Ichaía 57:13 - Tupanaarü Ore

¹³ Rü ngẽxguma aita naxca̱x pexüegu nax ngü̃xẽẽca̱x nüxna pecaxü̃ rü ngẽma naxchicüna̱xãgü i nüxü̃ picua̱xüü̃gü rü taxũtáma pexü̃ narüngü̃xẽxẽ rü taxũtáma pexü̃ ínanguxü̃xẽxẽ. Rü buanecü rü tá nayana rü wüxi i cue ñaxü̃maxã rü tá narüxogü. Natürü yíxema choxü̃́ yaxõgüxe rü tá ñaa nachixü̃anegu taxãchixü̃, rü yima ma̱xpǘne ya üünene ya Chióü̃wa tá tamaxẽ —ñanagürü ya Tupana.

Ichaía 57:13 Referans Kwoze

Wiyaegü 37:9

Erü ngẽma duü̃xü̃gü i chixexü̃gu rüxĩnüexü̃ rü tá ínawoxü̃ nawa i ñaa nachixü̃ane. Natürü ngẽma duü̃xü̃gü i Cori ya Tupanaaxü̃́ yaxõgüxü̃ tá nixĩ i nayauxgüxü̃ i ñaa nachixü̃ane.

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Ichaía 65:25

Rü ngẽma airu i naixnecücüã̱x rü tá carnérumaxã wüxiwa nachibüe. Rü ngẽma leóü̃ rü wocarüxü̃ tá maxẽ nangõ̱x. Rü ngẽma ãxtape rü marü taxũtáma tüxü̃ nangõ̱x, erü ngẽma waixü̃mü tá nangõ̱x. Rü guxü̃wama ya yima ma̱xpǘne ya chopata nawa ngẽxmanewa rü taxúetama ya texé chixexü̃ taxü —ñanagürü. Rü nüma ya Cori ya Tupana nixĩ i ngẽma ñaxü̃.

Chacaría 7:13

Rü ñanagürü: —Ñu̱xma nax tama chauga naxĩnüechaü̃xü̃ i ngẽxguma namaxã chidexagu, rü choma rü taxũtáma nüxü̃ chaxĩnü ega ta̱xacüca̱x choxna nacagüegu. Rü yemaca̱x ñoma buanecü ga íxã̱ũ̱xẽmacürüxü̃ düxwa yema togü ga nachixü̃anegü ga tama nüxü̃ nacua̱xgüxü̃gu chanawoone. Rü nawena ga yema norü naane rü chianexü̃xü̃ nayanguxuchi. Rü yema norü naane ga noxri namexẽchi rü nümagütama chianexü̃xü̃ nayangucuchixẽxẽ —ñanagürü ga Cori ya Tupana ya Guxãétüwa Ngẽxmacü.

Joel 3:17

Rü nüma ya Cori ya Tupana rü ñanagürü: —Pemax rü tá nüxü̃ picua̱xãchitanü nax choma i perü Cori ya Tupana rü yima chorü ma̱xpǘne ya Üünene ya Chióü̃wa chamaxü̃xü̃. Rü yima ĩane ya Yerucharéü̃ rü wüxi ya ĩane ya üünene tá nixĩ. Rü tagutáma wena to i nachixü̃anecüã̱xgü nagu nachocu.

Echequié 20:40

Rü guxü̃ma i Iraétanüxü̃ rü yima Iraéanewa ngẽxmane ya chorü ma̱xpǘne ya máchanenewa tá choxü̃ nicua̱xüü̃gü. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngéma rü taãẽãcüma tá pexü̃ chayaxu. Rü ngéma rü tá chanaxwa̱xe nax choxna penaxãgüxü̃ i perü ãmaregü. Rü tá chanaxwa̱xe nax ngéma cha̱u̱xca̱x penanaxü̃ i ngẽma nüxíraxü̃xü̃ i penetügüarü o rü guxü̃ma i ngẽma togü i ãmaregü i choxna pexãxü̃.

Ichaía 66:20

Rü nua chorü ma̱xpǘne ya üünene ya Yerucharéü̃wa ngẽxmanewa tá nanagagü i ngẽma petanüxü̃ i guxü̃ i nachixü̃anegüwa ne nagagüxü̃. Rü nümaxü̃ rü tá cowaruétügu rü togü i carugu, rü togü i caruü̃gu rü togü i mulaétügu rü togü i caméyuétügu tá nua nanagagü, ñoma Iraétanüxü̃ naxpáü̃ i mexü̃gu norü ãmaregü chopata ya taxü̃newa ngẽgüxü̃rüxü̃ —ñanagürü.

Ichaía 65:9

Rü ngẽma Acóbutaagü rü tá chayamuxẽxẽ. Rü tá chayamuxẽxẽ i Yudátanüxü̃ nax ma̱xpǘneanewa namaxẽxü̃ca̱x. Rü ngẽma duü̃xü̃gü i nüxü̃ chaxunetaxü̃na tá nixĩ i chanaxãxü̃ i ngẽma naane, rü ngéma tá namaxẽ i chorü duü̃xü̃gü.

Ichaía 11:9

Rü guxü̃nema ya yima ma̱xpǘne ya chopata nawa ngẽxmanewa rü tataxuma ya texé ya chixexü̃ ǘxe. Erü ngẽma már i dexámaxã napaxü̃rüxü̃ rü ñoma i naane rü ngẽma duü̃xü̃gü i choxü̃ cua̱xgüxü̃maxã tá nanapá.

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Ãẽ̱xgacügü ga guxchaxü̃güarü mexẽxẽruü̃gü 10:14

¡Rü ñu̱xmax rü ngéma naxü̃tawa pexĩ rü nüxna ngü̃xẽxẽca̱x peyaca̱x i ngẽma tupananetagü i pema peyauxgüxü̃! ¡Rü ẽcü i ñu̱xma rü nümagü pexü̃ ínanguxü̃xẽxẽ i ngẽxguma guxchaxü̃wa pengẽxmagügu! —ñanagürü.

Ochéa 13:3

Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.

Yeremía 22:22

Rü guxü̃táma i perü ãẽ̱xgacügü rü tá nigagü ñoma buanecü yagagüxü̃rüxü̃. Rü guxü̃ma i ngẽma togü i nachixü̃anegü i nüxü̃́ peyaxõgüxü̃ rü tá ta uanügüme̱xẽwa nangẽxmagü. Rü pema rü tá pexãnee rü taxuwatáma pime nagagu i guxü̃ma i ngẽma chixexü̃gü i pexügüxü̃.

Yeremía 22:20

Cori ya Tupana rü yema Yudátanüxü̃xü̃ ñanagürü: —Pa Yudátanüxü̃x, ¡ẽcü ma̱xpǘne ya Líbanugu pexĩgü rü ngéma aita pexügü! ¡Rü ma̱xpǘne ya Bacháü̃wa rü petagae! ¡Rü ngẽma Abaríü̃arü ngüchitaeruü̃güwa aita pexügü! Erü guxü̃ma i ngẽma nachixü̃anegü i nüxü̃́ peyaxõgüxü̃ rü uanügüme̱xẽwa nangẽxmagü.

Ichaía 65:11

Natürü i pema rü choxna pixĩgachitanü, rü nüxü̃ perüngümae ya yima chopata ya ma̱xpǘne ya üünexü̃wa ngẽxmane. Rü ñu̱xũchi ngẽma tupananetagü i Gáx i mexü̃ ueguxü̃, rü Mení i chixexü̃ ueguxü̃, rü pema rü õna rü bínu nüxna pexãgü.

Ichaía 41:16

Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.

Ichaía 40:24

Rü nümagü rü ñoma nanetügü i ngexwaca itogüxü̃, rü ngexwaca ixãxchúma̱xãxü̃rüxü̃ nixĩgü. Rü ngẽxguma Tupana natanügu cué ñaxgux rü narüñẽẽxgü rü yimá buanecü ya tacü rü ñoma maxẽ ya ipacürüxü̃ nayange.

Ucu̱xẽgüchiga 28:25

Yíxema diẽruguxicatama rüxĩnüxe, rü nu ítanguxẽxẽ. Natürü yíxema Cori ya Tupanana rüyoexe, rü nüma rü tüxü̃ narüngü̃xẽxẽ.

Wiyaegü 84:12

Pa Cori Pa Tupana ya Guxãétüwa Ngẽxmacüx, rü tataãxẽgü ya yíxema aixcüma cugu yaxõgüxe.

Wiyaegü 58:9

Rü ngẽma chixexü̃gu maxẽxü̃ rü name nixĩ nax naechita paxa nayuexü̃ ñoma chuchuxü̃gü i paxa ixaxü̃rüxü̃. Rü name nixĩ nax buanecü ya poracü yangexü̃güxü̃.

Wiyaegü 1:4

Natürü ngẽma duü̃xü̃gü i chixexü̃gu maxẽxü̃ rü tama ngẽmaãcü mexü̃ nüxü̃ naxüpetü. Rü ñoma maxẽ i paxü̃ ya buanecü cuenagüxü̃rüxü̃ nixĩgü.

Yox 21:18

¿Rü ñuxgu yixĩxü̃ i nüxü̃ idauxü̃ nax ñoma maxẽ i paxü̃ i buanecü ingexü̃rüxü̃ yaxĩgüxü̃?

Norü taxre ga popera ga ãẽ̱xgacügüchiga 3:13

Natürü nüma ga Erichéu rü Iraéanearü ãẽ̱xgacüxü̃ nangãxü̃ rü ñanagürü: —Choxü̃́ nataxuma i ta̱xacüchiga cumaxã chixuxü̃. ¡Ẽcü nüxna yaca i ngẽma cunatü rü cuéarü tupananetagüarü orearü uruü̃gü! —ñanagürü. Natürü nüma ga Iraéanearü ãẽ̱xgacü rü nidexachigüama rü ñanagürü: —Tama. Erü nüma ya Cori ya Tupana rü nua toxü̃ nagagü i toma i tomaepü̱x i ãẽ̱xgacügü nax Moáanecüã̱xme̱xẽgu toxü̃ nayixẽẽxü̃ca̱x —ñanagürü.

Wiyaegü 118:8

Rü name nixĩ nax Cori ya Tupanagu yaxõgüxü̃ rü tama i duü̃xü̃gügu.

Ichaía 14:32

¿Rü ta̱xacü rü oremaxã tá penangãxü̃ i ngẽma Firitéugüarü orearü ngeruü̃gü? ¡Rü namaxã nüxü̃ pixu nax Cori ya Tupana yixĩxü̃ i naxüxü̃ ya Chióü̃, rü nagu tá tayarücu̱xgü ya yíxema norü duü̃xẽgü ya ngúxü̃ ingegüxe! —ñanagürü.

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Ichaía 49:8

Rü nüma ya Cori ya Tupana rü ñanagürü ta: —Yexguma nawa nanguxgu ga ngunexü̃ nax chorü ngü̃xẽẽca̱x ípecaxü̃ rü choma rü pexü̃ chanawe̱x nax pexü̃ changechaü̃xü̃. Rü yexguma penaxwa̱xegu nax pexü̃ íchapoxü̃xü̃ rü pexü̃ charüngü̃xẽxẽxü̃. Rü ñu̱xma i choma rü tá pexna chadau nax wüxi i ngü̃xẽxẽ nüxü̃́ pixĩgüxü̃ca̱x i togü i duü̃xü̃gü. Rü ngẽmaca̱x i pemax, Pa Iraétanüxü̃x, rü wena tá nawa pemaxẽ i ngẽma naanegü ga perü uanügü chixexẽẽgüxü̃ rü ngẽmaãcü tá wena penamexẽxẽ i pechixü̃ane.

Ichaía 60:21

Rü guxü̃ma i ngẽma Yerucharéü̃wa maxẽxü̃ rü duü̃xü̃gü i aixcüma mexü̃gu rüxĩnüexü̃ tá nixĩgü. Rü guxü̃gutáma nachixü̃anearü yora tá nixĩgü. Rü ngẽma duü̃xü̃gü rü ñoma wüxi i nanetü i chomatama ichatoxü̃rüxü̃ tá nixĩgü rü ngẽmatanüwa tá nango̱x i chorü pora.

Yeremía 30:14

Rü yema nachixü̃anegü ga nüxü̃́ peyaxõgüxü̃ nax pexü̃ ínapoxü̃xü̃ca̱x rü pexü̃ inarüngü̃mae. Erü choma nixĩ i pexü̃ chapoxcuexü̃ ñoma wüxi i perü uanürüxü̃. Rü poraãcü pexü̃ chapoxcue nagagu ga yema muxũchixü̃ ga perü chixexü̃gü rü yema pecadugü ga taxucürüwa texé ixugüxü̃.

Wiyaegü 37:11

Natürü yíxema Cori ya Tupanape̱xewa mexü̃gu rüxĩnüexe tá tixĩ ya nayauxgüxe i ñaa naane. Rü ngẽmawa tá nixĩ i aixcüma tataãẽgüxü̃.

Wiyaegü 37:22

Rü yíxema Cori ya Tupana tüxü̃ rüngü̃xẽẽgüxe rü tümaarü tá nixĩ i naane. Natürü i ngẽma tama naga ĩnüexü̃ rü Tupana tá chixexü̃wa nanawogü rü tá inayarüxogü.

Wiyaegü 37:29

Natürü ngẽma mexü̃gü rü noxrü tá nixĩ i ñaa naane rü guxü̃gutáma nawa namaxẽ.

Wiyaegü 37:34

Rü cumax, Pa Duü̃xü̃x ¡Cori ya Tupanaaxü̃́ yaxõ rü naga naxĩnü! Rü nüma rü tá cuxü̃ nicua̱xüxü̃ rü tá cuxna nanaxã i ñaa nachixü̃ane nax cuxrü yixĩxü̃ca̱x. Rü cuxetümaxã tá nüxü̃ cudau nax ñuxãcü yanaxoxü̃ i ngẽma chixexü̃ ügüxü̃.

Ichaía 45:20

Rü nüma ya Tupana rü ñanagürü ta: —Guxü̃ma i pema i togü i nachixü̃anewa íyaxügüxe rü name nixĩ nax pexĩtaque̱xexü̃ rü nua pexĩxü̃. Rü pema i naxchicüna̱xãgü i nainaxca̱x pingegüxü̃ rü nüxü̃ picua̱xüü̃güxü̃ rü tama peãẽxü̃ pecua̱x, erü ngẽma naxchicüna̱xãgü rü taxũtáma pexü̃ ínapoxü̃.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!