Ichaía 51:9 - Tupanaarü Ore

^9-10 ¡Pa Tupanax, paxa nango̱xẽxẽ i curü pora! ¡Rü inawe̱x i curü pora ga yexguma nũxcüma icunawe̱xgurüxü̃! ¿Tama ẽ̱xna cuma yixĩxü̃ ga cunada̱i̱xü̃ ga yema Equítuanecüã̱xgü ga yexguma cuyapayexẽẽgu ga már rü natamawa cuyachoü̃xẽẽgu ga curü duü̃xü̃gü ga Equítuanecüã̱xme̱xẽwa ícunguxü̃xẽxẽxü̃?

Ichaía 51:9 Referans Kwoze

Ichaía 52:1

¡Peba̱i̱xãchie, Pa Chióü̃cüã̱xgüx, peba̱i̱xãchie! ¡Ipechigü rü peporae i pema i yima ĩane ya üünene ya Yerucharéü̃arü duü̃xü̃gü nax pixĩgüxü̃! ¡Rü mexü̃ i pexchirugu picu̱xgü! Erü ngẽma perü uanügü i tama choxü̃ cua̱xgüxü̃ rü tagutáma wena pexca̱x ínayaxüãchi.

Ichaía 27:1

Rü ngẽma ngunexü̃gu rü nüma ya Cori ya Tupana rü norü tara i tacü i ãũcümacü rü pora ngĩxü̃wa ngẽxmacümaxã, tá nanacua̱xi i ngẽma ngo̱xo i Lebiatáü̃ i ãxtape i wü̃xü̃güãcü paxa ixũxü̃. Rü ñu̱xũchi nüma ya Tupana rü tá nayama̱x i ngẽma ngo̱xo i dragóü̃ i márwa ngẽxmaxü̃.

Wiyaegü 89:10

Rü cuma rü cunanguxẽxẽ ga Equítuane ñoma wüxi i churara i poraxü̃ i daigu yuxü̃rüxü̃. Rü cuchacüxü ya poraxüchinemaxã cunawoone i ngẽma cumaxã rüxuanügüxü̃.

Ichaía 30:7

Natürü natüca̱xma nixĩ i ngéma nanaãxü̃ i norü ngẽmaxü̃gü rü norü diẽrugü, erü Equítuane rü tama napora nax nüxü̃ nangüxẽẽxü̃ca̱x. Rü ngẽmaca̱x nixĩ i: —Ngo̱xo i natüca̱xma ixĩxü̃ i Taxuxü̃ma Üxü̃gu chanaxüégaxü̃ —ñanagürü ga Tupana.

Echequié 29:3

¡Rü namaxã nüxü̃ ixu rü ñacurügü! “Cori ya Tupana rü ñanagürü cuxü̃: ‘Pa Faraóü̃ i Equítuanearü Ãẽ̱xgacüx, choma rü cumaxã nüxü̃ chixu nax curü uanü chixĩxü̃. Rü cuma rü ñoma wüxi i coyaarü ãũxü̃ i taxtü i Nílugu caxü̃rüxü̃ quixĩ. Rü cuma rü ñacurügü: Ngẽma taxtü i Níru rü choxrü nixĩ rü chomatama chanango̱xẽxẽ, ñacurügü.

Ichaía 51:17

¡Peba̱i̱xãchie Pa Yerucharéü̃cüã̱xgüx! ¡Peba̱i̱xãchie rü íperüdagü i pema nax Tupana pemaxã nuxü̃! Rü poraãcü ngúxü̃ pingexü̃ rü ñu̱xma rü pengearü poraã̱x.

Wiyaegü 44:1

Pa Tupanax, tomatama nüxü̃ taxĩnüchiga ga yema taxü̃ ga mexü̃ ga nũxcüma cuxüxü̃. Yerü torü o̱xigü rü tomaxã nüxü̃ nixugüe ga yema mexü̃gü ga nũxcüma curü poramaxã cuxüxü̃.

Yox 26:12

Rü norü poramaxã mármaxã inacua̱x rü norü cua̱xmaxã nayama̱x ga yema ngo̱xo ga Raá.

Wiyaegü 7:6

Pa Corix ¡curü numaxã inachi rü chauétüwa nachogü, rü nadai i ngẽma chorü uanügü i choxü̃ ima̱xgüchaü̃xü̃! ¡Rü napoxcue i ngẽma duü̃xü̃gü i chixexü̃ ügüxü̃! ¡Rü chauétüwa nachogü!

Abacú 3:13

Rü cuma rü dauxü̃wa ícuxũxũ nax curü duü̃xü̃güxü̃ ícupoxü̃xü̃ca̱x, rü nüxü̃ nax curüngü̃xẽẽxü̃ca̱x ya yimá ãẽ̱xgacü ya cumatama nüxü̃ cuxunetacü. Rü cuma rü cuyama̱x i ngẽma ãẽ̱xgacü i chixexü̃ üxü̃ rü nagu cupogü i nachixü̃ane ñoma wüxi ya ĩpatagu ipogüxü̃rüxü̃.

Ichaía 62:8

Rü nüma ya Tupana rü nügüégagutama Iraétanüxü̃maxã nanaxuegu rü ñanagürü: —Tagutáma wena chanangexrü nax norü uanügü nangṍxü̃ i Iraétanüxü̃arü trigu rü ngẽma togümare i duü̃xü̃gü yaxaxgüxü̃ ya Iraétanüxü̃arü bínu ya poraãcü naxca̱x napuracüecü.

Wiyaegü 93:1

Rü nüma ya Cori ya Tupana rü ãẽ̱xgacü nixĩ. Rü norü üüne nicuxcuchi rü naporaxüchi. Rü nüma rü nachicagu nanaxǘ i ñoma i naane nax tama ngéma yaxũgachixü̃ca̱x.

Wiyaegü 87:4

Rü natanüwa i ngẽma duü̃xü̃gü i choxü̃ cua̱xgüxü̃ rü nangẽxma i duü̃xü̃gü i Equítuanegu buexü̃, rüe̱xna Babiróniaanegu buexü̃, rüe̱xna Firitéugüanegu buexü̃, rüe̱xna Tíruarü ĩanegu buexü̃ rüe̱xna Etiopíaanegu buexü̃. Rü wüxichigü i ngẽmagü rü poraãcü ngẽma ĩane i nagu nabuxü̃maxã nataãxẽ.

Wiyaegü 44:23

Pa Corix ¿tü̱xcüü̃ cupe? ¡Rü naba̱i̱xãchi, rü taxṹ i toxü̃ ícuwogüxüchixü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:17

Rü ñanagürügü: “Pa Torü Cori ya Tupana ya Guxü̃étüwa Ngẽxmacüx, cuma rü woetama guxü̃guma cuyexma rü guxü̃gutáma cungexmaecha. Rü moxẽ cuxna taxãgü, erü marü cugüme̱xẽwa cunangexmaxẽxẽ i guxü̃ma, rü marü icunaxügü nax namaxã icucuáxü̃.

Ore i mexü̃ ga Luca ümatüxü̃ 1:51

Rü guxü̃ ga norü poramaxã inayanaxoxẽxẽ ga yema nagu naxĩnüexü̃ ga yema nügütama icua̱xüü̃güxü̃.

Abacú 2:19

Rü wüxi i ngechaü̃ nixĩ i tümaca̱x ya yíxema norü üruxü̃ erü ñatagürü nüxü̃: ¡Naba̱i̱xãchi! ñatagürü, rü wüxi ya nuta ya tama idexacüxü̃ tamu rü ñatagürü: ¡Inachi! ñatagürü. ¿Rü duü̃xü̃gümaxã yadexagüxü̃ yixĩxü̃ i ngẽma naxchicüna̱xãgü? Tama nidexagü erü ningearü maxü̃ã̱x woo nax úirumaxã rü diẽrumümaxã yaxãxü̃nexü̃.

Ichaía 53:1

¿Texé tá tayaxõ ga yema ore ga nüxü̃ ixuxü̃? ¿Rü texéca̱x nixĩ ga nango̱xẽxẽãxü̃ ga norü pora ya Cori ya Tupana?

Ichaía 51:5

Rü choma rü paxa tá chorü duü̃xü̃güxü̃ íchapoxü̃. Rü paxa tá íchananguxü̃xẽxẽ naxme̱xwa i norü uanügü. Rü chorü poramaxã tá guxü̃ i nachixü̃anegümaxã ichacua̱x. Rü ngẽma nachixü̃anegü i yáxü̃wa már arü tocutüwa ngẽxmagüxü̃ rü tá cha̱u̱xca̱x nadaugü rü tá chorü porana narüyoü̃.

Wiyaegü 78:65

Natürü yemawena ga nüma ga Cori ya Tupana rü ñoma wüxi i pewa ibaixãchixü̃rüxü̃ nixĩ. Rü wüxi i churara i bínumaxã poraãẽxü̃rüxü̃ nixĩ.

Wiyaegü 21:13

¡Rü ẽcü inawe̱x i curü pora, Pa Cori Pa Tupanax! Rü toma rü wiyaegümaxã tá cuxü̃ ticua̱xüxü̃gü rü tá tanaxüchiga i curü pora.

Ãẽ̱xgacügü ga guxchaxü̃güarü mexẽxẽruü̃gü 6:13

Rü nüma ga Yedeóü̃ rü nanangãxü̃ rü ñanagürü: —¡Choxü̃ nangechaxü̃, Pa Corix! Rü ngẽxguma chi Cori ya Tupana toxü̃tawa ngẽxmagu ¿tü̱xcüü̃ toxü̃ nangupetü i ñaa guxchaxü̃gü i ñu̱xma ngẽxmaxü̃? ¿Rü ngexü̃ nixĩ i ngẽma norü pora ga namaxã naxüxü̃ ga yema mexü̃gü ga taxü̃gü ga torü o̱xigü nüxü̃ ixugüchigagüxü̃ ga yexguma Equítuanewa tüxü̃ ínanguxü̃xẽẽgu? Rü nüma ya Cori rü toxna nixũgachi i ñu̱xmax, rü Madiáü̃tanüxü̃na toxü̃ namugü —ñanagürü.

Wenaxarü naxümatü ga Tupanaarü mugü 4:34

¿Rü nangẽxmaxü̃ i ta̱xacürü tupana i guxü̃ i nachixü̃anegütanüwa ínanguxü̃xẽxẽxü̃ i wüxitücumü i duü̃xü̃gü nax norü duü̃xü̃gü yaxĩgüxü̃ca̱x? Natürü nüma ga Cori ya perü Tupana rü Equítuanewa pexü̃ ínagaxü̃ naétüwa ga muxü̃ma ga guxchaxü̃gü. Rü inanawe̱x ga norü pora ga yexguma inawéãgu ga cua̱xruü̃gü rü taxü̃ ga mexü̃gü rü ãũcümaxü̃gü rü daigü ga pepe̱xewa Equítuanewa pexca̱x naxüxü̃.

Ore i mexü̃ ga Cuáü̃ ümatüxü̃ 12:38

Rü yemaacü ningu ga yema ore ga Ichaía ümatüxü̃ ga ñaxü̃: “Pa Corix, ¿texé yaxõxü̃ ga yema ore ga nüxü̃ ixuxü̃? ¿Rü texéca̱x nango̱xẽẽãxü̃ ga norü pora ga Tupana?” ñaxü̃.

Wiyaegü 59:4

Pa Cori Pa Tupanax, ngẽma chorü uanügü rü ínamemaregü nax cha̱u̱xca̱x íyaxüãchixü̃ woo taxuxü̃ma i chixexü̃ chaxü̱xgu. ¡Rü paxa nua naxũ, rü choxü̃ yarüngü̃xẽxẽ! ¡Nüxü̃ nadau i ngẽma chomaxã üpetüxü̃!

Ínachoxü̃xü̃chiga 6:6

¡Rü ngẽmaca̱x i ñu̱xma rü namaxã nüxü̃ yarüxu i Iraétanüxü̃, rü choma ya Cori ya Tupana rü tá Equítuanecüã̱xme̱xẽwa íchananguxü̃xẽxẽ! Rü ngẽma yáxü̃ i puracügü i Equítuanecüã̱x naétüwa ngẽxmaxẽẽxü̃wa tá íchananguxü̃xẽxẽ. Rü tá ichanawe̱x i chorü pora, rü taxü̃ i ãũcümaxü̃gümaxã tá íchananguxü̃xẽxẽ.

Yox 9:13

Rü ngẽxguma nanuxgu ya Cori ya Tupana rü tama nixĩ i tauxchaãcüma nangüxmüxü̃. Rü nape̱xegu nixĩ i nacaxã́pü̱xügüxü̃ i ngẽma ngo̱xo i Raá rü norü ngü̃xẽẽruü̃gü.

Wiyaegü 77:5

Rü nüxna chacua̱xãchi ga yema ngunexü̃gü rü taunecügü ga nagu mexü̃ choxü̃ ngupetüxü̃.

Ichaía 52:10

Rü Tupana rü guxü̃ i nachixü̃anegüxü̃ nanawe̱x i norü pora. Rü guxü̃ i nachixü̃anegüwa tá nüxü̃ nacua̱xgü nax tórü Tupana tüxü̃ ínguxü̃xẽẽxü̃.

Chacaría 2:13

Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.

Chacaría 10:11

Rü ngẽma már i Equítuanewa ngẽxmaxü̃wa rü tá nichoü̃. Rü norü yuape rü tá ichayanaxoxẽxẽ. Rü taxtü i Níru rü tá chayapachitamaxẽxẽ. Rü Achíriaanecüã̱xgü i nügü icua̱xüü̃güxü̃ rü tá chanaxãneexẽxẽ. Rü tá ichanaxoxẽxẽ i Equítuanearü pora.

Wiyaegü 44:2

Rü cumatama nixĩ ga ñaa naanewa ícuwoxü̃xü̃ ga yema duü̃xü̃gü ga tama cuxü̃́ yaxõgüxü̃. Rü cunadai ga yema duü̃xü̃gü nax nachicüxü ñaa naanegu cuxãchiü̃güxẽẽxü̃ca̱x ga torü o̱xigü.

Wiyaegü 44:24

¿Tü̱xcüü̃ toxcha̱xwa iquicu̱x? ¿Rü tü̱xcüü̃ toxü̃ icurüngüma i toma nax poraãcü ngúxü̃ tingegüechaxü̃?

Wiyaegü 89:11

Rü ngẽma daxũguxü̃ i naane rü ñoma i naane rü cuxrügü nixĩ erü cumatama nixĩ i cunaxüxü̃ rü cunango̱xẽẽxü̃ namaxã i guxü̃ma i ngẽma nawa ngẽxmagüxü̃.

Miquéa 7:15

Rü nüma ya Cori ya Tupana rü ñanagürü: —Choma rü tá ichanawe̱x i taxü̃ i mexü̃ i chorü poramaxã chaxüxü̃ yexguma Equítuanewa pexü̃ íchanguxü̃xẽẽgurüxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 7:7

Natürü choma rü tá chanapoxcue i ngẽma nachixü̃anecüã̱x i duü̃xü̃gü i cutaagü norü mugüruü̃xü̃ yaxĩgüxẽẽxü̃. Rü ngẽmawena i cutaagü rü tá ínachoxü̃ nawa i ngẽma nachixü̃ane, rü nua ñaa nachicawa tá choxü̃ nicua̱xüü̃gü”, ñanagürü ga Tupana.