Ichaía 59:10 - Tupanaarü Ore

¹⁰ Rü yixema rü ñoma ngexetügüxü̃ i ĩxtapü̱xgu idaugüetanüxü̃rüxü̃ tixĩgü. Rü ngunecü rü ñoma chütacü ixĩxgurüxü̃ ta̱xacügu tayayi. Rü woo nax imaxẽxü̃, natürü ñoma iyuexü̃rüxü̃ tixĩgü.

Ichaía 59:10 Referans Kwoze

Wenaxarü naxümatü ga Tupanaarü mugü 28:29

Rü ñoma duü̃xü̃ i ngexetüxü̃ i nuxica rü puxü̃rüxü̃ tá pixĩgü. Rü guxü̃ma i perü puracü i pexüxü̃wa rü taxũtáma mea pexü̃́ ínanguxuchi. Rü guxü̃gutáma togü pemaxã inacua̱x rü tá pexü̃́ nangĩ̱x rü taxúetama pexü̃ tarüngü̃xẽxẽ.

Yox 5:14

Rü ngunecü rü ñoma naxẽanegurüxü̃ nixĩ, erü naxca̱x nawaanegü ñoma nachütaxü̃rüxü̃.

Auxexü̃chiga 3:6

Rü waanexü̃wa choxü̃ nayexmaxẽxẽ guxema duü̃xẽgü ga nũxcüma yuexerüxü̃.

Nüxíraxü̃xü̃ ga popera ga Cuáü̃ ümatüxü̃ 2:11

Natürü yíxema tümaenexẽchi aixe, rü ẽanexü̃watama tangexma, rü ẽanexü̃gu tixũ. Rü tama nüxü̃ tacua̱x nax ngextá taxũxü̃, erü ngẽma ẽanexü̃ rü tüxü̃ nixoxetüxẽxẽ.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Amúx 8:9

Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Auxexü̃chiga 4:14

Rü ngẽma orearü uruü̃netagü rü chacherdótegü rü ĩanearü namagügu narüxĩane ñoma duü̃xü̃gü i ngexetügüxü̃rüxü̃. Rü naxme̱xgü rü nagümaxã nayapagü, rü ngẽmaca̱x taxúema naxchirugu tingõgüchaü̃.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Ichaía 8:15

Rü muxẽtama nagu tacuxgü rü tiiyi rü tayue. Rü muxẽtama nagu ítayauxü̃ rü marü taxucürüwatama tibuxmü —ñanagürü.

Ucu̱xẽgüchiga 4:19

Natürü ngẽma nacüma i nagu naxĩxü̃ i ngẽma duü̃xü̃gü i chixexü̃gu maxẽxü̃, rü wüxi i ẽanexü̃ nixĩ, rü ngẽmaca̱x tama nüxü̃ nacua̱xgü nax ta̱xacügu yanapucutügüxü̃.

Ichaía 8:14

Natürü ngẽxguma taxũtáma chauga pexĩnüegu rü choma rü tá perü toxyepe̱xeruxü̃ chixĩ. Rü ngẽma Yudáanearü duü̃xü̃güca̱x rü Iraéanearü duü̃xü̃güca̱x rü ñoma wüxi i nuta i nagu ipucutügücürüxü̃ tá chixĩ. Rü wüxi i norü guxcharuxü̃ tá chixĩ i ngẽma Yerucharéü̃cüã̱xgü.

Ichaía 28:13

Rü ngẽmaca̱x ya Cori ya Tupana rü ñoma buxü̃gü i buexüchixü̃ i ngexwaca̱xtama ugütaexü̃ cua̱xgüxü̃ãcü tá pemaxã nidexa. Rü pema rü ngẽxguma ipexĩxgu rü buxü̃gü i ngexwaca ũxü̃ cua̱xgüxü̃rüxü̃ tá peca̱xwe̱xmaxã ipeyayi rü peyapíe, rü perü uanügü tá pexü̃ ínayaxuxü̃.

Echequié 21:15

Rü ngẽma tara rü tá poraãcü nanamuü̃xẽxẽ i duü̃xü̃gü. Rü tá nangẽxma i muxü̃ma i yuexü̃. Rü guxü̃nema ya ĩpatawa tá nangu i ngẽma tara i dairuxü̃. Rü ngẽma nixĩ i ngẽma tara i ya̱u̱xracüüxü̃ rü yaba̱i̱xbeanexẽẽxü̃ rü meama waixmaguxü̃ nax duü̃xü̃güxü̃ nada̱i̱xü̃ca̱x.

Miquéa 3:6

Rü pemax i orearü uruü̃güneta rü chütacü rü marü taxũtáma pengo̱xetügü. Rü ngẽxguma rü marü taxũtáma nüxü̃ pecua̱x i ngẽma Tupana nagu rüxĩnüxü̃. Rü ñoma üa̱xcü rütaxuxü̃rüxü̃ tá inarütaxu nax pengo̱xetüxü̃ rü taxũtáma Tupana pexü̃ nüxü̃ nacua̱xẽxẽ i ngẽma tá ngupetüxü̃.