Ichaía 5:18 - Tupanaarü Ore

¹⁸ Rü pegümaxã pengechaü̃gü i pema erü pidorata̱xagü rü ngẽmaãcü pegüwe peyatúchigügü i perü chixexü̃gü ñoma wüxi i caru rü naxpanaxãmaxã itúxü̃rüxü̃.

Ichaía 5:18 Referans Kwoze

Yeremía 23:14

Rü choma rü marü nüxü̃ chadau i ngẽma Yerucharéü̃arü orearü uruü̃güneta nax poraãcü chixexü̃ naxügüxü̃. Rü ngexü̃gü i ãtéxü̃maxã namaxẽxü̃ rü duü̃xü̃güxü̃ nawomüxẽẽgüxü̃. Rü ngẽma duü̃xü̃gü i chixexü̃gu maxẽxü̃axü̃́ nanangúchaü̃xẽxẽ nax tama nüxna yaxĩgachixü̃ca̱x i ngẽma chixexü̃ i nagu namaxẽxü̃. Rü nümagü i ngẽma orearü uruü̃güneta rü ñu̱xũchi ngẽma ĩanecüã̱xgü rü chope̱xewa rü ñoma Chodómacüã̱x rü Gomóracüã̱xrüxü̃ nixĩgü.

Echequié 13:22

Pema rü penaxü i ngẽma tama chanaxwa̱xexü̃ rü perü doramaxã penamuü̃xẽxẽ i ngẽma duü̃xü̃gü i mecümaxü̃. Rü yexera chixexü̃ pexü yerü nüxü̃ perüngü̃xẽxẽ ga yema chixexü̃gu maxẽxü̃ nax tama nüxna yaxĩgachixü̃ca̱x i norü chixexü̃ nax ngẽmaãcü taxucürüwama nüxna chanaxãxü̃ca̱x i maxü̃.

Yeremía 23:10

Rü ñaa nachixü̃ane rü namaxã nayapa i duü̃xü̃gü i Tupanana ixĩgachixü̃ rü tama aixcüma naga ĩnüexü̃. Rü ngẽma orearü uruü̃güneta rü paxa naxca̱x nadaugü nax chixexü̃ naxügüxü̃. Rü ngẽmaca̱x ya Cori ya Tupana rü chixexü̃ namaxã naxuegu i ñaa naane rü chianexü̃xü̃ nayangucuchixẽxẽ. Rü ñu̱xma i ngẽma wocachitaü̃güarü maxẽgü rü marü nipagü.

Yeremía 5:31

Rü ngẽma ore i nüxü̃ yaxugügüxü̃ i ngẽma orearü uruü̃gü rü doramare nixĩ. Rü ngẽma chacherdótegü rü nümagü nanaxwa̱xegüxü̃ãcü duü̃xü̃gümaxã inacua̱xgü. Rü ngẽma chorü duü̃xü̃gü rü ngẽmamaxã nataãẽgü. ¿Natürü ta̱xacü tá pexüxü̃ i ngẽxguma ínanguxgu i ngẽma guxchaxü̃ i ãũcümaxü̃? —ñanagürü.

Wiyaegü 36:2

Rü nügügu narüxĩnü nax namexü̃ i ngẽma chixexü̃ i naxüxü̃ rü ngẽmamaxã nügü nicua̱xüxü̃.

Ngechuchuarü ngúexü̃gü ga yamugüxü̃arü puracüchiga 26:9

Rü noxri ga choma rü ta rü nagu charüxĩnü nax chayanaxoxẽẽxü̃ ga yema Ngechuchu ya Nacharétucüã̱xaxü̃́ yaxõgüxü̃.

Ore i mexü̃ ga Cuáü̃ ümatüxü̃ 16:2

Rü ngutaque̱xepataü̃güwa tá pexü̃ ínawoxü̃. Rü tá nawa nangu nax texé pexü̃ daixü̃ rü tá nagu tarüxĩnü nax ngẽmaãcü mexü̃ Tupanaca̱x taxüxü̃.

Chofonía 1:12

Rü ngẽma ngunexü̃gu rü choma ya Tupana rü omügümaxã guxü̃wama i Yerucharéü̃wa tá mea naxca̱x chadau i ngẽma duü̃xü̃gü i chixexü̃ ügüxü̃. Rü tá chanapoxcue i ngẽma duü̃xü̃gü i ñoma bínu ya marü tama ichicacürüxü̃ ixĩgüxü̃. Rü nümagü rü inarüchomare rü taxuguma narüxĩnüe. Rü nügümaxãtama ñanagürügü: “Nüma ya Cori ya Tupana rü taxuxü̃táma i mexü̃ rüe̱xna chixexü̃ tamaxã naxü”, ñanagürügü.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Wiyaegü 14:1

Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana. Rü guxü̃ma i ngẽma duü̃xü̃gü rü chixexü̃gu narüxĩnüe rü nanaxügü i ngẽma Tupanape̱xewa chixexü̃chixü̃. Rü bai i wüxi i mexü̃ üxü̃.

Wiyaegü 10:11

Rü ngẽma yatü i chixexü̃ rü nagu narüxĩnü nax nüma ya Tupana rü marü nüxü̃ yanangümaxü̃ rü nügü yadüxchiwexü̃ nax tama nüxü̃ nadauxü̃ca̱x i ngẽma chixexü̃ i naxüxü̃ i ngẽma duü̃xü̃.

Ãẽ̱xgacügü ga guxchaxü̃güarü mexẽxẽruü̃gü 17:13

Rü nüma ga Micaía rü nagu narüxĩnü rü Tupana rü tá nüxü̃ narüngü̃xẽxẽ yerü nüxü̃́ nayexma ga norü chacherdóte ga Lebítanüxü̃ ixĩxü̃.

Ãẽ̱xgacügü ga guxchaxü̃güarü mexẽxẽruü̃gü 17:5

Yerü nüma ga Micaía rü napatawa nüxü̃́ nayexma ga wüxi ga nachica ga naxchicüna̱xãgüxü̃mare nawa yacua̱xüüxü̃. Rü yema nachicawa rü nüxü̃́ nayexma ga toamachigü ga naxchicüna̱xãgü rü wüxi ga naxchiru ga chacherdótearü efóx ixĩxü̃. Rü ñu̱xũchi wüxi ga nanexü̃ naxuneta nax norü chacherdóte yixĩxü̃ca̱x.

Yeremía 36:23

Rü nüma ga Yeudí rü ãẽ̱xgacüca̱x nüxü̃ nadaumatü ga yema popera. Rü yexguma tomaepü̱xchimüü̃ rüe̱xna ãgümücüchimüxü̃ nagu̱xuchixẽẽgu ga nüxü̃ nax nadaumatüxü̃, rü nüma ga ãẽ̱xgacü rü norü cüxchi tüxü̃ nayaxu rü ínanawíe ga yema marü nüxü̃ nadaumatüxü̃, rü üxüwa nayata̱xcuchi. Rü yemaacü nanaxü rü ñu̱xmata nagu ga guxü̃ma ga yema popera.

Ucu̱xẽgüchiga 4:17

Norü õna rü norü axexü̃ nixĩ i ngẽma chixexü̃ i naxügüxü̃ rü nax namáetagüxü̃.