Ichaía 5:10 - Tupanaarü Ore

¹⁰ Rü tomaepü̱x i ectárea i úbanecüwa rü wüxi tátama i tü̃xü̃xãcu i bínu nawa ínanguxuchi. Rü 10 i choca i taxü̃xãcu i triguchire itogüxü̃ rü norü owa rü wüxi i chocaxãcu tátama nawa ínanguxuchi —ñanagürü ga Tupana.

Ichaía 5:10 Referans Kwoze

Lebítanüxü̃arü puracüchiga 26:26

Rü ngẽxguma guxchaxü̃ naxca̱x íchanguxẽẽgu i penetügü, rü tá nanoxretama i perü paũ. Rü 10 i ngexü̃gü rü wüxitama i paũarü guruü̃wa tá nayagugü i perü paũ. Rü ngẽma nax nanoxrexü̃ i perü paũ rü tá pexü̃ nixírachigü, rü ngẽmaca̱x taxũtáma pengãxpütüwegü.

Aguéu 2:16

¿Rü ta̱xacü yixĩxü̃ ga yema pexü̃ ngupetüxü̃? Rü yexguma texé petanüwa nagu rüxĩnügu rü tümaanewa rü 20 pü̱xü ga trigu tá tüxü̃́ ínanguxuchi, natürü yexguma tanabuxugu rü 10 püxü̃xicatama tüxü̃́ ínanguxuchi. Rü yexguma texé petanüwa nagu rüxĩnügu rü tümaanewa rü 50 ga tüxü̃ ga bínu tá tüxü̃́ ínanguxuchi natürü yexguma bínu taxü̱xgu rü 20 ga tüxü̃xicatama tüxü̃́ ínanguxuchi.

Aguéu 1:6

Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Joel 1:17

Rü guma nanetüchire rü nayue ga yema ínatogüxü̃wa. Rü yema trigu rü inayarüxo. Rü guma ĩpatagü ga nanetü nagu gücune rü marü ningeãcu rü nichixe.

Lebítanüxü̃arü puracüchiga 27:16

Rü ngẽxguma texé Cori ya Tupanana tanaxãxgu i wüxi i üye i tümaarü naane, rü natanü i ngẽma naane rü ngẽma nawa ibuxuxü̃ i chebádaarü mu tá nixĩ i nangugüxü̃ i natanü. Rü wüxichigü i 220 litru i chebáda rü 50 tachinü i diẽru tá nixĩ i naxãtanüxü̃ i ngẽma naane.

Wenaxarü naxümatü ga Tupanaarü mugü 28:38

Rü muxü̃ne ya nanetüchire tá ipetogü, natürü ngẽxguma naxügügu rü munü tá pexü̃́ nayawa. Rü ngẽmaca̱x noxretama i norü o tá peyaxu.

Wenaxarü naxümatü ga Tupanaarü mugü 28:39

Rü úba tá pexünecü rü tá nüxna pedau, natürü bai i norü oxü̃ tá pengõ̱xnetaxü̃ rü norü bínune peyaxaxüxü̃, erü ngẽma perü úba rü õxmigü tá pexü̃́ nayawa.

Ichaía 7:23

Rü ngẽma ngunexü̃gu rü ngẽma naane ga noxri 1,000 i úba nawa rüxügüxü̃ rü 1,000 i diẽrugu ãtanüxü̃, rü tá tuxunecüxü̃ rü maxẽnecüxü̃ nananguxuchi.

Ichaía 32:13

Rü chauchixü̃anearü naanegüwa rü tá narüxügü i tuxugü rü chixexü̃ i maxẽgü. Rü yima ĩane ga noxri taãxẽ nawa yexmanewa rü guxü̃nema ya ĩpatagü ga noxri taãxẽ nawa yexmanewa rü tuxugü rü maxẽgü i chixexü̃ tá nawa narüxügü.

Yeremía 48:33

Rü ñu̱xma i Moáanearü naanegü i mexü̃wa rü marü tama nüxü̃ taxĩnüe nax taãẽmaxã aita naxügüxü̃ i duü̃xü̃gü. Rü yima bínu rü marü nataxuma i nachiü̃wa. Rü taxúema tayapumügü i úbagü nax bínu taxügüxü̃ca̱x. Rü tataxuma nax texé taãẽãcü tawiyaegüxü̃.

Ínachoxü̃xü̃chiga 37:22

Rü guxü̃ma ga yema omüpaweruarü ngã̱xãẽruü̃gü rü guma nachacüügü, rü nanewatama nanaxüxüchigü. Rü guxü̃ma ga yemagü rü úiru ga ipomüxü̃wa nixĩ ga naxüxü̃.