Ichaía 5:5 - Tupanaarü Ore

⁵ Rü dücax, rü ñu̱xma rü tá pemaxã nüxü̃ chixu i ngẽma nagu charüxĩnüxü̃ namaxã i ngẽma chorü úbanecü. Rü tá íchanapoxgü i ngẽma norü poxeguxü̃ nax ngẽmaãcü duü̃xü̃gü nagu pogüexü̃ca̱x i ngẽma úbanecü. Rü ngẽma norü poxeguxü̃ rü tá nagu chapogü nax duü̃xü̃gü nagu púgüexü̃ca̱x i ngẽma úbanecü.

Ichaía 5:5 Referans Kwoze

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Auxexü̃chiga 1:15

Rü Cori ya Tupana rü yáxü̃wa nanawogü ga guxü̃ma ga chorü churaragü ga iporaexüchixü̃ ga choxü̃ ípoxü̃güchiréxü̃. Rü cha̱u̱xca̱x nua nanamugü ga to ga nachixü̃anearü churaragü nax nadaiaxü̃ca̱x ga chorü churaragü ga tama muü̃wa̱xegüxü̃. Rü choma nax guxü̃nema ga Yudáanearü ĩanegüétüwa chaxüxü̃ rü nüma ya Cori ya Tupana rü chaugu napúgü ñoma úbagü i pu̱xcutanüxü̃rüxü̃ ega bínu naxü̱xgu.

Ichaía 28:18

Rü ngẽxguma pexca̱x tá ínangugügu i perü uanüarü churaragü i ãũcümaxü̃, rü tá pexü̃ narüporamaegü. Rü ngẽxma tá narüxomare i ngẽma perü uneta i Equítuanemaxã pexüxü̃ rü perü uanü tá pexü̃ nadai.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:2

¡Natürü ngẽma naa̱xtü ya Tupanapata ya taxü̃ne, rü taxũtáma cunangugü! Erü ngẽma duü̃xü̃gü i tama Tupanaaxü̃́ yaxõgüxü̃na marü nanaxã. Rü nümagü rü 42 ya tauemacü tá chixri namaxã inacua̱x ya yimá ĩane ya üünene.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Naanearü ügüchiga 11:7

¡Rü ngĩxã ítarüxĩgü nax naguxü̃raü̃xü̃ i nagawa yadexagüxẽẽchigüxü̃ca̱x nax tama nügüga nacua̱xgüxü̃ca̱x i ngẽma duü̃xü̃gü! —ñanagürü.

Danié 8:13

Yemawena rü nüxü̃ chaxĩnü nax wüxi ga orearü ngeruxü̃ i daxũcüã̱x rü to ga orearü ngeruxü̃na naca̱xaxü̃ rü ñanagürü: —¿Ñuxgu tá iyacuáxü̃ i ñaa chixexü̃ i ñu̱xma ãmarechicawa nüxü̃ idauxü̃ ga noxri wüxichigü ga ngunexü̃gu Tupanaca̱x ãmare ígugüxü̃wa? ¿Rü ñuxgu tá nagúxü̃ i ngẽma? ¿Rü ñuxgu tá Tupana inayacua̱xẽxẽ nax pecadu nawa naxügüxü̃ ya napata? ¿Rü ñuxguratáta Tupana inayacua̱xẽxẽ nax ngẽma uanü chixri tümamaxã inacuáxü̃ ya yíxema nüxü̃́ yaxõgüxe? —ñanagürü.

Auxexü̃chiga 4:12

Rü guxü̃ma ga yema togü ga nachixü̃anegüarü ãẽ̱xgacügü ga ñoma ga naanewa yexmagüxü̃ rü taguma nagu narüxĩnüe nax wüxi ga ngunexü̃gu rü yema Yerucharéü̃arü uanügü rü tá guma ĩanearü ĩã̱xgüwa yaxücuxü̃.

Ichaía 25:10

Rü yimá Cori ya Tupaname̱xẽ tá nixĩ i ma̱xpǘne ya Chióü̃xü̃ ípoxü̃ne. Natürü Moáxü̃ rü tá nayapuxcuchigü ñoma maxẽ i paxü̃ wüxi i guxchirepáü̃gu yapu̱xcuchixü̃rüxü̃.

Neemía 2:3

Rü ãẽ̱xgacüxü̃ changãxü̃ rü ñachagürü: —Pa Ãẽ̱xgacüx ¡Guxü̃guma namaxü̃! ¿Ñuxãcü chi i tama changechaü̃xü̃? Erü yima ĩane ya chaunatügü nagu ta̱xgüne rü nachicaxicatama nixĩ, rü naxtapü̱xarü ĩã̱xgü rü ínanagu —ñachagürü.

Wiyaegü 89:40

Rü ngẽma norü ĩanearü poxeguxü̃ rü cuyangóxnaxẽxẽ rü yima norü ĩgü rü cuyawa̱xgüxẽxẽ.

Ichaía 32:10

Ñu̱xma rü petaãẽgü, natürü wüxi ya taunecüarü yexeraguwena tá pexoegaãẽgü, erü nigu̱xgü tá i nanetügüarü buxgü rü marü taxũtáma úba pibuxgü.

Yeremía 18:11

Dücax, Pa Yeremíax, ¡rü namaxã nüxü̃ ixu i guxü̃ma i Yudáanecüã̱xgü rü Yerucharéü̃cüã̱x i duü̃xü̃gü rü choma ya Cori ya Tupana rü ñacharügü nüxü̃: “Ñu̱xma rü marü nagu charüxĩnü nax pexü̃ chapoxcuexü̃! ¡Rü nüxü̃ perüxoe i ngẽma chixexü̃ i nagu pemaxẽxü̃, rü penamexẽxẽ i pecüma, rü mexü̃ pexügü!” ñacharügü nüxü̃.

Yeremía 21:4

—Chedequíamaxã nüxü̃ pixu rü Cori ya Iraétanüxü̃arü Tupana rü ñanagürü: “Choma rü tá ĩanegu chanaxücuxẽxẽ i ngẽma curü churaragü i ĩanearü düxétügu Babiróniaanearü ãẽ̱xgacüarü churaragümaxã nügü daixü̃. Rü ñu̱xũchi ngẽma Babiróniacüã̱x i Cadéutanüxü̃ i poxeguxü̃arü düxétüwaama pexü̃ íchomaeguxü̃ rü daa ĩanearü ngãxü̃gu tá chanangutaque̱xexẽxẽ.

Yeremía 28:8

“Rü yema orearü uruü̃gü ga nüxíra yexmagüxü̃ naxü̃pa nax ibuexü̃ ga cuma rü choma rü yemagü rü duü̃xü̃güca̱x nanaxunagü ga dai rü taxü̃ ga guxchaxü̃gü rü da̱xaweanegü naxca̱x ga muxü̃ma ga nachixü̃anegü rü norü ãẽ̱xgacügü ga poraexü̃.

Yeremía 45:4

Natürü nüma ya Cori ya Tupana rü cuchiga nidexa rü ñanagürü: “Choma rü tá ichayanaxoxẽxẽ i ngẽma chomatama chaxüxü̃, rü tá chanabe̱x i ngẽma ichatogüxü̃. Rü ngẽmaãcü tátama namaxã chaxü i guxü̃ma i ñaa naane.

Ochéa 2:12

Rü ngẽma duü̃xü̃gü nüxü̃ nacua̱xgügu nax norü tupananetagü yixĩxü̃ i nüxna naxãxü̃ i ngẽma norü igunecü rü úbanecügu. Natürü i choma rü tá chayanaxoxẽxẽ rü maxẽnecüxü̃ tá chayaxĩxẽxẽ. Rü ngẽma naeü̃gü i naixnecücüã̱xgü tá nanangõ̱xgü i ngẽma duü̃xü̃gü.

Wiyaegü 89:41

Rü guxü̃ma i ngẽma togü i duü̃xü̃gü i ngéma chopetüxü̃ rü naxca̱x nangĩ̱x i ta̱xacü i nüma nanaxwa̱xexü̃. Rü ngẽma nachixü̃anegü i nüxna ngaicamagüxü̃ rü nüxü̃ nacugüe ya yima ĩane.

Ngu̱xẽẽtaeruü̃arü ore 3:3

Rü nangẽxma i ngunexü̃ i nagu namáetagüxü̃, rü ngunexü̃ i nagu tüxü̃ yaxüxü̃xü̃güxü̃. Rü nangẽxma i ngunexü̃ i nagu napogüexü̃, rü ngunexü̃ i nagu naxüpatagüxü̃.

Auxexü̃chiga 2:6

Rü nüma ga Cori ya Tupana rü ñoma wüxi ga ngĩ́ta̱xaxü̃rüxü̃ nanachixexẽxẽ ga napata ga üünene. Rü nanachixexẽxẽ ga yema nachica ga duü̃xü̃gü nawa ngutaque̱xegüxü̃. Rü nüma rü Chióü̃cüã̱xgüxü̃ nüxü̃ narüngü̃maexẽxẽ ga norü petachigagü rü ñu̱xũchi ngü̃xchigaarü ngunexü̃gü. Rü norü numaxã nüxü̃ naxo ga yema Yudáanearü ãẽ̱xgacü rü gumá chacherdóte.

Ochéa 2:14

Rü ñanagürü ta: —Natürü i chomax, rü wena tá chaugüna chayapuexẽxẽ i ngẽma Iraéanecüã̱xgü. Rü chianexü̃wa tá chanagagü nax ngéma mea namaxã chidexaxü̃ca̱x rü wenaxarü choxü̃ nangechaü̃güxü̃ca̱x.