Ichaía 51:2 - Tupanaarü Ore

² Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Ichaía 51:2 Referans Kwoze

Echequié 33:24

—Pa Yatüx, yima ĩanegü ya Iraéanewa nagu napogüenewa maxẽxü̃ i duü̃xü̃gü rü ñaãcü nidexagü rü ñanagürügü: “Abraáü̃ rü wüxitama ga duü̃xü̃ nixĩ natürü nawa nangu nax noxrü yixĩxü̃ ga guxü̃ma ga ñaa nachixü̃ane. Natürü i yíxema rü tamu i ñu̱xma rü ngẽmaca̱x yexeraãcü tüxna naxǘ nax tóxrü yixĩxü̃ i ñaa naane”, ñanagürügü.

Ichaía 29:22

Rü ngẽmaca̱x yimá Cori ya Iraétanüxü̃arü Tupana ya Abraáü̃xü̃ unetacü rü ñanagürü: —Ñu̱xmawena rü marü taxũtáma naxãnee i ngẽma Acóbutanüxü̃ rü bai tá nanadeãchichametügüxü̃ i ngẽma duü̃xü̃gü, erü ngẽxguma tá nüxü̃ nadaugügu i ngẽma mexü̃ i natanüwa chaxüxü̃, rü tá nüxü̃ nicua̱xãchitanü nax choma rü chaxüünexü̃. Rü tá choxü̃ namuü̃e i choma nax Iraétanüxü̃arü Tupana ya üünecü nax chixĩxü̃.

Naanearü ügüchiga 24:35

Rü Cori ya Tupana rü poraãcü nüxü̃ narüngü̃xẽxẽ ya chorü cori ya Abraáü̃, rü nanamuarü ngẽmaxü̃xã̱xẽxẽ. Rü ngẽmaca̱x nüxna nanaxã i muxũchixü̃ i norü carnérugü, rü wocagü rü caméyugü, rü búrugü, rü úirugü, rü diẽrugü, rü norü puracütanüxü̃ i yatüxü̃ rü ngexü̃.

Naanearü ügüchiga 24:1

Rü nüma ga Abraáü̃ rü marü nayaxüchi ga yexguma. Rü Cori ya Tupana rü guxü̃wama poraãcü nüxü̃ narüngü̃xẽxẽ.

Yochué 24:3

Natürü ga choma ya Tupana rü yéma taxtü ga Eufrátecutüwa chanayaxu ga Abraáü̃, rü Canaáü̃anegu chayaxũgüchigüxẽxẽ. Rü yéma nixĩ ga nane ga Ichaá nüxna chanamuxü̃ nax yemaacü yamuxü̃ca̱x ga nataagü.

Wenaxarü naxümatü ga Tupanaarü mugü 1:10

Rü nüma ya Cori ya tórü Tupana rü pexü̃ nimuxẽxẽ, rü ngẽmaca̱x i ñu̱xma i pemax rü ñoma ẽxtagü ya daxũguxü̃ i naanetüwewa ngẽxmagücürüxü̃ pimuxũchi.

Ichaía 41:8

Rü yexguma ga Cori ya Tupana rü ñanagürü: —Iperüxĩnüe, Pa Iraétanüxü̃x. Pema rü chorü duü̃ ya Acóbu ya nüxü̃ chaxunetacüarü duü̃xü̃gü pixĩgü rü chomücü ya Abraáü̃taagü pixĩgü.

Ichaía 43:27

Rü yema nüxíraxü̃xü̃ ga perü o̱xi rü chope̱xewa chixexü̃ naxü, rü yema perü ngúexẽẽruü̃gü rü chomaxã nanue rü tama chauga naxĩnüechaü̃.

Ichaía 60:22

Rü ngẽma duü̃xü̃gü i ñu̱xma noxremarexü̃ rü tá nimu rü wüxi i nachixü̃ane i poraxü̃ tá nixĩgü. Rü chaxicatama nixĩ ya Tupana chixĩxü̃. Rü ngẽxguma nawa nanguxgu i ngẽma ngunexü̃ rü paxa tá chanaxü i guxü̃ma i ngẽma —ñanagürü ya Tupana.

Ichaía 63:16

Rü cuma nixĩ i tonatü quixĩxü̃. Rü woo Abraáü̃ rü tama toxü̃ cua̱xgu, rü torü o̱xi i Iraé rü tama toxna nacua̱xãchigu, natürü cumax, Pa Cori Pa Tupanax, rü tonatü quixĩ. Rü cuma nixĩ i guxü̃guma torü ngü̃xẽẽruxü̃ quixĩxü̃.

Wenaxarü naxümatü ga Tupanaarü mugü 26:5

Rü ngẽxguma i cuma rü Cori ya Tupanape̱xewa tá ñacurügü: “Chorü o̱xigü rü wüxitücumü ga duü̃xü̃gü ga Araméutanüxü̃ ga noxri noxretama ixĩgüxe. Rü tümagü rü nu ne tanaxĩmare rü Equítuanewa taxĩ rü yexma tayaxãpatagü. Rü yemawena rü timu, rü muxü̃ma ga duü̃xü̃gü ga poraexü̃ tixĩgü.

Ichaía 48:1

Rü Tupana rü ñanagürü: —¡Perüxĩnüe Pa Acóbuarü Duü̃xü̃güx, Pa Iraétanüxü̃x, Pa Yudátaagüx! Pema rü Cori ya Tupanaégagu pegü pixu nax norü duü̃xü̃gü pixĩgüxü̃. Rü perü yumüxẽwa naxca̱x ípeca̱x i norü ngü̃xẽxẽ, natürü tama aixcüma naga pexĩnüe.