Ichaía 53:10 - Tupanaarü Ore

¹⁰ Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Ichaía 53:10 Referans Kwoze

Romanos 8:32

Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Romanos 6:9

Rü nüxü̃ tacua̱x rü ñu̱xma nax yuwa ínadaxü̃ ya Cristu, rü tagutáma wena nayu. Yerü nüma rü marü yema yuxü̃ narüyexera, rü ngẽmaca̱x i ngẽma yu rü marü tama Cristumaxã inacua̱x.

Ichaía 53:12

Rü ngẽmaca̱x i nüma ya Tupana rü tá ñoma i naanearü ãẽ̱xgacügü i iporaexüchixü̃tanüwa nanangexmaxẽxẽ, rü tá nanatachigaxẽxẽ, yerü nügü inaxã nax pecaduca̱x nayuxü̃ca̱x. Rü nüma ga duü̃xü̃gü rü ñoma wüxi ga máetaxü̃ãcü nüxü̃ narüdaunü, natürü ga nüma rü guxü̃ma ga duü̃xü̃güarü pecadu ninge nax ngẽmaãcü naétüwa nachogüxü̃ca̱x i pecaduã̱xgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.

Romanos 8:8

Rü ngẽmaca̱x ya yíxema tümaxü̃nearü ngúchaü̃we rüxĩxe, rü taxucürüwa Tupanaarü ngúchaü̃ taxügü.

Ore i mexü̃ ga Cuáü̃ ümatüxü̃ 12:24

Rü aixcüma pemaxã nüxü̃ chixu rü ngẽxguma chi wüxipü̱xü i triguchire tama waixü̃müanegu nguxgu rü nayu̱xgu rü wüxipü̱xüechatama nixĩ. Natürü ngẽxguma waixü̃mügu nanguxgu rü nayu̱xgu rü ngéma naxüxgu rü namuxũchi i norü o.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Ichaía 46:10

Rü choma rü noxriarü ügügutama rü ñu̱xmata norü gu̱xwa nangu rü nüxü̃ chixu i ngẽma tá wüxichigü i ngunexü̃ ngupetüxü̃. Rü naxü̃patama nüxü̃ chixu i ngẽma tá ínguxü̃. Rü choma nüxü̃ chixu, rü ngẽma nagu charüxĩnüxü̃ rü tá ningu. Rü ngẽma nüxü̃ chixuxü̃ rü tá chayanguxẽxẽ.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 7:27

Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Popera ga Yudíugü ga yaxõgüxü̃ca̱x ümatüxü̃ 2:13

Rü tóxnamana i Tupanaarü ore i ümatüxü̃wa rü ñanagürü ta ga Nane: “Pa Chaunatüx, cuxü̃́ chayaxõ, erü nüxü̃ chacua̱x rü tá choxü̃ curüngü̃xẽxẽ”, ñanagürü. Rü ñanagürü ta: “Daxe chixĩ, Pa Chaunatüx, namaxã i cuxacügü i choxna cumugüxü̃”, ñanagürü.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Efesios 1:9

Rü tüxü̃ nüxü̃ nacua̱xẽxẽ ga norü ngúchaü̃ ga noxri nüxicatama nüxü̃ nacuáxü̃. Rü yema norü ngúchaü̃ ga nũxcümaxü̃chima Cristumaxã nagu naxĩnüxü̃ ga Tupana, rü yema nixĩ ga ñoma ga naanewa nax namuaxü̃ nax tüxü̃ yamaxẽxẽẽxü̃ca̱x.

Ore i mexü̃ ga Luca ümatüxü̃ 1:33

Rü nüma rü guxü̃gutáma Acóbutanüxü̃arü ãẽ̱xgacü nixĩ. Rü tagutáma ínanguxuchi nax norü ãẽ̱xgacü yixĩxü̃ —ñanagürü.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Chofonía 3:17

Erü nüma ya Cori ya perü Tupana ixĩcü, rü petanüwa nangẽxma, rü nüma rü poracü nixĩ, rü pexü̃ tá namaxẽxẽxẽ. Rü nüma ya Cori ya Tupana rü tá pemaxã nataãxẽ. Rü ngẽma pexü̃ nax nangechaxü̃xü̃gagu rü ngexwaca̱xü̃xü̃ i maxü̃ tá pexna naxã. Rü ngẽma nax pemaxã nataãẽxü̃ rü nüma ya Tupana rü norü taãẽmaxã tá nawiyae ñoma petachigaarü ngunexü̃gurüxü̃ —ñanagürügü tá. Rü nüma ya Cori ya Tupana rü ñanagürü: —Choma rü tá pexü̃ íchanguxü̃xẽxẽ nawa i ngẽma chixexü̃ i pexü̃ ãxũnexü̃. Rü nawa tá pexü̃ íchanguxü̃xẽxẽ i ngẽma ãne i peétüwa ngẽxmaxü̃.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Echequié 37:25

Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.

Echequié 33:11

Natürü choma ya Cori ya Tupana rü chauégagu nüxü̃ chixu nax tama chanaxwa̱xexü̃ nax texe tümaarü pecadugu yuxü̃. Natürü ngẽma chanaxwa̱xexü̃ nixĩ nax nüxü̃ tarüxoxü̃ i tümacüma i chixexü̃ nax ngẽmaãcü tüxü̃́ nangẽxmaxü̃ca̱x i maxü̃. Pa Iraétanüxü̃x, ¡nüxna pixĩgachitanü i ngẽma chixexü̃ i nacüma i nagu pemaxẽxü̃! ¿Rü ta̱xacüca̱x yuwa pegü pexĩxẽxẽ?

Yeremía 32:41

Rü choma rü tá chataãẽãcüma nüxü̃ charüngü̃xẽxẽxü̃. Rü aixcümaxü̃chi guxü̃ma i chorü ngúchaü̃maxã tá ñaa naanewa chanangexmagüxẽxẽ” —ñanagürü.

Wiyaegü 149:4

Erü nüma ya Cori ya Tupana rü namaxã nataãxẽ i norü duü̃xü̃gü i nüxü̃ icua̱xüü̃güxü̃. Rü nüma rü tüxü̃ namaxẽxẽxẽ ya yíxema tama tügü icua̱xüxü̃güxe.

Wiyaegü 147:11

Natürü ngẽma aixcüma namaxã nataãẽxü̃ nixĩ nax nüxü̃ ticua̱xüü̃güxü̃ ya yíxema nagu yaxõgüxe i norü ngechaü̃.

Wiyaegü 89:29

Rü ngẽma nataagü rü nachicüxü guxü̃gutáma nüxí Iraéanecüã̱xgüarü ãẽ̱xgacügü nixĩgü ñu̱xmatáta nagu i naane.

Wiyaegü 72:17

Rü chanaxwa̱xe i duü̃xü̃gü guxü̃guma nüxna nacua̱xãchie i naéga ya ãẽ̱xgacü. Rü name nixĩ i duü̃xü̃gü guxü̃guma mea nachiga yadexagüxü̃ ñoma üa̱xcü guxü̃guma ibáxixü̃rüxü̃. Rü name nixĩ nax guxü̃ma i duxü̃xü̃gü mexü̃ namaxã uegugüxü̃ rü ngẽmaãcü guxü̃ma i nachixü̃anecüã̱xgü nüxü̃ icua̱xüü̃güxü̃.

Wiyaegü 22:30

Rü ngẽma tataagü i tawena buexü̃ rü tá Cori ya Tupanaaxü̃́ napuracüe rü tá nüxü̃ nicua̱xüü̃gü. Rü tá nüxü̃ naxĩnüe i nachiga.

2 Tesalonicenses 1:11

Rü ngẽmaca̱x guxü̃guma pexca̱x tayumüxẽgü. Rü Tupanana taca nax nüma pexü̃ nadauxü̃ nax mexü̃ i norü duü̃xü̃gü pixĩgüxü̃ i ñu̱xma nax pexü̃ nadexü̃. Rü ngẽxgumarüxü̃ ta nüxna taca nax nümatama norü poramaxã yanguxẽẽãxü̃ca̱x i guxü̃ma i ngẽma mexü̃ i peãẽwa nagu perüxĩnüexü̃ rü guxü̃ma i ngẽma puracügü i perü õgagu pexüxü̃.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Wiyaegü 89:36

Rü ngẽma nataagü rü nüxí nachicüxü guxü̃gutáma Iraéanecüã̱xgüarü ãẽ̱xgacügü nixĩgü ñoma üa̱xcü ibáixechaxü̃rüxü̃.

Wiyaegü 72:7

Rü ngẽxguma nüma ãẽ̱xgacü yixĩxgu rü chanaxwa̱xe nax guxü̃ma mea ixũxü̃ rü nax nataxuxü̃ma i nu ñu̱xmata iyanaxo ya tauemacü.

Wiyaegü 69:26

Erü nümagü rü tümawe ningẽxü̃tanü ya yíxema cuma tüxü̃ cunaxĩ̱xãchiãẽxẽẽ́xẽ. Rü tüxü̃ nacugüe ya yíxema ngúxü̃ ngẽgüxe nagagu nax tüxü̃ cunapi̱xẽẽxü̃.

Wiyaegü 21:4

Rü cuxna naca nax cunamáarü maxü̃ã̱xẽẽxü̃ca̱x, rü cuma rü cunama̱xẽxẽ i norü maxü̃.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Ichaía 61:9

Rü guxü̃ma i nachixü̃anegüwa rü tá natachiga i petaagü. Rü ngẽxguma duü̃xü̃gü nüxü̃ daugügu rü tá nüxü̃ nicua̱xãchitanü nax Tupana petaagüxü̃ narüngü̃xẽxẽxü̃.

Ichaía 66:22

Rü ñanagürü ta: —Ngẽma petaagü rü ngẽma peéga rü guxü̃gutáma nangẽxmagüecha naxrüxü̃ i ngẽma ngexwaca̱xü̃xü̃ i daxuguxü̃ i naane rü ngexwaca̱xü̃xü̃ i ñoma i naane i tá chaxüxü̃.

Iraétanüxü̃arü muxchiga 7:15

Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.

Wiyaegü 22:31

Rü ngẽmaãcü i ngẽma duü̃xü̃gü i tawena buexü̃ rü tá nüxü̃ naxĩnüechiga ga yema taxü̃ ga mexü̃gü ga Cori ya Tupana üxü̃.

Ichaía 49:4

Natürü ga choma rü nagu charüxĩnü rü chaugümaxã ñachagürü: —Natüca̱xmamare poraãcü chapuracü rü chipa, rü taxuxü̃ma i chorü natanüxü̃ chadau —chaugümaxã ñachagürü. Natürü guxü̃ma i ngẽma chaxüxü̃ rü Tupaname̱xẽwa nangẽxma, rü norü poramaxã chanaxü. Rü ngẽma chorü natanü rü nüma rü marü ínanamexẽxẽ.

Ore i mexü̃ ga Cuáü̃ ümatüxü̃ 13:32

Rü ngẽxguma yimá Tupana Nane nango̱xẽẽ̱xgu i Tupanaarü pora, rü ngẽxgumarüxü̃ tá ta ya Tupana rü nanango̱xẽxẽ i Nanearü pora. Rü paxa tá nixĩ i ngẽma.