Ichaía 57:4 - Tupanaarü Ore

⁴ ¿Rü texéxü̃ yixĩxü̃ i pecugüexü̃ i pemax? ¿Rü texécha̱xwa yixĩxü̃ i pidaugachigüxü̃? ¿Rü texéna yixĩxü̃ i pede̱xgüexü̃? Pema rü pecadu nanegü pixĩgü, rü duü̃xü̃ i dorata̱xgüxü̃ pixĩgü.

Ichaía 57:4 Referans Kwoze

Norü taxre ga popera ga Pedru ümatüxü̃ 2:13

Rü nümagü rü ngúxü̃ tá ningegü nagagu i ngẽma ngúxü̃ i toguã̱xü̃ yangexẽẽgüxü̃. Rü nümagü rü namaxã nataãẽgü i ngẽma naxü̃nearü ngúchaü̃ i ngunecütama naxügüxü̃. Rü ngẽxguma pemaxã nachibüegu, rü wüxi i chixexü̃chixü̃ rü ãnexü̃chi nixĩgü, erü ngéma rü ta nanaxügü i norü chixexü̃gü i namaxã pexü̃ nawomüxẽẽgüchaü̃xü̃.

Ichaía 1:4

Pa Duü̃xü̃gü i Chixexü̃ Ügüxü̃ rü Chixexü̃gu Ímaxẽxü̃x, ngúxü̃ pinge erü pema rü chixexü̃arü üruü̃gütaagü pixĩgü, rü nanegü i pecaduã̱xgüxü̃ pixĩgü. Pema rü marü nüxna pixĩgachi ya Iraétanüxü̃arü Tupana ya üünecü rü marü nüxü̃ perüxoe.

Wiyaegü 35:21

Rü poraãcü choxü̃ nacugüe rü chauchiga nidexagü rü ñanagürügü: —Dücax, toxetümaxã nüxü̃ tadau nax chixexü̃ naxüxü̃ —ñanagürügü.

Ínachoxü̃xü̃chiga 9:17

Natürü woo nax cuxü̃ chamaxẽẽxü̃, rü cuma rü tama icuxĩnüchaü̃ rü tama cuyange̱xgüchaü̃ i chorü duü̃xü̃gü.

Colosenses 3:6

Rü ngẽma chixexü̃gügagu tá ínangu i Tupanaarü poxcu naxca̱x i ngẽma duü̃xü̃gü i tama naga ĩnüexü̃.

Efesios 5:6

¡Rü ngẽxguma texé ta̱xacürü ngu̱xẽẽtae i taxuwama mexü̃maxã pexü̃ womüxẽxẽchaü̃gu rü taxṹ i naga pexĩnüexü̃! Erü ngẽma ngu̱xẽẽtae i taxuwama mexü̃gagu tá nixĩ ya Tupana poraãcü napoxcuexü̃ i ngẽma duü̃xü̃gü i tama naga ĩnüexü̃.

Ngechuchuarü ngúexü̃gü ga yamugüxü̃arü puracüchiga 9:4

Rü ñaxtüanegu nayangu ga Chauru, rü nüxü̃ naxĩnü ga wüxi ga naga ga nüxna cagüxü̃ ga ñaxü̃: —Pa Chaurux, Pa Chaurux, ¿tü̱xcüü̃ chowe quingẽchigü? —ñaxü̃.

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Ore i mexü̃ ga Matéu ümatüxü̃ 27:29

Rü naeruwa nayanga̱xcuchigü ga wüxi ga nga̱xcueruxü̃ ga chuchuxü̃wa naxügüxü̃. Rü wüxi ga naixmena̱xãxãcüxü̃ nüxü̃ nayayauxãchixẽxẽ ga norü tügüneme̱xẽwa. Rü ñu̱xũchi nape̱xegu nacaxã́pü̱xügü, rü nüxü̃ nacugüe, rü ñanagürügü: —¡Namaxü̱̃x ya Yudíugüarü Ãẽ̱xgacü! —ñanagürügü.

Ore i mexü̃ ga Matéu ümatüxü̃ 13:38

Rü ngẽma naane i nagu natoexü̃, rü ñoma i naane nixĩ. Rü ngẽma mexü̃ne ya triguchire rü ngẽma nixĩ i duü̃xü̃gü i Tupanaarü ixĩgüxü̃. Rü ngẽma chixexü̃ i natüane, rü ngẽma nixĩ i duü̃xü̃gü i Chatanáarü ixĩgüxü̃.

Ochéa 10:9

Rü Tupana rü ñanagürü: —Pa Iraétanüxü̃x, pema rü tama nüxü̃ perüxoe nax chixexü̃ pexügüxü̃. Rü yexguma Guibeáwa penaxügügumama nixĩ nax pecadu pexügüechaxü̃, rü ñu̱xma rü ta rü tama nüxü̃ perüxoeéga. Rü ngẽmagagu rü Guibeágu tá daigu nayue i ngẽma chixexü̃gu maxẽxü̃.

Echequié 2:4

Rü nümagü i ngẽma duü̃xü̃gü rü tama chauga naxĩnüechaü̃ rü tama choxü̃ nacua̱xgüchaü̃. Rü ngẽmatanüwa tá nixĩ i cuxü̃ chamuxü̃ nax namaxã nüxü̃ cuyarüxuxü̃ca̱x i ñaa chorü ore —ñanagürü ga Cori ya Tupana.

Ichaía 37:29

Rü ngẽma nax poraãcü chomaxã cunuxü̃gagu rü cugü ícurütaxü̃gagu rü choma rü tá cuxü̃ chichotamaraü̃ rü cuã̱xwa tá chayaxǘcuchi i wüxi i curü chaxãchixẽxẽruxü̃. Rü ngẽma nama i nagu nua cuxũxü̃gu tátama cuxü̃ chataeguxẽxẽ” —ñanagürü ga Tupana.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Ichaía 30:9

Ñaa duü̃xü̃gü rü duü̃xü̃gü i tama ixĩnüechaü̃xü̃ rü tama yaxõgüchaü̃xü̃ nixĩgü. Rü tama norü Coriarü ucu̱xẽgü inarüxĩnüechaxü̃.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Ichaía 10:15

Natürü taxucürüwa i wüxi i yuema nügügu narüxĩnü nax norü yora i namaxã icuáxü̃arü yexera nax yixĩxü̃. Rü taxucürüwa i wüxi i chera nügügu narüxĩnü nax norü yora i namaxã puracüxü̃arü yexera nax yixĩxü̃. Rü taxucürüwa i wüxi i caxü̃ruxü̃ i naimare ixĩxü̃ nagu narüxĩnü nax norü yoramaxã inacuáxü̃.

Wiyaegü 69:12

Rü duü̃xü̃gü rü ĩanearü plazawa chauchiga nidexagü rü ngẽma ngãxẽxü̃ rü chaugu nawiyaegü.

Wiyaegü 22:17

Rü nango̱x ya guxü̃nema ya chauxchina̱xãremügü, rü ngẽmaca̱x chayaxugü. Rü ngẽma chorü uanügü rü choxü̃ narüdaunüecha.

Wiyaegü 22:13

Rü ñoma leóü̃ i norü taiyamaxã ichogüxü̃ rü aita üexü̃rüxü̃ choxna nayu̱xgu.

Wiyaegü 22:7

Rü ngẽxguma choxü̃ nadaugügu i duü̃xü̃gü rü choxü̃ nacugüe rü choxna nabia̱xgü rü nanexáerugü rü chixri chauchiga nidexagü.

Yochué 10:21

Natürü nüma ga Iraétanüxü̃ rü taxuxü̃ma nüxü̃ nangupetü, rü mea nawoegu naxca̱x ga Machedá ga ínapegüxü̃wa ga Yochué íyexmaxü̃wa. Rü taxúema tügü taporaxẽxẽ nax chixri nachiga tidexaxü̃ ga Iraétanüxü̃.

Iraétanüxü̃arü muxchiga 16:11

Rü natüca̱xma nixĩ i Aróü̃chiga chixri pidexagüxü̃ erü nüma i Aróü̃ rü taxuxü̃ma nixĩ. Rü aixcüma pemaxã nüxü̃ chixu rü yima namaxã penuecü i cuma rü cumücügü, rü Cori ya Tupana nixĩ —ñanagürü.

Ichaía 48:8

Rü pema rü taguma nüxü̃ pexĩnüechiga rü tama nüxü̃ pecua̱x i ngẽma, erü choma rü nüxü̃ chacua̱x nax tama chomaxã pixaixcümagüxü̃, rü noxritama pengóegu rü taguma chauga pexĩnüexü̃.

Ichaía 57:5

Rü naigü i taxü̃tüxü̃wa rü guxü̃ma i naigü i metanüxü̃tüxü̃wa rü pegümaxã pemaxẽ nax ngẽmaãcü nüxü̃ picua̱xüü̃güxü̃ca̱x i ngẽma perü tupananetagü. Rü doxonexü̃güwa rü nutatanüarü ãxmagüxü̃wa perü tupananetagüca̱x tüxü̃ pidai rü tüxü̃ ípigu ya penegü rü pexacügü.

Norü taxre ga to ga popera ga ãẽ̱xgacügüchiga ümatüxü̃ 36:16

Natürü nümagü ga yema duü̃xü̃gü rü nüxü̃ nacugüeama ga yema Tupanaarü orearü uruü̃gü rü tama nüxü̃́ inarüxĩnüechaü̃ ga yema namaxã nüxü̃ yaxugüxü̃ rü nagu nidauxcüraxü̃gü. Rü yemaca̱x ga nüma ga Tupana rü düxwa namaxã nanu ga yema norü duü̃xü̃gü rü taxúema Tupanaxü̃ ítayachaxãchixẽxẽ.

Yeremía 20:8

Rü guxü̃guma i ngẽxguma chidexagu rü chanaxunagü i poxcuchiga rü daichiga. Rü ngẽmaca̱x i daa ĩanecüã̱x rü guxü̃guma chixexü̃ chomaxã nixugüe rü choxü̃ nacugüe, erü nüxü̃ chixu i curü ore.