Ichaía 49:7 - Tupanaarü Ore

⁷ Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Ichaía 49:7 Referans Kwoze

Ore i mexü̃ ga Matéu ümatüxü̃ 26:67

Rü yexguma rü Ngechuchuchiwewa nacua̱i̱xgüe. Rü nüxna nanacua̱i̱xcagü. Rü togü rü nanapegüchiwegü.

Nüxíraxü̃xü̃ ga popera ga Pedru ümatüxü̃ 2:4

Rü ñu̱xma rü name nixĩ i nüxna pengaicamagü ya Cristu ya nuta ya maxü̃cü. Rü duü̃xü̃gü nüxü̃ oecü, natürü Tupanaca̱x rü namexẽchi rü natatanü. Rü yimá nixĩ ya Tupana nayaxucü nax namaxã inaxügüãxü̃ca̱x ya napata.

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ichaía 48:17

Rü choma ya Iraétanüxü̃arü Tupana ya Üünecü ya perü ngü̃xẽẽruxü̃ ixĩcü rü ñachagürü: —Pa Iraétanüxü̃x, choma nixĩ i perü Tupana chixĩxü̃, rü choma rü pexü̃ changúexẽxẽ i ngẽma pexü̃́ mexü̃, rü pemaxã nüxü̃ chixu i ngẽma chanaxwa̱xexü̃ nax penaxüxü̃.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Ichaía 49:1

Pema i nachixü̃anegü i márpechinüwa ngẽxmagüxü̃ rü pema i nachixü̃anegü i yáxü̃wa ngẽxmagüxü̃, ¡rü choxü̃́ iperüxĩnüe! Nüma ya Cori ya Tupana choxü̃ naxuneta naxü̃pa nax chabuxü̃. Rü nüxü̃ nixu i chauéga ga yexguma chaueanüwatama chayexmagu.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Ichaía 52:15

Rü ngẽxgumarüxü̃ ta rü muxü̃ma i duü̃xü̃gü i to i nachixü̃anecüã̱xgü rü tá namaxã naba̱i̱xãchie. Rü ngẽma ãẽ̱xgacügü rü ngẽxguma nüxü̃ nadaugügu i ngẽma naxüxü̃ rü tá nape̱xewa nachianegümare rü taxuxü̃táma nixugüxe, erü tá nüxü̃ nadaugü i ngẽma taguma nüxü̃ nadaugüxü̃ rü tá nüxü̃ nacua̱xgü i ngẽma taguma ñuxgu texéwa nüxü̃ naxĩnüexü̃ —ñanagürü ya Tupana.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ore i mexü̃ ga Cuáü̃ ümatüxü̃ 19:15

Natürü ga nümagü rü aita naxüe, rü ñanagürügü: —Tanaxwa̱xe nax nayuxü̃. Rü ¡curuchawa yapota! —ñanagürügü. Rü Pirátu nüxna naca rü ñanagürü nüxü̃: —¿Ñuxãcü i choma rü ichanamu nax curuchawa yapotagüãxü̃ca̱x ya perü ãẽ̱xgacü? —ñanagürü. Natürü ga chacherdótegüarü ãẽ̱xgacügü rü Pirátuxü̃ nangãxü̃gü, rü ñanagürügü: —Yimá ãẽ̱xgacü ya Chécharu ya Rómawa ngẽxmacü rü yimá nixĩ ya torü ãẽ̱xgacü, rü nataxuma i to —ñanagürügü.

Ore i mexü̃ ga Luca ümatüxü̃ 23:35

Rü yema duü̃xü̃gü rü yéma inarüdaunü. Natürü yema Yudíugüarü ãẽ̱xgacügü rü Ngechuchuxü̃ nacugüe, rü ñanagürügü: —Nüma rü togüxü̃ namaxẽxẽxẽ. ¡Ẽcü, ñu̱xma rü nügütama namaxẽxẽ ega aixcüma Cristu ya Tupana nüxü̃ unetacü yixĩxgu! —ñanagürügü.

Ore i mexü̃ ga Luca ümatüxü̃ 23:23

Natürü nümagü rü yexeraãcü aita naxüeama, rü naxca̱x ínacagü nax curuchawa yapotaãxü̃ca̱x. Rü yema nax nayexeragüamaxü̃ ga nümagü rü düxwa ga Pirátu rü naga naxĩnü.

Ichaía 60:10

Pa Yerucharéü̃cüã̱xgüx, choma rü pemaxã chanu ga noxri, rü yemaca̱x nixĩ ga pexü̃ chapoxcuxü̃. Natürü i ñu̱xmax rü tá pexü̃ chanawe̱x nax poraãcü pexü̃ changechaü̃xü̃. Rü to i nachixü̃anecüã̱xgü i duü̃xü̃gü rü tá wena nayamexẽẽgü i perü ĩanearü poxeguxü̃tápü̱x. Rü ngẽma togü i nachixü̃anearü ãẽ̱xgacügü rü tá pexü̃ narüngü̃xẽxẽ.

Ichaía 60:3

Rü guxü̃ma i nachixü̃anegü rü tá naxca̱x naxĩ i ngẽma ngóonexü̃ i pewa ngẽxmaxü̃. Rü ngẽma nachixü̃anegüarü ãẽ̱xgacügü rü pexü̃tawa tá naxĩ nax pexü̃ íyadaugüxü̃ca̱x nax wena nachixü̃ane i poraxü̃ pixĩgüxü̃.

Ichaía 50:6

Rü chauca̱xwe̱x nüxna chaxã nax choxü̃ nacua̱i̱xgüxü̃ca̱x. Rü yexguma choxü̃ natuxchinagugügu rü tama nüxna chayanuxü̃. Rü tama chidaugachi ga yexguma chauchametüwa nacua̱i̱xgügu rü chixexü̃ chomaxã yaxugügügu.

Ichaía 48:7

Rü ñu̱xma rü tá chanango̱xẽxẽ i wüxi i ta̱xacü i ngexwaca̱xü̃xü̃ i tama nũxcüma üpetüxü̃ rü ñu̱xma rü ta tama nüxü̃ pexĩnüexü̃. Rü ngẽmaãcü taxucürüwa nüxü̃ pixu nax marü nüxü̃ pecuáxü̃ i ngẽma.

Wiyaegü 68:31

Rü ngẽma Equítuanearü ãẽ̱xgacü rü tá cuxü̃tawa nanamu i norü ngü̃xẽẽruü̃gü. Rü ngẽma Etiopíaanecüã̱xgü rü tá cuxü̃tawa nanana i norü ãmaregü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:7

Rü yema chomaxã idexaxü̃ rü ñanagürü ta: “Chanaxwa̱xe i Filadélfiawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá Üünecü ya aixcüma Cristu ixĩcü. Rü nüma rü ãẽ̱xgacü ya Dabírüxü̃ poracü nixĩ. Rü nüxü̃́ nangẽxma i pora nax yawãxnaãxü̃ca̱x rü nawãxtaãxü̃ca̱x. Rü ngẽxguma texéca̱x yawãxnaãgu, rü taxucürüwama texé tümacha̱xwa tanawãxta. Rü ngẽxguma texécha̱xwa nawãxtaãgu, rü taxucürüwa texé tümaca̱x tayawãxna’.

Ore i mexü̃ ga Cuáü̃ ümatüxü̃ 19:6

Natürü yexguma Ngechuchuxü̃ nadaugügu ga chacherdótegüarü ãẽ̱xgacügü rü Tupanapata ga taxü̃nearü purichíagü, rü inanaxügüe ga aita nax naxüexü̃. Rü ñanagürügü: —¡Curuchawa yapota! ¡Curuchawa yapota! —ñanagürügü. Rü Pirátu rü ñanagürü nüxü̃: —¡Ẽcü, peyaga rü pematama curuchawa peyapota! Erü choma rü taxuxü̃ma i chixexü̃xü̃ nawa chadau —ñanagürü.

Ore i mexü̃ ga Cuáü̃ ümatüxü̃ 18:40

Rü yexguma ga guxü̃ma ga yema duü̃xü̃gü, rü tagaãcü aita naxüe, rü ñanagürügü: —Tama tanaxwa̱xe nax cuyangéxü̃ i ngẽma yatü. Rü Barabá waxi nixĩ i tanaxwa̱xexü̃ nax cuyangéxü̃ —ñanagürügü. Rü yema Barabá rü wüxi ga máẽtaxü̃ nixĩ.

Ore i mexü̃ ga Luca ümatüxü̃ 23:18

Natürü guxü̃ma ga yema duü̃xü̃gü rü wüxigu inanaxügüe ga aita nax naxüexü̃. Rü ñanagürügü: —¡Yama̱x i ngẽma Ngechuchu! ¡Rü Barabáxü̃ ínanguxuchixẽxẽ! —ñanagürügü.

Ore i mexü̃ ga Luca ümatüxü̃ 22:27

¿Rü ñoma i naanewa rü texé tixĩ ya yexera ixĩxẽ? ¿Rü ngẽma mechawa rütoxü̃ nax nachibüxü̃ca̱x rüe̱xna ngẽma ixüwemüxü̃? ¿Rü tama ẽ̱xna ngẽma mechawa rütoxü̃ nixĩ? Natürü tatanüwa rü tama ngẽmaãcü nixĩ, erü choma i perü cori nax chixĩxü̃ rü perü ngü̃xẽẽruxü̃ chixĩ.

Ichaía 60:16

Rü ngẽma togü i nachixü̃anegü rü tá pexna nanana i ngẽma rümemaegüxü̃ i nawemügü rü ngẽma norü ãẽ̱xgacügü rü tá pexca̱x núma nanana i norü ngẽmaxü̃gü. Rü ngẽmawa tá nüxü̃ pecua̱x nax choma ya Tupana ya poracü yixĩxü̃ i pexü̃ íchapoxü̃xü̃ rü pexü̃ íchanguxü̃xẽẽxü̃, Pa Acóbutanüxü̃x.

Wiyaegü 69:19

Cuma rü meama nüxü̃ cucua̱x nax ñuxãcü chomaxã naguxchigagüxü̃ rü ãne choxü̃ yangexẽẽgüxü̃ rü choxü̃ nacugüexü̃. Rü cuma nüxü̃ cucua̱x nax texégü tixĩgüxü̃ ya yíxema chomaxã rüxuanügüxe.

1 Corintios 1:9

Rü Tupana rü guxü̃guma nayanguxẽxẽ i norü uneta. Rü nüma nixĩ ga pexü̃ nadexü̃ nax wüxigu Nane ya tórü Cori ya Ngechuchu ya Cristumaxã pexãmücügüxü̃ca̱x.

Naanearü ügüchiga 27:29

¡Rü cuxme̱xwa nangẽxmagü i muxü̃ i nachixü̃anegü! ¡Rü cuenexẽgümaxã inacua̱x rü cupe̱xegu nacaxã́pü̱xügü! Rü yíxema chixexü̃ cumaxã uegugüxe, rü Tupana rü tá chixexü̃ tümamaxã naxuegu. Rü yíxema mexü̃ cumaxã uegugüxe rü Tupana rü tá mexü̃ tümamaxã naxuegu —ñanagürü.

Wenaxarü naxümatü ga Tupanaarü mugü 7:9

Rü ngẽmaca̱x penaxwa̱xe nax nüxü̃ pecuáxü̃ nax nüma ya Cori ya Tupana rü aixcümaxü̃chi Tupana yixĩxü̃. Rü woo 1,000 e̱xpü̱xcüna yamuxgu i duü̃xü̃gü rü nüma ya Tupana rü guxü̃guma nayanguxẽxẽ i norü uneta i naxüxü̃ naxca̱x i ngẽma duü̃xü̃gü i ingóetanüxü̃ i nüxü̃ ngechaü̃güxü̃ rü yanguxẽẽgüxü̃ i norü mugü.

Ichaía 14:1

Rü nüma ya Cori ya Tupana rü tá Acóbutanüxü̃ nüxü̃́ nangechaü̃tümüxü̃ rü wena tá norü duü̃xü̃gü i Iraétanüxü̃xü̃ nade. Rü tá nüxü̃́ nanatauxchaxẽxẽ i Iraétanüxü̃ nax wena norü naaneca̱x nawoeguxü̃. Rü ngẽma duü̃xü̃gü i to i nachixü̃anewa ne ĩxü̃ rü Iraétanüxü̃ca̱x tá naxĩ rü wüxiwa Acóbuarü duü̃xü̃gütanüwa tá namaxẽ.

Ichaía 19:21

Rü nüma ya Cori ya Tupana rü tá Equítuanecüã̱xgüxü̃ nügü nacua̱xẽxẽ, rü nümagü rü tá nüxü̃́ nayaxõgü. Rü tá naga naxĩnüe rü tá naxca̱x nangutaque̱xegü nax nüxü̃ yacua̱xüü̃güxü̃ca̱x. Rü tá naxü̃nagü naxca̱x nadai nax ngẽmaãcü ãmare nüxna naxãgüxü̃. Rü Cori ya Tupanamaxã tá inaxunetagü rü ñu̱xũchi aixcüma tá nayanguxẽẽgü i ngẽma uneta i Cori ya Tupanamaxã nüxü̃ yaxugüxü̃.

Ichaía 19:23

Rü ngẽma ngunexü̃gu rü tá nangẽxma i wüxi i nama i mexü̃ i Equítuanewa ixügüxü̃ rü Achíriaanewa daxü̃. Rü ngẽxguma i Achíriaanecüã̱xgü rü tá tauxchaãcü Equítuanewa naxĩ, rü ngẽxgumarüxü̃ tá ta i nüma i Equítuanecüã̱xgü rü tauxchaãcü Achíriaanewa naxĩ. Rü wüxigu nügümaxã tá Tupanaxü̃ nicua̱xüü̃gü.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Ichaía 66:23

Rü wüxichigü ya tauemacüarü ügügu rü ñu̱xũchi wüxichigü i yüxüarü chabadugu rü guxü̃ma i duü̃xü̃gü rü tá nua naxĩ nax choxü̃ yacua̱xüü̃güxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.