Ichaía 51:5 - Tupanaarü Ore

⁵ Rü choma rü paxa tá chorü duü̃xü̃güxü̃ íchapoxü̃. Rü paxa tá íchananguxü̃xẽxẽ naxme̱xwa i norü uanügü. Rü chorü poramaxã tá guxü̃ i nachixü̃anegümaxã ichacua̱x. Rü ngẽma nachixü̃anegü i yáxü̃wa már arü tocutüwa ngẽxmagüxü̃ rü tá cha̱u̱xca̱x nadaugü rü tá chorü porana narüyoü̃.

Ichaía 51:5 Referans Kwoze

2 Corintios 5:10

Erü guxãtáma i yixema rü Cristupe̱xewa tá tangugü nax wüxichigü nayaxuxü̃ca̱x i ngẽma tüxna üxü̃. Rü ngẽxgumarüxü̃ nax ñuxãcü mea imaxẽxü̃ rüe̱xna chixexü̃gu imaxẽxü̃ ga yexguma ñoma ga taxünewa iyexmagügu, rü ngẽmaãcü tá tüxna nanaxã ya wüxichigü.

Ichaía 42:4

Rü nüma rü tagutáma inarüngü̃. Rü tagutáma nüxü̃ narüchau ñu̱xmatáta ñoma i naanewa maxẽxü̃ i duü̃xü̃gü mea nügümaxã inacuáxe. Rü woo ngẽma nachixü̃anegü i yáxü̃wa ngẽxmagüxü̃ i már arü tocutüwa rü tá mea nanayauxgü i norü ngu̱xẽẽtae —ñanagürü.

Romanos 2:16

Rü ngẽma ngunexü̃ i nagu guxü̃ma i duü̃xü̃güxü̃ yacagüxü̃ ya Tupana rü Ngechuchu ya Cristuxü̃ tá namu nax duü̃xü̃güxü̃ yacagüxü̃ca̱x naxca̱x i ngẽma cúãcü naxügüxü̃. Rü Tupanaarü ore i pemaxã nüxü̃ chixuxü̃ nixĩ i tüxü̃ nüxü̃ cua̱xẽẽxü̃ i ngẽma.

Ngechuchuarü ngúexü̃gü ga yamugüxü̃arü puracüchiga 17:31

Yerü nüma ga Tupana rü marü nüxü̃ naxuneta i wüxi i ngunexü̃ i nagu tá aixcüma guxü̃ i ñoma i naanecüã̱x i duü̃xü̃güna naca̱xaxü̃ i norü maxü̃chiga. Rü marü nüxü̃ naxuneta ya wüxi ya yatü ya Ngechuchu, rü yimá tá nixĩ ya duü̃xü̃güna cacü. Rü Tupana rü guxãxü̃ma nüxü̃ nacua̱xẽxẽ ga yema ga yexguma Ngechuchuxü̃ wena namaxẽẽgu —ñanagürü ga Pauru.

Ore i mexü̃ ga Luca ümatüxü̃ 24:47

Rü yematama ore i ümatüxü̃wa nüxü̃ nixu rü yimá Cristuégagu tá nixĩ i nüxü̃ yaxugüxü̃ i ore i mexü̃. Rü Yerucharéü̃wa tá inaxügü i ngẽma ñu̱xmatáta guxü̃ i naanewa nangu nax ngẽmaãcü duü̃xü̃gü nüxü̃ rüxoexü̃ca̱x i nacüma i chixexü̃ nax Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Márcu ümatüxü̃ 16:15

Rü ñanagürü nüxü̃: —¡Guxü̃ i naanewa pexĩ rü guxü̃ i duü̃xü̃gümaxã nüxü̃ peyarüxu i ore i mexü̃!

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ore i mexü̃ ga Matéu ümatüxü̃ 3:2

Rü duü̃xü̃gümaxã nüxü̃ nixu rü ñanagürü: —¡Nüxü̃ perüxoe i pecüma i chixexü̃! Erü Tupana ya dauxü̃wa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Chofonía 2:11

Rü nüma ya Cori ya Tupana rü poraãcü tá namaxã nanu. Rü nagu tá nipogügü i ngẽma nachixü̃anearü tupananetachicüna̱xãgü. Rü ñu̱xũchi guxü̃ i nachixü̃anegüwa rü tá Cori ya Tupanaxü̃ nicua̱xüü̃gü, rü woo ngẽma duü̃xü̃gü i capaxũgüwa maxẽxü̃ rü tá nüxü̃ nicua̱xüü̃gü.

Joel 3:12

¡Pegü pemexẽxẽgü, Pa Nachixü̃anegüx, rü Yochapáxarü doxonexü̃wa pexĩ! Erü ngéma tá nixĩ i Cori ya Tupana i norü chixexü̃güca̱x nüxna naca̱xaxü̃ i guxü̃ma i ngẽma nachixü̃anegü i Iraéanena ngaicamagüxü̃.

Ichaía 63:5

Rü guxü̃gu chadawenü rü tataxuma nax texé choxü̃ rüngü̃xẽẽxü̃. Rü chabaixãchi yerü tataxuma nax texé choxü̃ rüngü̃xẽẽxü̃. Rü chorü poramaxãtama nixĩ i charüporamaexü̃ rü chorü nu nixĩ i choxü̃ poraxẽẽxü̃.

Ichaía 56:1

Tupana rü ñanagürü: —¡Nagu pemaxẽ i ngẽma aixcüma mexü̃ rü nagu pexĩ i ngẽma we̱xguxü̃! Erü paxa tá ichanawe̱x i chorü pora rü tá pexü̃ íchanguxü̃xẽxẽ.

Ichaía 49:1

Pema i nachixü̃anegü i márpechinüwa ngẽxmagüxü̃ rü pema i nachixü̃anegü i yáxü̃wa ngẽxmagüxü̃, ¡rü choxü̃́ iperüxĩnüe! Nüma ya Cori ya Tupana choxü̃ naxuneta naxü̃pa nax chabuxü̃. Rü nüxü̃ nixu i chauéga ga yexguma chaueanüwatama chayexmagu.

Ichaía 40:10

Rü marü norü poramaxã ínangu ya Cori ya Tupana, rü guxü̃táma i ngẽma norü poramaxã duü̃xü̃gümaxã inacua̱x. Rü marü ínananguxü̃xẽxẽ rü nanawoeguxẽxẽ i norü duü̃xü̃gü ga norü uanügü togü ga nachixü̃anewa gagüxü̃.

Wiyaegü 85:9

Rü aixcüma nixĩ ya Tupana i tüxna nangaicamaxü̃ nax tüxü̃ nangü̃xẽẽxü̃ca̱x ya yíxema naga ĩnüexe. Rü ngẽmaãcü i ngẽma norü üüne rü torü naanewa tá nangẽxma.

Wiyaegü 67:4

Rü guxü̃ma i ngẽma nachixü̃anegü rü name nixĩ nax taãẽãcü cuxü̃ yacua̱xüü̃güxü̃ erü cuma rü norü ãẽ̱xgacü quixĩ rü mea namaxã icucua̱x.

1 Chamué 2:10

Rü nüma ya Cori ya Tupana rü tá nanadai i norü uanügü. Rü daxũguxü̃ i naanewa tá naxca̱x ne nanamu ya tagaxü̃ ga duruanexü̃. Rü nüma ya Cori ya Tupana rü tá nüxna naca i norü maxü̃chiga i guxü̃ma i duü̃xü̃gü i ñoma i naanewa maxẽxü̃. Rü tá pora nüxna naxã ya yimá ãẽ̱xgacü ya nüma nüxü̃ naxunetacü, rü tá yexeraãcü nayaporachigüxẽxẽ —ngĩgürügü.

Wenaxarü naxümatü ga Tupanaarü mugü 30:14

Natürü nua petanüwatama nangẽxma i ngẽma mugü. Rü pea̱xwa rü peãxẽwa nangẽxma nax ngẽmaãcü nagu pemaxẽxü̃ca̱x.

Wiyaegü 110:6

Rü ngẽma nachixü̃anegüca̱x rü tá poxcu naxuegu. Rü ngẽxma tá nayue i muxũchixü̃ i duü̃xü̃gü. Rü guxü̃wama i ñoma i naanewa rü muxü̃tama i ãẽ̱xgacügü tá ínawoxü̃.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 24:15

Rü éstewaama rü ñu̱xũchi ngẽma nachixü̃anegü i márpechinüwa ngẽxmagüxü̃wa rü Cori ya Iraétanüxü̃arü Tupanaxü̃ tá nicua̱xüü̃gü.

Ichaía 26:4

¡Nüxü̃́ peyaxõ ya Cori ya Tupana, erü nüma nixĩ i guxü̃guma pexna nadauxü̃!

Ichaía 33:2

Pa Cori ya Tupanax, ¡ẽcü cuxü̃́ tangechaü̃tümüü̃gü i toma nax cuxme̱xwa tangexmagüxü̃! Rü tanaxwa̱xe i guxü̃guma pa̱xmama toxü̃ curüngü̃xẽxẽ. Rü tanaxwa̱xe nax torü poxü̃ruxü̃ quixĩxü̃ i ngẽxguma guxchagü toxca̱x ínguxgu.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

Ichaía 59:16

Rü nüma ya Tupana rü namaxã naba̱i̱xãchi nax taxúema taétüwa üxü̃. Rü ngẽmaca̱x nümatama rü norü poramaxã tüxü̃ ínanguxü̃xẽxẽ.

Ichaía 62:11

Rü Tupana rü guxü̃ma i duü̃xü̃gü i ñoma i naanewa maxẽxü̃maxã nüxü̃ nixu rü ñanagürü: —¡Ĩane ya Chióü̃cüã̱xgümaxã nüxü̃ pixu rü marü ínangu i norü nguxü̃xẽxẽruxü̃! ¡Rü namaxã nüxü̃ pixu rü Tupana rü marü ínananguxü̃xẽxẽ rü nanawoeguxẽxẽ i norü duü̃xü̃gü ga norü uanügü gagüxü̃! —ñanagürü.