Ichaía 59:11 - Tupanaarü Ore

¹¹ Rü guxãma i yixema rü ñoma osu i düraxü̃rüxü̃ tingi̱netanücüxü rü muxtucurüxü̃ tangechaxü̃gagü. Rü ítanangu̱xẽxẽ nax tórü uanügüme̱xẽwa ínguxü̃xü̃ natürü ya Tupana rü tama paxa tüxü̃ narüngü̃xẽxẽ. Rü tanaxwa̱xe nax ngẽma uanügüme̱xẽwa ínguxü̃xü̃ natürü naxme̱xwa tangexmagüama.

Ichaía 59:11 Referans Kwoze

Ichaía 38:14

Rü ñoma chirugürüxü̃ rü cówagürüxü̃ rü muxtucugürüxü̃ charüdoxü. Rü yima chauxetügü rü düxwa nipae nax yeü̃cürü daxũ chadawenüxü̃ rü ñachagürü: “Pa Corix, ngúxü̃ chinge. ¡Ẽcü cha̱u̱xca̱x yataanexẽxẽ!” ñachagürü.

Echequié 7:16

Rü woo togü rü máxpüxanexü̃wa nabuxmügu ñoma muxtucugü i baixãchiexü̃rüxü̃, natürü guxãtáma tümaarü pecadugagu tayueama.

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Yeremía 8:15

Rü yixema rü ítayangu̱xẽẽgü nax mexü̃ taxca̱x ínguxü̃, natürü taxuxü̃ma i mexü̃ taxca̱x ínangu. Rü ítayangu̱xẽẽgü nax nataxuxü̃ i guxchaxü̃gü, natürü muü̃xíca nangẽxma.

Ichaía 59:9

Rü tórü chixexü̃gagu Tupana tama paxa tórü uanügüme̱xẽwa tüxü̃ ínanguxü̃xẽxẽ. Rü yixema nagu tarüxĩnüe nax paxa chi íinguxü̃xü̃, natürü tórü uanügüme̱xẽwa tangexmagüama. Nagu tarüxĩnüe nax paxa ngóonexü̃wa tá imaxẽxü̃ natürü ẽanexü̃wa tangexmagüama.

Ichaía 51:20

Pa Yerucharéü̃cüã̱x, pema rü ñoma cowügü i yütagu yixü̃rüxü̃ peturae rü namagüarü poxõchigüwa pecaquegü. Rü Tupanaarü nu rü pexna nangu rü ngẽmaca̱x ngúxü̃ pingegü.

Wiyaegü 119:155

Cuma rü tama nüxü̃ curüngü̃xẽxẽ i ngẽma duü̃xü̃gü i chixexü̃ ügüxü̃ erü nümagü rü tama naga naxĩnüe i curü mugü.

Wiyaegü 85:9

Rü aixcüma nixĩ ya Tupana i tüxna nangaicamaxü̃ nax tüxü̃ nangü̃xẽẽxü̃ca̱x ya yíxema naga ĩnüexe. Rü ngẽmaãcü i ngẽma norü üüne rü torü naanewa tá nangẽxma.

Wiyaegü 38:8

Rü chatura rü changearü poraã̱x. Rü chixãĩnecüü erü chorü maxü̃newa poraãcü ngúxü̃ chinge.

Wiyaegü 55:2

¡Rü choxü̃́ irüxĩnü rü choxü̃ nangãxü̃! Erü chorü guxchaxü̃gagu chaxoegaãxẽ rü poraãcü chamuü̃.

Ichaía 59:8

Rü tama nüxü̃ pecua̱x i ngẽma nacüma i mexü̃, rü taxuwama name i ngẽma pexüxü̃. Rü ngẽma pecüma rü nachixe, rü texé ya pemaxã ãmücüxe rü tagutáma taãẽwa tangexma.

Ichaía 59:14

Rü nüxü̃ taxo i ngẽma mexü̃, rü nüxna tayáxü̃gugü i ngẽma aixcüma we̱xguxü̃. Rü tama tayanguxẽxẽ i ngẽma duü̃xü̃güpe̱xewa nüxü̃ ixuxü̃. Rü tama tixaixcümagü. Rü yíxema nüxna ixũgachixe i ngẽma chixexü̃ rü tüxü̃́ naxca̱x tangĩ̱x i ngẽma tümaarü ngẽmaxü̃gü. Rü nüma ya Tupana rü nanu rü tama nataãxẽ namaxã i ngẽma ixüxü̃, erü nüxü̃ nadau nax nataxuxü̃ma i mexü̃.

Auxexü̃chiga 3:17

Rü ngẽma chorü taãxẽ rü choxna nixũgachi, rü marü düxwa nüxü̃ icharüngüma i guxü̃ma i ngẽma taãxẽ ga noxri choxü̃́ yexmaxü̃.

Naúü̃ 2:7

Rü ngẽma ãẽ̱xgacü naxma̱x rü to i nachixü̃anewa ngĩxü̃ nagagü namaxã i ngĩxü̃taxü̃gü. Rü ñoma muxtucurüxü̃ iyaxaxunetanü rü ngĩgü napaxremügüãcüma ixauxe.

Wiyaegü 119:150

Erü ngẽma chixexü̃ i duü̃xü̃gü i chowe ingẽxü̃tanüxü̃ rü choxna nangaicamagü. Natürü taxucürüwa i ta̱xacü chomaxã naxügü erü tama naga naxĩnüe i curü mugü.

Naúü̃ 2:8

Rü Nínibecüã̱xgü rü nibuxmü naxrüxü̃ i natüarü dexá i tama íyachaxãchixü̃ ega yawãxnagu i norü poyexü̃ruxü̃. Rü duü̃xü̃gü rü tagaãcü nüxna nacagüe rü ñanagürügü: —¡Ípeyachaxãchitanü! ¡Pegü peyawoegu! —ñanagürügü. Natürü taxuxü̃ma nügü nawoegu.