Ichaía 57:3 - Tupanaarü Ore

³ Rü Tupana rü ñanagürü: —Pa Yuüxü̃ Nanegüx, pema rü nanegü pixĩgü i yatü i naxma̱xna ngexü̃ i naxü̃nemaxã taxexü̃maxã maxü̃xü̃. ¡Rü nua pexĩ rü choxü̃́ iperüxĩnüe!

Ichaía 57:3 Referans Kwoze

Ore i mexü̃ ga Matéu ümatüxü̃ 16:4

Rü ñanagürü ta ga Ngechuchu: —Ñaa duü̃xü̃gü i chixecümagüxü̃ rü tama yaxõgüxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü yema cua̱xruxü̃ ga Tupanaarü orearü uruxü̃ ga Yonáwa üxü̃xicatama nixĩ i tá nüxü̃ chawéxü̃. Rü taxuxü̃táma i to i cua̱xruxü̃ tá nüxü̃ chadauxẽxẽ i ñaa duü̃xü̃gü —ñanagürü ga Ngechuchu. Rü ñu̱xũchi nüxna yéma nixũ rü inaxũãchi.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Popera ga Chantiágu ümatüxü̃ 4:4

Pa Duü̃xü̃gü i Chixri Maxẽxü̃x, ¿Tama ẽ̱xna nüxü̃ pecua̱x rü ngẽxguma ñoma i naanewa ngẽxmaxü̃ i chixexü̃güxü̃ pengechaxü̃gügu rü Tupanamaxã perüxuanügu? Erü texé ya ñoma i naanewa ngẽxmagüxü̃ i chixexü̃güxü̃ ngechaü̃güxe rü Tupanamaxã tarüxuanügü.

Ore i mexü̃ ga Luca ümatüxü̃ 3:7

Rü yexguma Cuáü̃xü̃tawa naxĩxgu ga duü̃xü̃gü nax ínabaiü̃xẽẽãxü̃ca̱x, rü nüma ga Cuáü̃ rü ñanagürüama nüxü̃: —Pa Ãxtapearü Duü̃xü̃güx ¿Texé pemaxã nüxü̃ tixu nax na̱xcha̱xwa tá pibuxmüxü̃ i ngẽma poxcu i marü ingaicaxü̃?

Ore i mexü̃ ga Matéu ümatüxü̃ 23:33

Pa Ãxtapearü Duü̃xü̃güx, pema rü poraãcü pichixe. ¿Ñuxãcü tá naxcha̱xwa pibuxmü ya yimá üxü ya taguma ixoxü̃ne?

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

Ore i mexü̃ ga Matéu ümatüxü̃ 3:7

Natürü yexguma Cuáü̃ nüxü̃ da̱u̱xgu ga naxü̃tawa nax nangugüxü̃ ga muxü̃ma ga ãẽ̱xgacügü ga Parichéugü rü Chaduchéugü nax ínabaiü̃xẽẽãxü̃ca̱x, rü Cuáü̃ ñanagürü nüxü̃: “Pa Ãxtapearü Duü̃xü̃güx, ¿rü texé pemaxã nüxü̃ tixu nax na̱xcha̱xwa pibuxmüxü̃ i Tupanaarü poxcu i ãũcümaxü̃ i marü pexca̱x ingaicaxü̃?

Ochéa 1:2

Rü ñaa nixĩ ga yema nüxíraxü̃xü̃ ga ore ga Cori ya Tupana Ochéamaxã nüxü̃ ixuxü̃. Rü ñanagürü nüxü̃: —Ngẽma Iraéanecüã̱x rü ñoma wüxi i ngexü̃ i natena ngeãẽxü̃rüxü̃ choxna nixĩgachi. Rü cumax, Pa Ochéax, rü wüxi i cua̱xruxü̃ tá quixĩ naxca̱x i ngẽma duü̃xü̃gü. ¡Rü ngẽmaca̱x i ñu̱xma rü wüxi i nge i naxü̃nemaxã taxexü̃maxã naxãxma̱x rü ngĩwa naxãxacü! Rü ngẽmaãcü i ngẽma cuxacügü rü wüxi i nge i ngeãẽcüxacügü tá nixĩgü —ñanagürü.

Ichaía 45:20

Rü nüma ya Tupana rü ñanagürü ta: —Guxü̃ma i pema i togü i nachixü̃anewa íyaxügüxe rü name nixĩ nax pexĩtaque̱xexü̃ rü nua pexĩxü̃. Rü pema i naxchicüna̱xãgü i nainaxca̱x pingegüxü̃ rü nüxü̃ picua̱xüü̃güxü̃ rü tama peãẽxü̃ pecua̱x, erü ngẽma naxchicüna̱xãgü rü taxũtáma pexü̃ ínapoxü̃.

Ichaía 1:21

Pemax, Pa Yerucharéü̃cüã̱x, noxri rü aixcüma meama Tupanaga pexĩnüe, natürü i ñu̱xma rü ñoma wüxi i ngexü̃ i naxü̃nemaxã taxexü̃rüxü̃ pixĩgü. Pema ga noxri rü mexü̃ ga nacümagu pemaxẽ, natürü i ñu̱xma rü máetaguxicatama perüxĩnüe.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Ichaía 1:4

Pa Duü̃xü̃gü i Chixexü̃ Ügüxü̃ rü Chixexü̃gu Ímaxẽxü̃x, ngúxü̃ pinge erü pema rü chixexü̃arü üruü̃gütaagü pixĩgü, rü nanegü i pecaduã̱xgüxü̃ pixĩgü. Pema rü marü nüxna pixĩgachi ya Iraétanüxü̃arü Tupana ya üünecü rü marü nüxü̃ perüxoe.

Ichaía 48:16

¡Rü nua pexĩ rü choxü̃́ iperüxĩnüe! Rü guxü̃ma ga yema nagu charüxĩnüxü̃ rü noxriarü ügügucürüwa rü taguma cúãcü nüxü̃ chixu. Rü yexguma Chíru Babiróniaxü̃ rüporamaegu rü choma rü yéma chayexma. Rü ñu̱xma i choma ya Cori ya Tupana ya Guxü̃étüwa Changexmaxü̃ rü chanamu i Chíru rü nüxna chanaxã i pora —ñanagürü.

Ichaía 57:7

Rü pema rü wüxi ya máchanene ya ma̱xpǘnegu pexĩgü rü ngẽxma pepegü rü ngéma perü tupananetagüxü̃ picua̱xüü̃gü rü naxca̱x peyagu i naxü̃nagü.

Ichaía 58:2

Rü nümagü rü guxü̃ i ngunexü̃gu cha̱u̱xca̱x nadaugü rü chomaxã nüxü̃ nixugü nax chauga naxĩnüechaü̃xü̃ ñoma mea namaxẽxü̃rüxü̃ rü chorü mugügu naxĩnüexü̃rüxü̃. Rü nümagü rü choxna naxca̱x nacagü i mexü̃ i mugü rü choxna nangaicamagüchaü̃.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Yeremía 3:6

Rü yexguma Yochía ãẽ̱xgacü ixĩxgu ga Yudáanewa rü yexguma nixĩ ga Cori ya Tupana ga choxü̃ ñaxü̃: —¿Nüxü̃ cudauxü̃ i ngẽma naxügüxü̃ i ngẽma Iraéanecüã̱xgü i tama ixĩnüechaü̃xü̃? Rü nümagü rü guxü̃nema ya ma̱xpǘnegüwa, rü guxü̃ma i nai i imeetaxü̃tüü̃wa rü tupanachicüna̱xãxgüxü̃ nicua̱xüü̃gü. Rü ngẽmaãcü choxna nixĩgachi ñoma wüxi i nge i ngĩtena ngeãẽcürüxü̃.

Yeremía 3:9

Rü yema Yudáanecüã̱xgü rü Iraéanecüã̱xgürüxü̃ tama naxca̱x nachixe ga yema chixexü̃ ga naxügüxü̃. Rü yemaacü norü taãẽmaxã nüxü̃ nicua̱xüü̃gü ga norü tupanachicüna̱xãgü ga nutanaxca̱x rü nainaxca̱x.

Ochéa 2:4

Rü taxũtáma namaxã chixãũxãchi i norü duü̃xü̃gü, erü ngẽma duü̃xü̃gü rü ñoma ngexü̃ i ngeãẽcüwa ngóexü̃rüxü̃ nixĩgü.

Ochéa 2:6

Rü ngẽmaca̱x i choma rü tá tuxugümaxã chanapota i ngĩrü nama rü tá ngĩxü̃ íchapoxexü̃ nax tama nüxü̃ yangauxü̃ca̱x i ngẽma nama i nagu yaxũxü̃.