga yexguma nua chaxũxgu? ¿Rü yexguma nua ichacagügu rü ta̱xacüca̱x taxúema choxü̃ tangãxü̃? ¿Ẽ̱xna nagu perüxĩnüe nax tama chaporaxü̃ nax togüme̱xẽwa pexü̃ chapuxü̃xü̃? ¿Ẽ̱xna nagu perüxĩnüe nax tama chaporaxü̃ nax pexü̃ íchanguxü̃xẽxẽxü̃ naxme̱xwa i perü uanü? Rü aixcüma pemaxã nüxü̃ chixu rü choma choxü̃́ nangẽxma i pora nax chanamuxü̃ i már rü natügü nax yachegüxü̃ca̱x rü ngẽmaãcü naxnücüane nax yaxĩgüxü̃ca̱x rü choxnigü rü ngearü dexáã́xü̃maxã nayuexü̃ rü yayixexü̃.

Yeremía 5:1

Nüma ya Cori ya Tupana rü ñanagürü: —¡Yerucharéü̃arü namagügu pixĩagütanü, rü mea ngẽxma pidauagütanü, rü plázagügu naxca̱x pedau rü aixcüma tá tüxü̃ peyangau ya texé ya mea maxü̃́xẽ rü ixaixcümachaü̃xẽ! Rü ngẽxguma tá tüxü̃ ipeyangauxgu rü taxũtáma chanapoxcu ya Yerucharéü̃.

Ichaía 33:2

Pa Cori ya Tupanax, ¡ẽcü cuxü̃́ tangechaü̃tümüü̃gü i toma nax cuxme̱xwa tangexmagüxü̃! Rü tanaxwa̱xe i guxü̃guma pa̱xmama toxü̃ curüngü̃xẽxẽ. Rü tanaxwa̱xe nax torü poxü̃ruxü̃ quixĩxü̃ i ngẽxguma guxchagü toxca̱x ínguxgu.

Ichaía 33:3

Rü ngẽxguma duü̃xü̃gü nüxü̃ ĩnüegu nax poxcu namaxã cuxueguxü̃ rü nibuxmü. Rü ngẽxguma curü pora nüxü̃ cuwe̱xgu rü nachixü̃anegüarü duü̃xü̃gü rü nügü nawoone.

Ichaía 40:10

Rü marü norü poramaxã ínangu ya Cori ya Tupana, rü guxü̃táma i ngẽma norü poramaxã duü̃xü̃gümaxã inacua̱x. Rü marü ínananguxü̃xẽxẽ rü nanawoeguxẽxẽ i norü duü̃xü̃gü ga norü uanügü togü ga nachixü̃anewa gagüxü̃.

Ichaía 51:5

Rü choma rü paxa tá chorü duü̃xü̃güxü̃ íchapoxü̃. Rü paxa tá íchananguxü̃xẽxẽ naxme̱xwa i norü uanügü. Rü chorü poramaxã tá guxü̃ i nachixü̃anegümaxã ichacua̱x. Rü ngẽma nachixü̃anegü i yáxü̃wa már arü tocutüwa ngẽxmagüxü̃ rü tá cha̱u̱xca̱x nadaugü rü tá chorü porana narüyoü̃.

Wiyaegü 94:16

¿Rü texé tá choxü̃ ítapoxü̃ nüxna i ngẽma chixexü̃gu maxẽxü̃ rü ngẽma chixexü̃arü üruü̃gü?

Ichaía 51:9

¡Pa Tupanax, paxa nango̱xẽxẽ i curü pora! ¡Rü inawe̱x i curü pora ga yexguma nũxcüma icunawe̱xgurüxü̃! ¿Tama ẽ̱xna cuma yixĩxü̃ ga cunada̱i̱xü̃ ga yema Equítuanecüã̱xgü ga yexguma cuyapayexẽẽgu ga már rü natamawa cuyachoü̃xẽẽgu ga curü duü̃xü̃gü ga Equítuanecüã̱xme̱xẽwa ícunguxü̃xẽxẽxü̃?

Ichaía 53:1

¿Texé tá tayaxõ ga yema ore ga nüxü̃ ixuxü̃? ¿Rü texéca̱x nixĩ ga nango̱xẽxẽãxü̃ ga norü pora ya Cori ya Tupana?

Ichaía 62:8

Rü nüma ya Tupana rü nügüégagutama Iraétanüxü̃maxã nanaxuegu rü ñanagürü: —Tagutáma wena chanangexrü nax norü uanügü nangṍxü̃ i Iraétanüxü̃arü trigu rü ngẽma togümare i duü̃xü̃gü yaxaxgüxü̃ ya Iraétanüxü̃arü bínu ya poraãcü naxca̱x napuracüecü.