Ichaía 57:1 - Tupanaarü Ore

¹ Rü ngẽxguma nayu̱xgu i wüxi i duü̃xü̃ i mecümaxü̃ rü duü̃xü̃güaxü̃́ nanataxuraü̃mare. Rü ngẽxguma nayuegu i duü̃xü̃gü i mecümaxü̃ rü taxúema nüxü̃ tacua̱xéga nax nawa ínanguxü̃xü̃ i ñoma i naanearü chixexü̃.

Ichaía 57:1 Referans Kwoze

Norü taxre ga popera ga ãẽ̱xgacügüchiga 22:20

Ñu̱xmax nax chauga cuxĩnüxü̃gagu rü taxũtáma cumaxyane chanapoxcu ya daa ĩane nax ngẽmaãcü taãẽãcü cuyuxü̃ca̱x rü naxü̃tawa cunguxü̃ca̱x i curü o̱xigü. Rü ngẽmaãcü taxũtáma nüxü̃ cudau i ngẽma poxcu i namaxã tá chanapoxcuxü̃ ya daa ĩane’ ” —ñanagürü. Rü yema ãẽ̱xgacüarü duü̃xü̃gü ga Údaxü̃tawa namugüxü̃ rü nawoegu nax ãẽ̱xgacümaxã nüxü̃ yanaxugüexü̃ca̱x ga yema Tupanaarü ngãxü̃.

Wiyaegü 12:1

Pa Cori Pa Tupanax ¡paxa toxü̃ rüngü̃xẽxẽ! Erü marü nataxuma i aixcüma cuxü̃́ yaxõgüxü̃. Rü ñoma i naanewa marü inarüxo i ngẽma duü̃xü̃gü i aixcüma mexü̃gu rüxĩnüexü̃.

Norü taxre ga to ga popera ga ãẽ̱xgacügüchiga ümatüxü̃ 34:28

Rü ñu̱xma nax ngẽma mexü̃ chope̱xewa cuxüxü̃gagu rü ngẽmaca̱x naxü̃pa nax ínanguxü̃ i ngẽma poxcu rü taãẽãcü tá cuyu rü naxü̃tawa cungu i ngẽma curü o̱xigü, rü taxũtáma nüxü̃ cudau i ngẽma poxcu i daa ĩaneca̱x rü norü duü̃xü̃güca̱x tá íchanguxẽẽxü̃’ ”, ñanagürü ya Tupana —ngĩgürügü. Rü yema ãẽ̱xgacüarü duü̃xü̃gü ga Údaxü̃tawa namugüxü̃ rü nawoegu nax ãẽ̱xgacümaxã nüxü̃ yaxugüexü̃ca̱x ga yema Tupanaarü ngãxü̃.

Miquéa 7:2

Rü ñoma i naanewa rü marü nataxuma i duü̃xü̃gü i mexü̃gu rüxĩnüexü̃ rü Tupanamaxã ixaixcümagüxü̃. Rü wüxichigü rü naxca̱x nadau nax ñuxãcü guxchaxü̃ togueca̱x naxüxü̃. Rü ngẽxguma guxchaxü̃ ngẽxmagu, rü guxü̃ma rü ínamemare nax nügü nada̱i̱xü̃.

Ichaía 42:25

Rü yemaca̱x ga Tupana rü poraãcü yema Iraétanüxü̃maxã nanu. Rü nanayexrü nax norü uanügümaxã nügü nada̱i̱xü̃ca̱x. Rü norü uanügü nüxü̃ narüporamae rü ínanagu ga norü ĩanegü. Natürü woo yemaacü nüxü̃ nangupetü rü nüma ga Iraétanüxü̃ rü tama inaxĩnüechaü̃ —ñanagürü ga Ichaía.

Ichaía 47:7

Rü peãẽwa nagu perüxĩnüe rü ñaperügügü: “Guxü̃gutáma ngẽma togü i nachixü̃anegüétüwa taxügü”, ñaperügügü. Natürü tama nagu perüxĩnüe rü tá iyagúxü̃ nax ngẽma togü i nachixü̃anegümaxã ipecuáxü̃.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Norü taxre ga to ga popera ga ãẽ̱xgacügüchiga ümatüxü̃ 35:24

Rü norü ngü̃xẽẽruü̃gü rü ínanamuegü nawa ga gumá caru ga daiwexü̃, rü náimare ga carugu nayamuẽgü. Rü Yerucharéü̃wa nanagagü, rü yexma nayayu. Rü yema norü o̱xigü íta̱xgüxü̃gu nanata̱xgü. Rü yexguma nayu̱xgu ga Yochía rü guxü̃ma ga Yudáanecüã̱xgü rü Yerucharéü̃cüã̱xgü rü poraãcü naxauxe.

Norü taxre ga to ga popera ga ãẽ̱xgacügüchiga ümatüxü̃ 32:33

Rü yexguma nayu̱xgu ga Echequía rü yema tauque ga Dabítanüxü̃ nagu ta̱xgüxü̃gu nanata̱xgü nape̱xegu ga yema togü ga ãẽ̱xgacügü. Rü guxü̃ma ga yema Yudáanecüã̱xgü rü Yerucharéü̃cüã̱xgü rü nanaxümücügü ga yexguma nata̱xgüãgu. Rü nawena rü nane ga Manaché ãẽ̱xgacüxü̃ ningucuchi.

Nüxíraxü̃xü̃ ga popera ga ãẽ̱xgacügüchiga 14:13

Rü guxü̃ma i Iraétanüxü̃ rü tá naxca̱x naxauxe rü tá naxca̱x nangechaxü̃gü rü tá inanata̱xgü. Natürü yimá nanexica tá nixĩ i itácü i natanüwa i guxü̃ma i ngẽma Yeruboáü̃tanüxü̃. Erü yimá nanewaxicatama nixĩ ya Cori ya Iraéanearü Tupana nüxü̃ nadauxü̃ nax namexü̃ i norü maxü̃.

Ichaía 57:11

¿Rü ta̱xacügü nixĩ i ngẽma perü tupananetagü i nüxü̃ pemuü̃exü̃ rü nüxü̃ picua̱xüü̃güxü̃, rü ngẽmaca̱x choxü̃ iperüngümaexü̃chixü̃ rü tama chauga pexĩnüexü̃? ¿Ẽ̱xna pema rü tama choxü̃ pemuü̃e erü muxü̃ i ngunexü̃ chachianemare rü taxu ñachagürü?

Iraétanüxü̃arü muxchiga 23:10

Rü ñoma ãte̱xexü̃rüxü̃ namuxũchi, ¿rü texé tá tüxü̃́ natauxcha nax tayaxugüxü̃? ¿Rü texé tá nüxü̃ cuáxü̃ i norü mu? Chierüx ngẽma duü̃xü̃gü i mexü̃rüxü̃ chixĩxgu i choma ñu̱xmatáta chayu̱x. Rü ngẽmawena rü chanaxwa̱xe nax Tupana ngẽma duü̃xü̃güxü̃ yaxuxü̃rüxü̃, choxü̃ yaxuxü̃ —ñanagürü.

Wiyaegü 37:37

¡Natürü, dücax, nangugü ya yimá duü̃ ya aixcüma mecü rü mexü̃gu rüxĩnücü! Rü ngẽma tá naxca̱x ínguxü̃ rü taãxẽ nixĩ.

Ichaía 47:11

Natürü tá pexca̱x ínangu i guxchaxü̃gü. Rü taxũtáma ípenapoxü̃ woo nax piyuüechiréxü̃ rü ẽxü̃guxü̃xü̃ picuáxü̃. Rü pexca̱x tá ínangu i wüxi i taxü̃ i guxchaxü̃ i taxucürüwa na̱xcha̱xwa pibuxmüxü̃. Rü wüxi i guxchaxü̃ i tama nagu perüxĩnüexü̃ tá ngürüãchi pexca̱x ínangu.

Yeremía 18:11

Dücax, Pa Yeremíax, ¡rü namaxã nüxü̃ ixu i guxü̃ma i Yudáanecüã̱xgü rü Yerucharéü̃cüã̱x i duü̃xü̃gü rü choma ya Cori ya Tupana rü ñacharügü nüxü̃: “Ñu̱xma rü marü nagu charüxĩnü nax pexü̃ chapoxcuexü̃! ¡Rü nüxü̃ perüxoe i ngẽma chixexü̃ i nagu pemaxẽxü̃, rü penamexẽxẽ i pecüma, rü mexü̃ pexügü!” ñacharügü nüxü̃.

Yeremía 22:10

¡Rü taxṹ i ãẽ̱xgacü ya yucü ya Yochíaca̱x pexauxexü̃! Rü narümemae nixĩ nax nane i Charúü̃ca̱x pexauxexü̃, erü nüma rü to i nachixü̃anewa nanagagü rü tagutáma nataegu. Rü ngẽxma tá nayu, rü tagutáma wena nüxü̃ nadau i ngẽma norü naane i nagu nabuxü̃.

Echequié 21:3

¡Rü Iraéanemaxã nüxü̃ ixu i ñaa chorü ore! “Choma rü curü uanü chaugü chixĩxẽxẽ. Rü tá chanayaxu i chorü tara rü tá chanadai i ngẽma chixexü̃arü üruü̃gü rü woo ngẽma mexü̃ ügüxü̃.