Ichaía 5:1 - Tupanaarü Ore

¹ Rü yimá chomücü i nüxü̃ changechaü̃cüarü úbanecügu tá chawiyae. Rü yimá chomücü rü wüxi ga naane ga mexü̃wa nüxü̃́ nayexma ga wüxi ga úbanecü.

Ichaía 5:1 Referans Kwoze

Ore i mexü̃ ga Márcu ümatüxü̃ 12:1

Rü Ngechuchu rü inanaxügü ga ore ga cua̱xruü̃gügu ixuxü̃maxã nax nangúexẽẽtaexü̃. Rü ñanagürü nüxü̃: —Nayexma ga wüxi ga yatü ga norü naanegu úbanecü ücü. Rü ínanapoxegu, rü nanaxü ga wüxi ga úbaarü yauxtüxü̃ruxü̃, rü wüxi ga dauxü̃taechica nax yemawa nax dauxü̃taegüxü̃ca̱x. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü to ga nachixü̃anewa naxũ.

Ore i mexü̃ ga Luca ümatüxü̃ 20:9

Rü inanaxügü ga Ngechuchu ga duü̃xü̃gümaxã nax yadexaxü̃. Rü ñaa ore ga cua̱xruxü̃xü̃ namaxã nixu, rü ñanagürü: —Nayexma ga wüxi ga yatü ga wüxi ga úbanecü ücü ga norü naanewa. Rü ñu̱xũchi ñuxre ga puracütanüxü̃na nanaxã nax nüxna nadaugüxü̃ca̱x rü yixcama norü yoramaxã nax yayauxyegüãxü̃ca̱x ga yema norü o. Rü ñu̱xũchi ga gumá yatü rü tóxnamana naxũ rü tama paxa nataegu.

Ore i mexü̃ ga Cuáü̃ ümatüxü̃ 15:1

Rü ñanagürü ga Ngechuchu: —Choma nixĩ i ngẽma úbane i aixcüma ixĩxü̃. Rü Chaunatü nixĩ ya nüxna daucü i ngẽma úba.

Ore i mexü̃ ga Matéu ümatüxü̃ 21:33

Rü ñanagürü ta ga Ngechuchu: —Chanaxwa̱xe i iperüxĩnüe i ñaa to i ore i cua̱xruxü̃ i tá pemaxã nüxü̃ chixuxü̃. Rü nayexma ga wüxi ga yatü ga nüxü̃́ nayexmacü ga wüxi ga norü naane. Rü yexma nanato ga muxü̃ma ga ori̱x ga úba. Rü ñu̱xũchi ínanapoxegu, rü nanaxü ga wüxi ga úbaarü yauxtüü̃chica rü wüxi ga dauxü̃taechica. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü wüxi ga to ga nachixü̃ane ga yáxü̃guxü̃wa naxũ.

Yeremía 2:21

Choma rü ñoma úbachire ya mexẽchínerüxü̃ pexü̃ ichato nax úba i baxcaxü̃ rü mexẽchixü̃rüxü̃ pixĩgüxü̃ca̱x. Natürü i pema rü ñoma úbachicürüxü̃ pegü pixĩgüxẽxẽ, rü ngẽmaca̱x i ñu̱xma rü marü tama pexü̃ chacua̱x.

Wiyaegü 80:8

Rü Equítuanewa toxü̃ ícugaxü̃ ñoma wüxi i úba i ngexwaca rüxüxü̃ i to i naanewa ngexü̃ rü ngẽxma yatoxü̃rüxü̃. Rü toxca̱x ícunawoxü̃ ga yema duü̃xü̃gü ga tama cuxü̃́ yaxõgüxü̃ nax yema nachica ga nawa ícunawoxü̃xü̃gu toxü̃ cumugüxü̃ca̱x.

Charumóü̃arü wiyae 2:16

Rü yimá choxü̃́ ngúchaü̃cü rü choxrüxicatama nixĩ, rü choma rü noxrü chixĩ. Rü nüma ya choxü̃́ ngúchaü̃cü rü putüra i rosanecüwa naxü̃nagüxü̃ nachibüexẽxẽ.

Charumóü̃arü wiyae 6:3

Rü choma rü chaute ya choxü̃́ ngúchaü̃cüarü chixĩ, rü nüma ya chaute rü choxrü nixĩ. Rü nüma rü putüra i líriunecüwa naxũ nax ngéma maxẽwa nachibüexẽẽxü̃ca̱x i norü carnérugü —ngĩgürügü.

Charumóü̃arü wiyae 5:16

Rü nabera rü namaixcuraxüchi. Rü nüma rü guxü̃wama namexẽchi, Rü ngẽmaãcü nixĩ ya chaute ya choxü̃́ ngúchaü̃cü, Pa Ngexü̃gü i Yerucharéü̃cüã̱xgüx.

Charumóü̃arü wiyae 5:2

Choma rü ngẽxguma chapexgu rü chaxãnegü. Rü chaunegüwa nüxü̃ chaxĩnü nax chaute choxna ca̱xaxü̃ rü ñaxü̃: —¡Cha̱u̱xca̱x yawãxna i ĩã̱x, Pa Cho̱xma̱x, Pa Choxü̃́ Ngúchaü̃xü̃chixcüx, Pa Chorü Muxtucuxacüx, nax chixücuxü̃ca̱x! Rü choma rü chiwaieru cherenamaxã. Rü yimá cherena ya chütacü rüngucü rü poraãcü choxü̃ niwaiyaexẽxẽ —ñanagürü choxü̃ ga chaunegüwa.

Wiyaegü 45:1

Chauãxẽwa nangu i mexü̃ i dexagü, rü chorü conü rü ñoma wüxi i ümatüxü̃ruü̃rüxü̃ nixĩ. Rü ñaa chorü ore i chaxümatüxü̃ rü ãẽ̱xgacüpe̱xewa tá nüxü̃ chixu.

Wiyaegü 101:1

Pa Cori Pa Tupanax, chorü wiyaemaxã cuxü̃ chicua̱xüxü̃ naxca̱x nax toxü̃ cungechaxü̃xü̃ rü tomaxã mea icucuáxü̃.

Wiyaegü 60:5

¡Rü toxü̃ nangãxü̃, rü curü poramaxã toxü̃ ínanguxü̃xẽxẽ i toma nax curü duü̃xü̃gü i toxü̃ cungechaü̃güxe tixĩgüxü̃!

Yeremía 12:10

Rü muxü̃ma i ãẽ̱xgacügü i uanügü ixĩgüxü̃ rü nanachixexẽẽgü i chorü úbanecü, rü nagu napugüe i chauane. Rü nanangeãcuanexẽẽgü ga yema naane ga yexera chanaxwa̱xexü̃.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Wenaxarü naxümatü ga Tupanaarü mugü 8:7

Erü nüma ya Cori ya Tupana rü wüxi i naane i mexü̃wa tá pexü̃ nagagü i ngextá namu i natüxacügü, rü puchugü, rü bairawegü i ma̱xpǘnearü doxraewa ichuxchugüxü̃.

Wenaxarü naxümatü ga Tupanaarü mugü 8:10

Natürü ngẽxguma pechibüeguwena rü pengãxpütüwegügu, rü name nax nüxü̃ picua̱xüü̃xü̃ ya Cori ya Tupana naxca̱x i ngẽma mexü̃ i naane i pexna naxãxü̃.

Echequié 19:10

Pa Iraétanüxü̃x, tachixü̃ane rü ñoma wüxi i úbane i natücutüwa rüxüxü̃rüxü̃ nixĩ. Rü nabaca rü nataeta erü taguma nüxü̃́ nataxu i dexá.