Ichaía 5:6 - Tupanaarü Ore

⁶ Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Ichaía 5:6 Referans Kwoze

Yeremía 25:11

Rü ñaa nachixü̃ane rü guxü̃watáma nachixe, rü nachitaxü̃xicatama ngéma nayaxü. Rü ngẽma norü duü̃xü̃gü i ngẽma nachixü̃anegü rü 70 ya taunecü rü Babiróniaanearü ãẽ̱xgacüme̱xẽwa tá nangẽxmagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:6

Rü ngẽma taxre i orearü uruü̃gü rü nüxü̃́ nangẽxma i pora nax íyachaxãchixü̃ca̱x ya pucü nax tama napuxü̃ca̱x i guxü̃ma i ngẽma 1,260 i ngunexü̃gü i nagu Tupanaarü orexü̃ yaxugüxü̃. Rü ngẽxgumarüxü̃ ta nüxü̃́ nangẽxma i pora nax nagüxü̃ yaxĩxẽẽgüãxü̃ca̱x i dexá. Rü ngẽxgumarüxü̃ ta nüxü̃́ nangẽxma i pora nax ñoma i naanewa namugüãxü̃ca̱x i naguxü̃raü̃xü̃ i guxchaxü̃gü nax ngẽmaãcü ngúxü̃ duü̃xü̃güxü̃ yangexẽẽgüxü̃ca̱x i ngẽxguma ngẽma taxre naxwa̱xegügu.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Amúx 4:7

Rü nüma ya Cori ya Tupana rü ñanagürü: —Choma rü tomaepü̱x ga tauemacü pexcha̱xwa íchayachaxãchixẽxẽ ga pucü naxü̃pa nax peyabuxgüxü̃ ga penetügü. Rü wüxi ga ĩanewa rü chanapuxẽxẽ rü nai ya ĩanewa rü tama. Rü wüxi ga naanewa rü napu rü to ga naanewa rü nipamare yerü nataxuma ga dexá.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Yeremía 45:4

Natürü nüma ya Cori ya Tupana rü cuchiga nidexa rü ñanagürü: “Choma rü tá ichayanaxoxẽxẽ i ngẽma chomatama chaxüxü̃, rü tá chanabe̱x i ngẽma ichatogüxü̃. Rü ngẽmaãcü tátama namaxã chaxü i guxü̃ma i ñaa naane.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Yeremía 14:1

Rü yema nax yapagüanexü̃gagu rü Cori ya Tupana rü Yeremíamaxã nidexa rü ñanagürü nüxü̃:

Ichaía 30:23

Rü nüma ya Cori ya Tupana rü tá pucü ínanguxẽxẽ naxca̱x i naxchire i cuanegu cutogüxü̃. Rü ngẽma cuanewa rü muxü̃tama i trigu i baxcaxü̃ tá nawa narüxügü. Rü ngẽma curü wocagü rü ngẽma ngunexü̃gu rü taanexü̃wa tá nachibüe

Ichaía 24:12

Rü yima ĩane rü marü nagu napogüe, rü ngẽma norü poxeguxü̃arü ĩã̱x rü marü niwa̱x rü napoü̃gü.

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Wenaxarü naxümatü ga Tupanaarü mugü 29:23

Rü tá nüxü̃ pedau i ngẽma naane i nawa pengẽxmagüxü̃ rü achúfremaxã, rü yucüramaxã napaxü̃, rü ñu̱xũchi waixü̃müane ixaxü̃xicatama nax yixĩxü̃. Rü ngẽma naanegu rü taxucürüwama nagu tatoe, rü ngẽma nanetü i nagu petoxü̃ rü taxũtáma narüxügü, rü bai wüxi i maxẽ nawa rüxüxü̃. Rü guma ĩanegü ga Cori ya Tupana norü numaxã iguxü̃ne ga Chodóma, rü Gomóra, rü Axmá rü Cheboíü̃maxã üpetüxü̃rüxü̃ tá perü naanemaxã naxüpetü.

Nüxíraxü̃xü̃ ga popera ga ãẽ̱xgacügüchiga 8:35

Rü ngẽxguma yapagüanegu rü taguma napuxgu nagagu nax chixexü̃ cupe̱xewa naxügüxü̃ i curü duü̃xü̃gü i Iraétanüxü̃, natürü ngẽxguma cuxca̱x nawoegugu rü daa cupatawa yayumüxẽgügu, rü cuxü̃ yacua̱xüü̃gügu, rü nüxü̃ naxoegu i norü chixexü̃gü i naxca̱x cupoxcuexü̃, ¡rü daxũguxü̃ i naanewa nüxü̃́ nüxü̃ naxĩnü i norü yumüxẽ rü nüxü̃́ nüxü̃ irüngüma i norü chixexü̃gü rü nangúexẽxẽ nax mexü̃ i nacümagu naxĩxü̃ca̱x rü napuxẽxẽ nagu i ñaa naane i torü o̱xigüna cuxãxü̃!

Ichaía 7:19

Rü guxü̃ma i ngẽma churaragü rü tá nügü ninu nagu i ngẽma doxonexü̃gü, rü nutaarü ãxmaxü̃gu, rü naanegü i tuxunecüã́xü̃gu, rü nachicagü i wocagü nawa axegüxü̃gu.

Ichaía 32:10

Ñu̱xma rü petaãẽgü, natürü wüxi ya taunecüarü yexeraguwena tá pexoegaãẽgü, erü nigu̱xgü tá i nanetügüarü buxgü rü marü taxũtáma úba pibuxgü.

Ichaía 49:19

Rü pemax, Pa Yerucharéü̃cüã̱x, rü woo guxchawa peyexmagü ga noxri, natürü i ñu̱xma rü marü pexna ínixĩ i ngẽma perü uanügü i perü ĩane ya Yerucharéü̃xü̃ chixexẽẽgüxü̃. Rü ñu̱xma rü tá namuxũchi i duü̃xü̃gü i nawa maxẽxü̃ ya yima perü ĩane rü tá nayangechica i ngẽma duü̃xü̃gü i perü naanewa maxẽxü̃.

Ichaía 55:13

Rü ngẽma tuxugü írüxügüchiréxü̃wa rü tá narüxügü i pinugü. Rü ngẽma naxcugü írüxügüchiréxü̃wa rü tá narüxügü i nanetügü i yixixü̃ i mirtu. Rü guxü̃ma i ñoma i naanewa ngẽxmagüxü̃ rü tá Tupanaxü̃ nicua̱xüü̃gü rü ngẽmaãcü i duü̃xü̃gü rü tá nüxü̃ nacua̱xgü nax Tupana rü guxü̃guma nangẽxmaechaxü̃ —ñanagürü ya Tupana.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.

Joel 1:7

Rü ngẽma munügü rü tórü úbanecügu rü tórü igunecügu nawagüe rü nayangeatüxẽxẽ rü ngẽmaãcü nacho̱xtanümare i nachacüxü.

Auxexü̃chiga 2:6

Rü nüma ga Cori ya Tupana rü ñoma wüxi ga ngĩ́ta̱xaxü̃rüxü̃ nanachixexẽxẽ ga napata ga üünene. Rü nanachixexẽxẽ ga yema nachica ga duü̃xü̃gü nawa ngutaque̱xegüxü̃. Rü nüma rü Chióü̃cüã̱xgüxü̃ nüxü̃ narüngü̃maexẽxẽ ga norü petachigagü rü ñu̱xũchi ngü̃xchigaarü ngunexü̃gü. Rü norü numaxã nüxü̃ naxo ga yema Yudáanearü ãẽ̱xgacü rü gumá chacherdóte.