Ichaía 50:2 - Tupanaarü Ore

² ¿Rü ta̱xacüca̱x tama texéxü̃ nua chayangau ga yexguma nua chaxũxgu? ¿Rü yexguma nua ichacagügu rü ta̱xacüca̱x taxúema choxü̃ tangãxü̃? ¿Ẽ̱xna nagu perüxĩnüe nax tama chaporaxü̃ nax togüme̱xẽwa pexü̃ chapuxü̃xü̃? ¿Ẽ̱xna nagu perüxĩnüe nax tama chaporaxü̃ nax pexü̃ íchanguxü̃xẽxẽxü̃ naxme̱xwa i perü uanü? Rü aixcüma pemaxã nüxü̃ chixu rü choma choxü̃́ nangẽxma i pora nax chanamuxü̃ i már rü natügü nax yachegüxü̃ca̱x rü ngẽmaãcü naxnücüane nax yaxĩgüxü̃ca̱x rü choxnigü rü ngearü dexáã́xü̃maxã nayuexü̃ rü yayixexü̃.

Ichaía 50:2 Referans Kwoze

Ichaía 59:1

Rü ngẽma Tupanaarü pora rü guxü̃guma nanaxa̱i̱xrügumaraxü̃ rü guxü̃guma ningu nax chixexü̃wa tüxü̃ ínanguxü̃xẽẽxü̃ca̱x. Rü ngẽxgumarüxü̃ ta i nüma rü tama nangauxchixẽ, rü ngẽmaca̱x guxü̃guma tüxü̃ naxĩnü ega nüxna ícaxgu.

Iraétanüxü̃arü muxchiga 11:23

Natürü nüma ga Cori ya Tupana rü nanangãxü̃ rü ñanagürü: —¿Cuma nagu curüxĩnügu i ngẽma chorü pora rü naxíraxü̃? Rü ñu̱xma tá nüxü̃ cudau nax aixcüma tá yanguxü̃ i ngẽma nüxü̃ chixuxü̃ —ñanagürü.

Ichaía 66:4

Natürü choma rü tá ta nüxü̃ chaxuneta i ngẽma poxcu i namaxã tá chanapoxcuexü̃. Rü tá naxca̱x íchananguxẽxẽ i ngẽma guxchaxü̃ i poraãcü nüxü̃ namuü̃exü̃. Erü ngéma ichacagü natürü taxúema choxü̃ tangãxü̃, rü ngẽxguma chidexagu rü taxúema choxü̃ taxĩnü. Rü nanaxü i ngẽma tama chanaxwa̱xexü̃, rü nagu namaxẽ i ngẽma tama namaxã chataãẽxü̃ —ñanagürü ga Tupana.

Naanearü ügüchiga 18:14

¿Ẽ̱xna nangẽxma i ta̱xacü i Cori ya Tupanaaxü̃́ guxchaxü̃ nax naxüaxü̃? Rü nai ya taunecügu rü aixcüma tá nuxã cuxü̃tagu chanaxũane. Rü ngẽxguma i Chára rü tá marü ixíraxacü —ñanagürü.

Ochéa 11:7

Rü nüma i ngẽma chorü duü̃xü̃gü rü nanaxügüama nax choxna yaxĩgachixü̃. Rü tagaãcü nayumüxẽgüchire̱x, natürü taxúema tanangãxü̃, erü nawe narüxĩama i ngẽma tupananetagü i taxucürüwa nüxü̃ rüngü̃xẽẽxü̃.

Ucu̱xẽgüchiga 1:24

Choma rü pexca̱x chaca rü pexna chaxu nax cha̱u̱xca̱x pexĩxü̃ca̱x, natürü i pemax rü tama chauga pexĩnüechaü̃.

Ore i mexü̃ ga Cuáü̃ ümatüxü̃ 1:11

Nua noxrütama naanewa nangu, natürü norü duü̃xü̃gü ga Iraétanüxü̃ rü tama nanayauxgü.

Naúü̃ 1:4

Rü ngẽxguma ngẽma márxü̃ namuxgu nax yachexü̃ca̱x rü nipachitama i már. Rü nayachegüxẽxẽ i guxü̃ma i natügü. Rü Bacháü̃anewa rü ma̱xpǘne i Carméruwa rü nipagüane rü narüñẽẽxgü i nanetügü. Rü Líbanuanewa ngẽxmagüxü̃ i putüragü rü ta narüñexgü.

Ochéa 11:2

Natürü yexguma yexeraãcü naxca̱x chacagu nax chowe naxĩxü̃ca̱x, rü nüma ga Iraétanüxü̃ rü yexeraãcü choxna nixĩgachi. Rü nüma ga chorü duü̃xü̃gü rü tupananetagüca̱x ínanagu ga ãmaregü rü ngẽmachicüna̱xãgüca̱x ínanagu ga pumarate̱xe.

Danié 3:29

Rü ngẽmaca̱x i ñu̱xma rü chanaxunagü rü ngexerüxüxe ya duü̃xẽ ya nachiga chixri idexaxe ya norü Tupana i ñaa tomaepü̱x i ngextü̱xüxü̃gü rü noxtacüma ãgümücügu tá tüxü̃ tarüchexte, rü tümapata rü tá nagu napogü rü natüchixica tá ngéma ninuagü. Rü nüetama ega woo ngexnerüxünemare ya ĩanecüã̱x tixĩxgu, rü ngexü̃rüüxü̃ i nachixü̃anecüã̱x tixĩxgu, rü ngexü̃rüüxü̃ i nagawa tidexagux. Erü nataxuma i to i tupana i ngẽmaãcü norü duü̃xü̃güxü̃ ípoxü̃xü̃ —ñanagürü.

Danié 3:15

Rü ngẽxguma yacuegüã̱xgu i ngẽma paxetaruü̃gü ¿rü pemax rü ípememarexü̃ nax nape̱xegu pecaxã́pü̱xügüxü̃ rü nüxü̃ picua̱xüxü̃güxü̃ i ngẽma naxchicüna̱xã i choma duü̃xü̃güxü̃ chaxüxẽxẽxü̃? Erü ngẽxguma taxũtáma ñu̱xmatama nüxü̃ picua̱xüxü̃gügu, rü ngẽma poxcuchicaxü̃ i íya̱u̱xraxü̃gu tá pexü̃ chawocu. ¿Rü ta̱xacürü tupana tá pexü̃ nawa ínanguxü̃xẽxẽ i ngẽma? —ñanagürü.

Yeremía 35:15

Rü choma rü marü muẽ̱xpü̱xcüna muxü̃ma ga chorü duü̃xü̃gü ga orearü uruü̃gü pexca̱x ngéma chamugüecha nax pemaxã nüxü̃ yaxugüexü̃ca̱x i ñaa chorü ore. Rü nümagü rü ñanagürügü pexü̃: ¡Nüxü̃ perüxoe i pecüma i chixexü̃ rü ngẽma chixexü̃gü i nagu pemaxẽxü̃! ¡Rü taxṹ i ngẽma tupananetagüwe perüxĩxü̃, rü taxṹ i nüxü̃ picua̱xüü̃güxü̃! Rü ngẽmaãcü tá nawa pemaxẽecha i ngẽma naane ga pexna rü perü o̱xigüna chaxãxü̃. Natürü i pema rü tama choxü̃ pecua̱xgüchaxü̃ rü tama chauga pexĩnüe.

Ichaía 65:12

Rü ngẽmaca̱x pemaxã chanaxuegu nax taragu tá peyuexü̃. Yerü yexguma pexca̱x chacaxgu rü tama choxü̃ pengãxü̃gü, rü yexguma pemaxã chidexagu rü tama choxü̃́ iperüxĩnüe. Rü penaxüama ga yema tama chanaxwa̱xexü̃ rü penayauxgü ga yema choxü̃ nuxẽẽxü̃ —ñanagürü ga Tupana.

Ichaía 59:16

Rü nüma ya Tupana rü namaxã naba̱i̱xãchi nax taxúema taétüwa üxü̃. Rü ngẽmaca̱x nümatama rü norü poramaxã tüxü̃ ínanguxü̃xẽxẽ.

Ichaía 43:16

Rü nüma ga Tupana rü már niyauxyexü̃chíü, rü yéma nanaxü ga wüxi ga nama nax yéma yachoü̃xü̃ca̱x ga norü duü̃xü̃gü.

Ichaía 42:15

Rü tá ichayanaxoxẽxẽ ya ma̱xpǘnegü rü ngüchitaerugü. Rü tá chayapagüxẽxẽ i guxü̃táma i naigü rü maxẽgü i ngéma ngẽxmagüxü̃. Rü guxü̃ma i natügü rü tá naxnecüxü̃ chayaxĩgüxẽxẽ, rü yima naxtaagü rü tá chayapagüxẽxẽ.

Ínachoxü̃xü̃chiga 14:21

Rü yexguma ga Moiché rü márétügu nawe̱xchacüxü. Rü nüma ga Cori ya Tupana rü yema chütaxü̃gu rü inanaxǘxẽxẽ ga wüxi ga poracü ga buanecü ga éstewaama ne ũcü ñu̱xmata yangunexü̃mare. Rü yemaacü ga yema már rü taxregu niyauxyexü̃chiü. Rü yemaacü nixĩ ga Cori ya Tupana ga yapayechitamaxẽẽãxü̃ ga már.

Ínachoxü̃xü̃chiga 7:21

Rü nayue ga choxni. Rü poraãcü nanayixãchichixü ga dexá. Rü yemaca̱x ga yema Equítuanecüã̱xgü rü taxuacüma nawa naxaxegü. Rü guxü̃ma ga Equítuanewa rü nagüxü̃ nananguxuchi ga dexá.

Ínachoxü̃xü̃chiga 7:18

Rü ngẽma choxnigü rü tá nayue. Rü ngẽmaãcü i ngẽma dexá rü poraãcü tá nayixchixü. Rü ngẽmaca̱x taxũtáma nawa naxaxegüchaü̃ i ngẽma Equítuanecüã̱xgü’ ” —ñanagürü cuxü̃ ya Tupana.

Ore i mexü̃ ga Cuáü̃ ümatüxü̃ 3:19

Rü yíxema tama nüxü̃́ yaxõgüxe, rü Tupana rü marü poxcu tümamaxã naxuegu, yerü yexguma ñoma ga naanewa nanguxgu ga Nane ya duü̃xü̃güarü nangóonexẽẽruxü̃, rü tama nüxü̃́ tayaxõgüchaxü̃. Natürü yexera tümaarü me nixĩ nax ẽanexü̃wa tayexmagüxü̃ rü chixexü̃ taxügüxü̃.

Ore i mexü̃ ga Márcu ümatüxü̃ 4:39

Rü yexguma ínarüda ga Ngechuchu. Rü buanecüna nachogü rü ñanagürü nüxü̃ ga guma naxtaxa: —¡Iyarüchiane rü íyachaxãchi! —ñanagürü. Rü ínayachaxãchi ga buanecü rü guxü̃wama ínachaxanemare.

Danié 6:20

Rü yexguma nüma ga ãẽ̱xgacü marü ngaicamana nanguxgu rü nangechaü̃gaãcü Daniéna naca rü ñanagürü: —¿Pa Danié ya Tupana ya Maxü̃cüarü Duü̃xü̃x, rü yimá curü Tupana ya aixcümama naxca̱x cumaxü̃cü rü marü cuxü̃ ínapoxü̃xü̃ natanüwa i ngẽma leóü̃gü? —ñanagürü.

Yeremía 5:1

Nüma ya Cori ya Tupana rü ñanagürü: —¡Yerucharéü̃arü namagügu pixĩagütanü, rü mea ngẽxma pidauagütanü, rü plázagügu naxca̱x pedau rü aixcüma tá tüxü̃ peyangau ya texé ya mea maxü̃́xẽ rü ixaixcümachaü̃xẽ! Rü ngẽxguma tá tüxü̃ ipeyangauxgu rü taxũtáma chanapoxcu ya Yerucharéü̃.

Ichaía 41:28

Rü ichadawenü rü taxuxü̃ma rü aixcüma tupanagü nixĩ, rü taxuxü̃ma ga ucu̱xẽ ixãxü̃xü̃ chadau. Rü taxuxü̃ma choxü̃ nangãxü̃ ga yema naxca̱x íchaca̱xaxü̃.

Ichaía 36:20

Rü dücax, rü natanüwa ga guxü̃ma ga yema togü ga nachixü̃anegüarü tupanagü ¿Rü ngexü̃rüüxü̃ yixĩxü̃ ga nachixü̃anexü̃ cho̱xme̱xwa ípoxü̃xü̃? ¿Rü tü̱xcüü̃ i ñu̱xma i nagu perüxĩnüexü̃ rü Cori ya Tupana tá yixĩxü̃ ya cho̱xme̱xwa ínapoxü̃cü ya Yerucharéü̃? —ñanagürü ga yema Achíriaanearü churaragüeru.

Ichaía 19:5

Rü ngẽma taxtü i Níru rü tá niiche, rü guxü̃watáma nipatama.

Wiyaegü 107:33

Rü nüma ya Cori ya Tupana rü nayachegüxẽxẽ i natügü rü natüxacügü, rü naxnecümarexü̃ nayangucuchixẽxẽ, rü nipagüane.

Norü taxre ga to ga popera ga ãẽ̱xgacügüchiga ümatüxü̃ 32:15

Rü ngẽmaca̱x ¡taxṹ i pegü ipexãgüxü̃ nax Echequía pexü̃ nawomüxẽẽxü̃, rü taxṹ i nüxü̃́ peyaxõgüxü̃! Rü taxuxü̃ma ga yema togü ga nachixü̃anegüarü tupanagü rü napora nax cho̱xme̱xwa rü chorü o̱xigüme̱xẽwa ínanguxü̃xẽẽãxü̃ ga yema norü duü̃xü̃gü. Rü ngẽmaca̱x ya yimá perü Tupana rü yexeraãcü taxũtáma cho̱xme̱xwa pexü̃ ínanguxü̃xẽxẽ” —ñanagürü ga Chenáqueri.

Ínachoxü̃xü̃chiga 14:29

Natürü ga yema Iraétanüxü̃ rü paanexü̃wa nichoü̃, yerü taxregu niyauxyexü̃chiü ga dexá. Rü norü ngãxü̃wa nichoxü̃, yerü ñoma wüxi i ta̱xacü i ãxtapǘxü̃rüxü̃ nixĩgü ga norü tügünecüwawa rü norü to̱xwecüwawa.

Yeremía 8:6

Rü pegaca̱x meama icharüxĩnü, natürü taxúexü̃ma chaxĩnü nax texé chomaxã nüxü̃ ixuxü̃ nax nüxü̃ tarüxoxü̃ i tümaarü chixexü̃. ¡Rü chomaxã nüxü̃ tixu nax ta̱xacürü guxchaxü̃ yixĩxü̃ i pemaxã chaxüxü̃! Rü guxü̃ma rü napaxaãxẽ nax chixexü̃ naxüxü̃, ñoma cowaru i paxãma daiwa ñaxü̃rüxü̃.

Wiyaegü 106:9

Rü nüma ga Tupana rü yema Már ga Dauchíüxü̃xü̃ namu nax yapayexü̃ca̱x. Rü ñoma wüxi i naxnecü i paxü̃rüxü̃ nixĩ. Rü yemawa nayachoü̃xẽxẽ ga tórü o̱xigü.

Danié 6:27

Nüma rü tórü poxü̃ruxü̃ nixĩ, rü tórü nguxü̃xẽẽruxü̃ nixĩ. Rü nüma inanawe̱x i cua̱xruü̃gü i mexü̃ i dauxü̃guxü̃ i naanewa rü ñoma i naanewa. Rü nüma nixĩ ga Daniéxü̃ ínapoxü̃xü̃ natanüwa ga leóü̃gü —ñanagürü.

Yeremía 7:13

Rü woo mue̱xpü̱xcüna pexna chanachu̱xu ga yema pecüma ga chixexü̃, natürü pema rü tama chauga pexĩnüechaü̃, rü bai choxü̃ pengãxü̃güxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ichaía 11:15

Rü Cori ya Tupana rü tá nayawáxna i wüxi i nama i Már i Dauchíüxü̃wa. Rü taxtü i Eufráteétügu tá naxuchacüxü. Rü tá ínananguxẽxẽ ya wüxi ya poracü ya buanecü, rü yimá buanecümaxã tá taxtü i Eufráteétügu nicue rü tá 7 i nachacüüxü̃ nayangucuchixẽxẽ. Rü ngẽxguma tá nichoü̃ taxũtáma ínacuaixü̃ãcüma i norü chapatugü.

Ichaía 23:11

Rü nüma ya Cori ya Tupana rü márwa inanawe̱x i norü pora, rü nachixü̃anegüxü̃ namuü̃xẽxẽ. Rü nanamu nax nagu napogüexü̃ca̱x ya Canaáü̃arü ĩanegü ya meama ípoxegugüne.

Ichaía 44:27

Rü choxü̃́ natauxcha nax chanamuxü̃ nax yapaxü̃ i ngẽma már rü ngẽma natügü nax nangearü dexáã́xü̃.

Ichaía 54:6

Pa Iraétanüxü̃x, pema rü ñoma wüxi i pacü i ãtecü rü ngĩte ngĩxü̃ íta̱xcü rü naxĩ̱xãchiãẽcürüxü̃ pixĩgü. Natürü i ñu̱xma ya perü Tupana rü wena pexca̱x naca, rü pexü̃ ñanagürü: —Ngẽma nax pexü̃ íchawogüxü̃ rü paxaãchica̱xmare nixĩ, natürü i ñu̱xma rü tá pexü̃ chade erü poraãcü choxü̃́ pengechaü̃tümüxü̃gü.

Yeremía 7:27

Rü choxü̃ ñanagürü: —¡Rü cumax, Pa Yeremíax, ẽcü ngẽma duü̃xü̃gümaxã nüxü̃ ixu i guxü̃ma i ngẽma cumaxã nüxü̃ chixuxü̃, woo tama cuga naxĩnüegu! ¡Rü nataga woo tama cuxü̃ nangãxü̃gügu!

Yeremía 14:9

¿Rü ta̱xacüca̱x ñoma wüxi i yatü i naxĩxãchiãẽxü̃rüxü̃ quixĩ? ¿Rü ta̱xacüca̱x ñoma wüxi i churara i taxuacüma tüxü̃ rüngü̃xẽẽxü̃rüxü̃ quixĩ? Natürü, Pa Corix, cuma rü totanüwa cungexma, rü guxü̃ma i toma nüxü̃ tacua̱x nax curü duü̃xü̃gü tixĩgüxü̃. ¡Rü taxṹ i toxü̃ ícuwogüxü̃! —ñanagürü ga Yeremía.

Yeremía 35:14

Rü ngẽma Recáx nane ga Yonadátanüxü̃ rü meama naga naxĩnüe ga yema mugü ga norü o̱xi namaxã nüxü̃ ixuxü̃ rü tama nayaxaxgü ya bínu. Rü ñu̱xma rü ta tama nayaxaxgü, yerü naga naxĩnüe ga norü o̱xi. Choma rü marü muẽ̱xpü̱xcüna pemaxã nüxü̃ chixu ga chorü mugü, natürü tama naga pexĩnüe.

Abacú 3:8

¿Pa Corix, namaxã cunu ẽ̱xna i ngẽma natügü? ¿Rü ngẽxgumarüxü̃ ta ẽ̱xna namaxã cunu i ngẽma már? ¿Rü ngẽmaca̱x curü cowarugügu quitoe rü ngẽxma márétügu namaxã cuyarüñaü̃xü̃wetaü̃xü̃ rü nagu quixũxü̃ ya yima curü caru ya guxü̃guma namaxã curüporamaene?

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.