Ichaía 5:4 - Tupanaarü Ore

⁴ ¿Ẽ̱xna nangẽxmaxü̃ i ta̱xacü i tama chaxüxü̃ nax tama nangúchixaxü̃ca̱x i ngẽma chorü úbanecüarü o? ¿Rü nangemaxü̃ i ta̱xacü i tama naxca̱x chaxüxü̃? Choma rü íchananguxẽxẽ nax namaixcuraxü̃ i norü o. ¿Rü ta̱xacüca̱x i ñu̱xma i nangúchixaxü̃ i norü o?

Ichaía 5:4 Referans Kwoze

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Yeremía 2:5

Rü nüma ya Cori ya Tupana rü ñanagürü pexü̃: —¿Ta̱xacü rü chixexü̃ chowa nüxü̃ nadaugü ga perü o̱xigü rü yemaca̱x choxna yaxĩgachixü̃ rü nawe naxĩxü̃ ga tupananetachicüna̱xãgü ga ngearü maxü̃ã̱xgüxü̃? Rü yemagagu taxuwama nügü namexẽẽgü.

Echequié 24:13

Rü cumax, Pa Yerucharéü̃x, rü ñoma panera ya aüxǘchicürüxü̃ quixĩ. Rü choma rü nüxü̃ chadau nax poraãcü curü ngúchaü̃ cuxüxü̃. Rü ngẽma nixĩ i cuwa íchapixchaü̃xü̃ nax cumexü̃ca̱x. Natürü i cuma rü tama cunaxwa̱xe. Rü ngẽxguma chorü numaxã cuxü̃ chapoxcuguxicatama tá cume.

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Yeremía 2:21

Choma rü ñoma úbachire ya mexẽchínerüxü̃ pexü̃ ichato nax úba i baxcaxü̃ rü mexẽchixü̃rüxü̃ pixĩgüxü̃ca̱x. Natürü i pema rü ñoma úbachicürüxü̃ pegü pixĩgüxẽxẽ, rü ngẽmaca̱x i ñu̱xma rü marü tama pexü̃ chacua̱x.

Yeremía 7:25

Rü yexguma Equítuanewa íchanagaxü̃gucürüwa ñu̱xmata ñoma i ngunexü̃wa nangu rü pexca̱x ngéma chanamugüecha i muxü̃ma i chorü duü̃xü̃gü i orearü uruü̃gü.

Yeremía 7:26

Natürü ga pemax rü tama chauga pexĩnüexü̃ rü tama choxü̃́ ipexĩnüechaü̃, rü yema nũxcümaü̃güxü̃ ga petanüxü̃arü yexera chomaxã penue rü chixri pemaxẽ —ñanagürü.

Yeremía 24:2

Rü wüxi ga guma pexchiwa rü nayexmagü ga igu ga mexü̃ ga nüxíra idauxü̃. Rü guma nai ga pexchiwa rü nayexma ga igugü ga poraãcü ichixexü̃ rü taxuacüma imúxü̃.

Ínachoxü̃xü̃chiga 37:22

Rü guxü̃ma ga yema omüpaweruarü ngã̱xãẽruü̃gü rü guma nachacüügü, rü nanewatama nanaxüxüchigü. Rü guxü̃ma ga yemagü rü úiru ga ipomüxü̃wa nixĩ ga naxüxü̃.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.