Biblia Todo Logo
Bib sou entènèt

- Piblisite -




Ichaía 5:16 - Tupanaarü Ore

16 Rü Cori ya Tupana ya Guxãétüwa Ngẽxmacü rü tá nügü nango̱xẽxẽ nax aixcüma cua̱x nüxü̃́ ngẽxmaxü̃ i ngẽxguma duü̃xü̃güna nacaxgu naxca̱x i norü maxü̃. Rü ngẽxguma nüxna nacaxgu rü tá nango̱x nax aixcüma naxüünexü̃.

Gade chapit la Kopi




Ichaía 5:16
34 Referans Kwoze  

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.


Rü ngẽxguma rü tá ñaperügügü: —¡Moxẽ nüxna pexã rü nüxü̃ picua̱xüü̃gü ya Cori! ¡Rü to i nachixü̃anegümaxã nüxü̃ pixu i ngẽma mexü̃ i pexca̱x naxüxü̃! ¡Rü nüxna pecua̱xãchie nax nüma yixĩxü̃ i guxãétüwa nangẽxmaxü̃!


Rü cumax, Pa Corix, rü guxü̃étüwa cungexma, rü cuxicatama cupora rü cuxüüne, rü namaxã icucua̱x i guxü̃ma, rü guxü̃ma i ãẽ̱xgacügüétüwa cungexma. Erü guxü̃ma i daxũguxü̃ i naanewa rü ñoma i naanewa ngẽxmagüxü̃ rü cuxrü nixĩgü. Rü cuxrügü ta nixĩ i guxü̃ma i naanegü, erü guxü̃étüwa cungexma.


Erü Tupana nanaxwa̱xe nax mexü̃ pexügüxü̃ nax ngẽmaãcü ipeyanangea̱xgüxẽẽxü̃ca̱x i ngẽma duü̃xü̃gü i tama naãxẽxü̃ cuáxü̃ rü ngẽma naechitamare maxẽxü̃.


Rü choma rü ngẽma nachixü̃anegüpe̱xewa tá chanawe̱x nax naxüünexü̃ i chauéga i pema natanüwa chixri nachiga pidexagüxü̃. Rü ngẽxguma ngẽma chaxüxgu, rü ngẽma nachixü̃anegü rü tá nüxü̃ nicua̱xãchitanü nax choma chixĩxü̃ ya Cori ya Tupana. Rü choma ya Cori ya Tupana nixĩ i nüxü̃ chixuxü̃ i ngẽma.


Rü yema chomaxã idexaxü̃ rü ñanagürü ta: “Chanaxwa̱xe i Filadélfiawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá Üünecü ya aixcüma Cristu ixĩcü. Rü nüma rü ãẽ̱xgacü ya Dabírüxü̃ poracü nixĩ. Rü nüxü̃́ nangẽxma i pora nax yawãxnaãxü̃ca̱x rü nawãxtaãxü̃ca̱x. Rü ngẽxguma texéca̱x yawãxnaãgu, rü taxucürüwama texé tümacha̱xwa tanawãxta. Rü ngẽxguma texécha̱xwa nawãxtaãgu, rü taxucürüwa texé tümaca̱x tayawãxna’.


Nüma ya Cori ya Tupana ya Guxãétüwa Ngẽxmacü rü daxũguxü̃ i naanewa nixĩ i nangẽxmaxü̃. Rü nüma nixĩ i mugü i we̱xguxü̃ rü aixcüma mexü̃ Chióü̃arü duü̃xü̃güca̱x naxueguxü̃.


Rü choma ya Cori ya Tupana ya Guxãétüwa Ngẽxmacü rü chaxüüne. Rü choxü̃xicatama nixĩ i namexü̃ nax pemuü̃exü̃ rü choxü̃ picua̱xüü̃güxü̃.


Rü ngẽmaãcü tá nixĩ i muxü̃ma i duü̃xü̃güxü̃ chanawéxü̃ nax choma rü guxü̃étüwa changexmaxü̃ rü chaxüünexü̃. Rü ngẽmaãcü tá chaugü nüxü̃ chacua̱xẽxẽ i duü̃xü̃gü. Rü nümagü rü tá nüxü̃ nicua̱xãchitanü nax choma yixĩxü̃ ya Cori ya Tupana” —ñachagürü.


Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.


Natürü wüxi i ngunexü̃gu rü tá poraãcü naxãnee i ngẽma nügü icua̱xüü̃güxü̃ rü ngẽma nügü írütagüxü̃. Rü ngẽma ngunexü̃gu rü duü̃xü̃gü rü tá Cori ya Tupanaxü̃xicatama nicua̱xüü̃gü.


Rü yema ãgümücü ga daxũcüã̱x ga maxẽxü̃, rü wüxichigü nüxü̃́ nayexma ga 6 ga naxpe̱xatügü. Rü guxü̃wama ga naxpe̱xátüétüwa rü naxpe̱xátütüü̃wa rü namuxetü. Rü ngunecü rü chütacü rü ñanagürügüecha: “Naxüüne, naxüüne, naxüüne nixĩ ya tórü Cori ya Tupana ya Guxü̃étüwa Ngẽxmacü rü Woetama Yexmacü rü Ñu̱xma Ngẽxmacü rü Guxü̃gutáma Ngẽxmacü”, ñanagürügüecha.


Erü nüma ya Tupana rü naxchi naxai i ngẽma ngĩ́ta̱a̱x rü máeta, natürü nüxü̃ nangechaü̃ i ngẽma aixcüma mexü̃. Rü tá pexna nanaxã i taxü̃ma i perü natanü, rü pemaxã tá nanaxü i wüxi i uneta i tagutáma yagúxü̃.


Rü choma rü tá mea chanangugü i ngẽma naxüxü̃ i wüxichigü i duü̃xü̃gü. Rü guxü̃ma i ngẽma chaxüxü̃ rü aixcüma nawe̱xgu. Pema rü nüxü̃́ peyaxõ i ngẽma uneta i Equítuanemaxã pexüxü̃ nax pexü̃ ínapoxü̃xü̃, natürü ngẽma rü wüxi i doramare nixĩ rü gáuxü̃pütagü tá naétügu narüyi rü tá inayanaxoxẽxẽ. Rü taxü̃ i dexá tá ínananguxẽxẽ i perü cu̱xchicaxü̃ —ñanagürü ya Tupana.


Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.


¡Rü ẽcü inawe̱x i curü pora, Pa Cori Pa Tupanax! Rü toma rü wiyaegümaxã tá cuxü̃ ticua̱xüxü̃gü rü tá tanaxüchiga i curü pora.


Natürü nüma ya Cori ya Tupana rü pexü̃ ínanangu̱xẽxẽ nax naxca̱x pewoeguxü̃ nax ngẽmaãcü nüxü̃́ pengechaü̃tümüxü̃güxü̃ca̱x. Rü nüma rü ínamemare nax pexü̃ nawéaxü̃ nax poraãcü pexü̃ nangechaü̃xü̃. Erü nüma ya Cori ya Tupana rü aixcüma mexü̃ namaxã naxuegu i ngẽma naga ĩnüexü̃. Rü tá taãẽgü ya guxãma ya yíxema nüxü̃́ yaxõgüxe.


Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.


Rü nüma ya Cori ya Tupana rü nügü inawe̱x nax ãẽ̱xgacü ya aixcümacü yaxĩxü̃ rü tümaétüwa naxǘ ya yíxema mexü̃ üxe. Natürü nanangexrü i ngẽma chixexü̃ üxü̃ rü ngẽmaca̱x nagu tá nangu ya yima yüta ya nümatama naxüxü̃ne.


Rü nüma ga Moiché rü Aróü̃xü̃ ñanagürü: —Ñaachiga nixĩ ga yema Cori ya Tupana nüxü̃ ixuxü̃ ga yexguma ñaxgux: “Rü yíxema choxna ngaicamachaü̃xe rü choma rü tá tüxü̃ chanawe̱x nax aixcüma chaxüünexü̃. Rü guxü̃ma i Iraétanüxü̃pe̱xewa tá ichanawe̱x i chorü pora”, ñaxgu —ñanagürü ga Moiché. Rü nüma ga Aróü̃ rü yéma nangea̱xmare.


Rü norü ore i ümatüxü̃wa rü ñanagürü: “Chanaxwa̱xe i pixüüne, erü choma rü chaxüüne”, ñanagürü.


Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.


¡Rü namaxã nüxü̃ ixu i ñaa ore rü ñacurügü! “Cori ya Tupana rü ñanagürü cuxü̃: ‘Pa Chidóü̃, choma rü cumaxã nüxü̃ chixu nax curü uanü chixĩxü̃. Rü ngẽxguma cuxü̃ chapoxcugu rü cuwa ichanawe̱xgu i chorü pora, rü ngẽma duü̃xü̃gü rü tá choxü̃ nicua̱xüü̃gü rü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana


Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.


Rü nüma ya Cori ya Tupana rü ñanagürü: —Ñu̱xma rü tá chayanguxẽxẽ i ngẽma nüxü̃ chixuxü̃ rü tá ichanawe̱x i chorü pora.


Rü ngẽxguma pexü̃ íchagaxü̃gu nawa i ngẽma nachixü̃anegü rü yima ĩanegü i ñu̱xma nagu pewoonene, rü tá pexü̃ chayaxu ñoma ãmare i chi̱xemaxü̃rüxü̃. Rü ngẽmaãcü guxü̃ i togü i nachixü̃anecüã̱xpe̱xewa tá ichanawe̱x i chorü üüne i petanüwa tá chango̱xẽxẽxü̃.


Rü tá naxca̱x ícuyagoõchi i chorü duü̃xü̃gü i Iraétanüxü̃. Rü cumax, Pa Góx, rü curü churaragümaxã tá cunapaxẽxẽ i norü naane ñoma wüxi i caixanexü̃ i waemaxü̃rüxü̃. Rü ngẽma nawa iyacuáxü̃ i ngunexü̃gügu rü tá cuxü̃́ chanatauxchaxẽxẽ nax naxca̱x ícuyagoõchixü̃ca̱x i chorü naane. Rü ngẽmaãcü tá chanaxü nax ngẽma togü i nachixü̃anegü cugagu choxü̃ cua̱xgüxü̃ca̱x i ngẽxguma nape̱xewa tá ichanawe̱xgu i chorü üüne’ ”, ñanagürü ya Tupana.


Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.


Rü yema dexá ga nutawa yagoxü̃chiüxü̃ rü Meribá nixĩ ga naéga. Rü yema nachicawa nixĩ ga Iraétanüxü̃ ga Cori ya Tupanamaxã nanuexü̃. Rü yéma nixĩ ga Cori ya Tupana ga nügü inawéxü̃ nax nüma rü üünecü nax yixĩxü̃.


Rü nügütama ãne ningexẽẽgü. Rü taxuwama nügü namexẽẽgü. Rü ngẽmaca̱x, Pa Tupanax, ¡taxṹ i nüxü̃ curüngü̃maxü̃ i ngẽma duü̃xü̃güarü chixexü̃! —ñanagürü ga Ichaía ga norü yumüxẽwa.


Rü ngẽmaca̱x i choma ya Cori ya Tupana rü ñacharügü: “Ngẽma Iraétanüxü̃ i togü i nachixü̃anegu woonexü̃ rü choma rü tá wüxiwa chanagagü. Rü ngẽma nachixü̃anegüpe̱xewa tá ichanawe̱x i chorü pora. Rü ngẽma Iraétanüxü̃ rü wena táxarü naxca̱x nawoegu ga yema naane ga chorü duü̃ ga Acóbuna chaxãxü̃. Rü ngẽmaãcü noxrütama naanewa tá nangẽxmagü.


Swiv nou:

Piblisite


Piblisite