Ichaía 5:15 - Tupanaarü Ore

¹⁵ Rü ngẽma duü̃xü̃gü i chixexü̃gu maxẽxü̃ rü Tupana tá nanaxãneexẽxẽ. Rü ngẽma duü̃xü̃gü i nügü írütagüxü̃ rü ãnemaxã tá inarüma̱xcu.

Ichaía 5:15 Referans Kwoze

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Ichaía 2:9

Rü nügütama ãne ningexẽẽgü. Rü taxuwama nügü namexẽẽgü. Rü ngẽmaca̱x, Pa Tupanax, ¡taxṹ i nüxü̃ curüngü̃maxü̃ i ngẽma duü̃xü̃güarü chixexü̃! —ñanagürü ga Ichaía ga norü yumüxẽwa.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Yeremía 5:9

Rü aixcüma guxü̃ma i ngẽma chixexü̃ i naxügüxü̃ca̱x tá chanapoxcue. Rü ñu̱xma rü tá chaxí chaxütanü naxca̱x nax choxna yaxĩgachixü̃ i ngẽma duü̃xü̃gü.

Ichaía 37:29

Rü ngẽma nax poraãcü chomaxã cunuxü̃gagu rü cugü ícurütaxü̃gagu rü choma rü tá cuxü̃ chichotamaraü̃ rü cuã̱xwa tá chayaxǘcuchi i wüxi i curü chaxãchixẽxẽruxü̃. Rü ngẽma nama i nagu nua cuxũxü̃gu tátama cuxü̃ chataeguxẽxẽ” —ñanagürü ga Tupana.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 10:33

¡Rü dücax, nüxü̃ pedau ya Cori ya Tupana ya Guxãétüwa Ngẽxmacü rü taxü̃ i norü poramaxã tá Achíriaanearü churaragüxü̃ niwa̱xtanüxẽxẽ ñoma wüxi i naixnecü iyexü̃ rü iwa̱xtanüxü̃rüxü̃! Rü woo i ngẽma norü churaragüerugü rü ñoma naigü ya itaxü̃ne rü iyexü̃nerüxü̃ tá niwa̱xgü. Rü ngẽma Achíriaanearü ãẽ̱xgacügü rü ñoma imáchanexü̃chine ya naigü iyexü̃nerüxü̃ tá niwa̱xgü.

Ichaía 10:12

Rü ngẽxguma Cori ya Tupana yanguxẽẽgu i ngẽma poxcu naxca̱x i ngẽma duxü̃xü̃gü i ma̱xpǘne ya Chióü̃wa maxẽxü̃ rü yima ĩane ya Yerucharéü̃wa maxẽxü̃, rü tá Achíriaanearü ãẽ̱xgacüxü̃ napoxcu naxca̱x nax nügü ínataxü̃ rü nügü yacua̱xüxü̃xü̃.

Ichaía 2:17

Natürü wüxi i ngunexü̃gu rü tá poraãcü naxãnee i ngẽma nügü icua̱xüü̃güxü̃ rü ngẽma nügü írütagüxü̃. Rü ngẽma ngunexü̃gu rü duü̃xü̃gü rü tá Cori ya Tupanaxü̃xicatama nicua̱xüü̃gü.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

Ínachoxü̃xü̃chiga 9:17

Natürü woo nax cuxü̃ chamaxẽẽxü̃, rü cuma rü tama icuxĩnüchaü̃ rü tama cuyange̱xgüchaü̃ i chorü duü̃xü̃gü.

2 Chamué 22:28

Cuma rü tüxü̃ ícunguxü̃xẽxẽ ya yíxema tama tügü icua̱xüü̃güxe, natürü cuyanangea̱xgüxẽxẽ i ngẽma nügü icua̱xüü̃güxü̃.

Wiyaegü 131:1

Pa Cori Pa Tupanax, choma rü tama chaugü chicua̱xüxü̃ rü tama chauxetümaxã togüétüwa chaugü chaxǘxẽxẽ. Rü tama naxca̱x chadau i ngẽma taxü̃ i mexü̃gü i taxucürüwa choxü̃́ ngẽxmaxü̃.

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Chofonía 3:11

Rü ngẽma ngunexü̃gu, Pa Chorü Duü̃xü̃güx, rü taxũtáma naxca̱x pexãnee ga yema chixexü̃ ga noxri chope̱xewa pexügüxü̃ ga yexguma tama chauga pexĩnüegu. Erü choma rü tá Yerucharéü̃na chayaxĩgachitanüxẽxẽ i ngẽma nügü icua̱xüü̃güxü̃ rü nügü írütagüxü̃. Rü ngẽmaãcü tagutáma yima chorü ma̱xpǘne ya üünenewa nangẽxmagü i ngẽma ãẽ̱xgacügü i nügü írütagüxü̃.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.