Ichaía 57:12 - Tupanaarü Ore

¹² Natürü ñu̱xmata pemaxã nüxü̃ chixu rü ngẽma pexüxü̃ i pexca̱x mexü̃ rü taxuwama name.

Ichaía 57:12 Referans Kwoze

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Ore i mexü̃ ga Matéu ümatüxü̃ 23:5

Rü nümagü rü mea namaeneta, rü guxü̃ma i ngẽma naxügüxü̃, rü nanaxügü nax duü̃xü̃gü nüxü̃ daugüxü̃ca̱x. Rü nacatüwa rü nachacüügüwa nayana̱i̱xcuchigü i Tupanaarü ore i ãxchiü̃xü̃. Rü naxchirupechinüwa nanapaicu i bopü̱xüxü̃ i ngã̱xãẽruü̃gü.

Ichaía 64:5

Rü cuma rü tüxü̃ cuyaxu ya yíxema tümaarü taãẽmaxã mexü̃ üxe rü nüxna cua̱xãchixe nax tanaxüxü̃ i ngẽma cuma cunaxwa̱xexü̃. Natürü i ñu̱xma rü tomaxã cunu erü cupe̱xewa chixexü̃ taxügü rü nũxcümacürüwatama tama cuga taxĩnüe.

Ichaía 29:15

¡Rü tügümaxã tangechaü̃gü ya yíxema Cori ya Tupanacha̱xwa tügü icu̱xgüchaü̃xe wüxigu namaxã i tümaarü chixexü̃ i ẽanexü̃wa taxügüxü̃! Erü ñatagürügü: —Taxúema tüxü̃ tadau rü taxúema nüxü̃ tacua̱x i ngẽma ixügüxü̃ —ñatagürügü.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Ichaía 65:7

Rü ngẽma nax namáetagüxü̃ca̱x rü nanatügü rü ta namáetagüxü̃ca̱x rü tá chanapoxcue. Rü nümagü rü poraãcü choxü̃ nanuxẽẽgü erü ma̱xpǘnegüwa naxchicüna̱xãgüca̱x pumarate̱xe ínagugü. Rü ngüchitaeruxü̃güwa choxü̃ tachoxü̃gagü rü yemaacü choxü̃́ nanangu̱xẽẽgü. Rü ngẽmaca̱x i choma rü tá chanapoxcue —ñanagürü. Rü nüma ya Cori ya Tupana nixĩ i ngẽma ñaxü̃.

Ichaía 66:18

Erü choma rü nüxü̃ chacua̱x i ngẽma nagu naxĩnüexü̃ rü ngẽma naxügüxü̃ i ngẽma duü̃xü̃gü. Rü ngẽmaca̱x i choma rü tá chanangutaque̱xexẽxẽ i guxü̃ma i nachixü̃anecüã̱xgü i duü̃xü̃gü i to i nagawa idexagüxü̃. Rü tá nua nangugü rü tá nüxü̃ nadaugü i chorü pora.

Ichaía 44:9

Ngẽma duü̃xü̃gü i naxchicüna̱xãgü ügüxü̃ rü taxuwama nime. Rü ngẽxgumarüxü̃ ta i ngẽma naxchicüna̱xãgü i naxügüxü̃ rü nüxü̃ yacua̱xüü̃güxü̃ rü taxuwama nime. Rü ngẽma duü̃xü̃gü i naxchicüna̱xãgüxü̃mare icua̱xüü̃güxü̃ rü tama naãẽxü̃ nicua̱x, rü naechitamare namaxẽ. Rü ngẽmaca̱x tá naxãnee.

Yeremía 10:11

Rü Tupana rü ñanagürü: —¡Pa Iraétanüxü̃x, ngẽma duü̃xü̃gü i tama choxü̃ cua̱xgüxü̃maxã nüxü̃ pixu rü ngẽma tupananetachicüna̱xãgü i tama dauxü̃guxü̃ i naane ügüxü̃ rü tama ñoma i naane ügüxü̃, rü tá inayarüxogü i ñoma i naanewa, rü bai i wüxi tá íyaxüxü̃ i daxũguxü̃ i naanetüü̃wa! —ñanagürü.

Yeremía 10:14

Rü guxü̃ma i duü̃xü̃gü rü taxuxü̃ma nacua̱x rü naechitamare namaxẽ. Rü ngẽma naxchicüna̱xãgü rü tama tüxü̃ narüngü̃xẽxẽ ya yíxema naxügüxe. Rü ngẽma naxchicüna̱xãgü rü womüxẽẽruü̃mare nixĩgü, erü ningearü maxü̃ã̱x.

Yeremía 10:15

Rü ngẽma naxchicüna̱xãgü rü taxuwama name, rü cugüruü̃mare nixĩgü. Rü ngẽxguma Cori ya Tupana ínanguxẽẽgü i poxcu, rü tá inayarüxo.

Yeremía 51:18

Rü ngẽma tupananetachicüna̱xãgü rü taxuwama name rü cugüruü̃gümare nixĩgü. Rü nüma ya Cori ya Tupana rü ngẽxguma napoxcuegu i duü̃xü̃gü rü tá nayanaxoxẽxẽ i ngẽma tupananetagü.