Biblia Todo Logo
Bib sou entènèt

- Piblisite -




Ichaía 5:2 - Tupanaarü Ore

2 Rü nanaxaiegumüane rü inananugü ga nutagü rü yema rümemaexü̃ ga úba yexma natogü. Rü yemanecügu nanaxü ga wüxi ga dauxü̃taechica rü wüxi ga nachica ga bínu nawa naxüxü̃. Rü nüma ga chomücü rü nagu narüxĩnü nax yema úba rü chi yamaixcuraxü̃ ga norü o, natürü ga yema úbagü rü ningúchia̱x ga norü o.

Gade chapit la Kopi




Ichaía 5:2
31 Referans Kwoze  

Choma rü ñoma úbachire ya mexẽchínerüxü̃ pexü̃ ichato nax úba i baxcaxü̃ rü mexẽchixü̃rüxü̃ pixĩgüxü̃ca̱x. Natürü i pema rü ñoma úbachicürüxü̃ pegü pixĩgüxẽxẽ, rü ngẽmaca̱x i ñu̱xma rü marü tama pexü̃ chacua̱x.


¿Ta̱xacü rü duü̃xü̃ i churarawa ũxü̃ i nügüxü̃tama naxütanüxü̃ i norü õna? ¿Rü ta̱xacürü duü̃xü̃ i úba itoxü̃ i tama namúxü̃ i norü o? ¿Rü ta̱xacürü duü̃xü̃ i carnérugüna dauxü̃ i tama nagünenixü̃ ne ixaxüxü̃?”


Rü yáxü̃gu nüxü̃ nadau ga wüxi ga nanetü ga igunecü ga ãátüxü̃. Rü nüma ga Ngechuchu rü naxca̱x nixũ nax íyadauãxü̃ca̱x rü aixcüma nayexma̱x ga norü o. Natürü yexguma naxü̃tawa nanguxgu, rü taxuxü̃ma ga norü o inayangau, rü naatüxü̃xicatama, yerü taxũta norü owa nangu.


Rü nümagü rü chauxrüxü̃ Iraétanüxü̃ nixĩgü. Rü Tupana rü nũxcümaxü̃chima namaxã inaxuneta nax naxacügü yixĩgüxü̃ca̱x. Rü Tupana rü norü üünemaxã natanüwa nayexma rü namaxã inaxuneta rü tá nüxü̃ narüngü̃xẽxẽ ega naga naxĩnüegu. Rü nüxna nanaxã ga yema mugü ga Moiché ümatüxü̃. Rü nanangúexẽxẽ nax nüxü̃ yacua̱xüü̃güxü̃ca̱x. Rü namaxã inaxuneta ga norü unetagü.


Rü yexguma nawa nanguxgu nax yadauxü̃ ga úbagü, rü gumá yatü rü yema puracütanüxü̃xü̃tawa nanamu ga wüxi ga norü duü̃xü̃ nax naxca̱x íyaca̱xaxü̃ca̱x ga yema úbagü ga nüxna üxü̃.


Rü yexguma úbaarü buxgüwa nanguxgu, rü yema naanearü yora rü yéma nanamugü ga ñuxre ga norü duü̃xü̃gü nax yema puracütanüxü̃na ngĩxca̱x yaca̱xaxü̃ca̱x ga yema úbatanü ga norü yorana ücü.


Rü namacüwawa nüxü̃ nadau ga wüxi ga nanetü ga igunecü. Rü naxca̱x nixũ, natürü taxuxü̃ma ga norü oxü̃ inayangau, rü naatüxicaxü̃ inayangau. Rü yemaca̱x ñanagürü nüxü̃ ga yema nanetü: —Tagutáma wena cuxo̱x —ñanagürü. Rü yexgumatama narüñexẽ ga yema nanetü.


Rü cumax, Pa Yerucharéü̃ i Iraétanüxü̃arü Poxü̃chicaxü̃ Ixĩxẽ i Ma̱xpǘne ya Chióü̃wa, rü wena táxarü guxü̃ i togü i Iraéanearü ĩanegüétüwa cungexma. Rü cuwa tá nixĩ i nangẽxmaxü̃ i ñaa nachixü̃anearü ãẽ̱xgacü —ñanagürü ya Tupana.


Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.


Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.


Rü yima ĩane ya Chióü̃xica ngéma nayaxǘ ñoma wüxi ya düxenü ya úbanecüarü ngãxü̃wa nüxica ngẽxmanerüxü̃. Rü ñoma wüxi i düxgümü i nüxica worachiaanecüarü ngãxü̃wa ngẽxmanerüxü̃ nixĩ. Rü ñoma wüxi ya ĩane i norü uanügü nüxü̃ ichomaegunerüxü̃ nixĩ.


Rü yema ngunexü̃gügu rü Yudáanewa nüxü̃ chadau ga duü̃xü̃gü ga ngü̃xchigaarü ngunexü̃gu úba pu̱xgüxü̃ nax bínu naxügüxü̃, rü tríguarü o nugügüxü̃ rü búrumaxã bínu rü úbaya̱xa, rü igugü, rü guxü̃raü̃xü̃ i naxweta nugügüxü̃. Rü yexgumarüxü̃ ta nüxü̃ chadau nax ngü̃xchigaarü ngunexü̃gu Yerucharéü̃wa nanaaxü̃ ga naxweta. Rü yemaca̱x chayangagü, yerü ngü̃xchigaarü ngunexü̃gu norü yemaxü̃gümaxã nataxegü.


Rü yemawena ga Chanchóü̃ rü wüxi ga nge ga Daríragu ãégacüxü̃ nangẽ̱xẽ. Rü ngĩma rü Choréxarü tuãchigu ĩ̱xãchiü̃.


¿Rü ñuxãcü i ñu̱xma i pema rü chixexü̃maxã Cori ya Tupanaaxü̃́ penaxütanüxü̃? Pa Duü̃xü̃gü i Peechitamare Maxẽxe rü Ngearü Cuáã̱xgüxex ¿tama ẽ̱xna nüxü̃ pecua̱x nax yimá yixĩxü̃ ya penatü ya pexü̃ ngóexẽẽcü? Rü aixcüma yimá nixĩ ya pexü̃ ngóexẽẽcü, rü pexna naxãcü i perü maxü̃ nax ñu̱xma duü̃xü̃gü pixĩgüxü̃.


Rü nua daa ma̱xpǘnechitaeruwa rü meama nüxü̃ chadau i ngẽma Iraétanüxü̃. Rü daa ma̱xpǘnetape̱xewa rü meama nüxü̃ chadawenü. Rü chanangugü rü duü̃xü̃gü i nügütanüxü̃xicatama ixãchiü̃güxü̃ nixĩgü. Rü tama togü i duü̃xü̃gümaxã nawüxigu erü tama togü i duü̃xü̃gümaxã nügü narüxücu.


Erü ngẽxguma cuma tama toxü̃ íquixümücügux ¿rü ñuxãcü tá nüxü̃ tacua̱x nax cuma rü tomaxã cutaãxẽxü̃? Natürü ngẽxguma toxü̃ íquixümücügux rü choma rü ñaa curü duü̃xü̃gü rü aixcüma tá nüxü̃ tacua̱x nax cupe̱xewa tama ngẽma togü i ñoma i naanecüã̱xrüxü̃ tixĩgüxü̃ —ñanagürü.


Rü ñanagürü ta ga Ngechuchu: —Chanaxwa̱xe i iperüxĩnüe i ñaa to i ore i cua̱xruxü̃ i tá pemaxã nüxü̃ chixuxü̃. Rü nayexma ga wüxi ga yatü ga nüxü̃́ nayexmacü ga wüxi ga norü naane. Rü yexma nanato ga muxü̃ma ga ori̱x ga úba. Rü ñu̱xũchi ínanapoxegu, rü nanaxü ga wüxi ga úbaarü yauxtüü̃chica rü wüxi ga dauxü̃taechica. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü wüxi ga to ga nachixü̃ane ga yáxü̃guxü̃wa naxũ.


Rü Ngechuchu rü inanaxügü ga ore ga cua̱xruü̃gügu ixuxü̃maxã nax nangúexẽẽtaexü̃. Rü ñanagürü nüxü̃: —Nayexma ga wüxi ga yatü ga norü naanegu úbanecü ücü. Rü ínanapoxegu, rü nanaxü ga wüxi ga úbaarü yauxtüxü̃ruxü̃, rü wüxi ga dauxü̃taechica nax yemawa nax dauxü̃taegüxü̃ca̱x. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü to ga nachixü̃anewa naxũ.


Rü ñu̱xũchi wüxi ga naane naxca̱x chamexẽxẽ ga yema chorü duü̃xü̃gü i Iraétanüxü̃. Rü yéma chanangugüxẽxẽ nax noxrütama naanewa namaxẽxü̃ca̱x i ngextá taxúema nachixeãẽgüxü̃wa rü woo chixexü̃ i duü̃xü̃gü tama nagu idauxcüraxü̃güxü̃wa ga noxrirüxü̃ ga yexguma nüxü̃ chaxunetagu ga ãẽ̱xgacügü ga guxchaxü̃arü mexẽẽruü̃gü. Rü tá cumaxã ichanangüxmüexẽxẽ i guxü̃ma i ngẽma curü uanügü nax tama cuxoegaãẽxü̃ca̱x. Rü tá cuxü̃́ nangẽxma i cutaagü.


Rü Equítuanewa toxü̃ ícugaxü̃ ñoma wüxi i úba i ngexwaca rüxüxü̃ i to i naanewa ngexü̃ rü ngẽxma yatoxü̃rüxü̃. Rü toxca̱x ícunawoxü̃ ga yema duü̃xü̃gü ga tama cuxü̃́ yaxõgüxü̃ nax yema nachica ga nawa ícunawoxü̃xü̃gu toxü̃ cumugüxü̃ca̱x.


Rü cunamexẽxẽ ga yema naane naxca̱x ga yema úba. Rü yema úba rü mea narüxü rü naxãxchuma̱xã rü guxü̃wama ga yema nachixü̃anewa rü nimu.


Rü choma ya Cori ya Tupana ya Guxãétüwa Ngẽxmacü nixĩ ga noxri ñaa naanewa pexü̃ chayexmagüxẽẽxü̃. Natürü yema chixexü̃ ga pexügüxü̃gagu, Pa Iraéanecüã̱xgüx rü Pa Yudáanecüã̱xgüx, rü pexca̱x íchananguxẽxẽ i guxchaxü̃ i ñu̱xma. Yerü chope̱xewa rü taxü̃ ga chixexü̃ pexü yexguma Baáca̱x pumarate̱xe pigugügu —ñanagürü ga Cori ya Tupana.


Swiv nou:

Piblisite


Piblisite