Ichaía 49:16 - Tupanaarü Ore

¹⁶ Rü yima perü ĩane ya Yerucharéü̃ rü cho̱xme̱xgu naxümatü i naéga, rü taguma nüxü̃ icharüngüma i ngẽma norü poxeguxü̃tápü̱x.

Ichaía 49:16 Referans Kwoze

Aguéu 2:23

Natürü i cuma nax chorü duü̃ quixĩxü̃, Pa Chorobabé i Charatié Nanex, rü ngẽma ngunexü̃gu rü choma rü tá cuxna chadau ngẽma chorü ãnera i chauéga nawa ngẽxmaxü̃rüxü̃, yerü choma nixĩ ga cuxü̃ chaxunetaxü̃. Rü choma i Cori ya Tupana ya Guxãétüwa Ngẽxmacü nixĩ i cumaxã nüxü̃ chixuxü̃ i ngẽma” —ñanagürü.

Ichaía 62:6

Pa Yerucharéü̃cüã̱xgüx, choma rü perü ĩanearü poxeguxü̃tapü̱xétügu chanamugü i dauruü̃gü. Rü nümagü rü ngunecü rü chütacü tá pexü̃ ñanagürügü: —Pema ya Tupanaxü̃ icua̱xüü̃güxe, ¡rü taxṹ i perüchianegüxü̃! ¡Rü taxṹ i penangü̃xẽẽxü̃ ya Tupana ñu̱xmatáta wena naxü ya Yerucharéü̃ nax wüxi ya ĩane ya tachigane yixĩxü̃ca̱x! —ñanagürügü.

Ichaía 60:18

Rü ngẽma perü naanewa rü marü tagutáma máetachigaxü̃ rü chixexü̃chigaxü̃ pexĩnüe rü ngẽma perü naane rü marü tagutáma texé tanachixexẽxẽ. Rü ngẽma Yerucharéü̃arü poxeguxü̃tápü̱x rü “Nguxü̃xẽxẽruxü̃”, tá nixĩ i naéga. Rü ngẽma norü ĩã̱xgü rü “Cua̱xüxü̃”, tá nixĩ i naéga.

Charumóü̃arü wiyae 8:6

¡Curü maxü̃newa choxü̃́ nangẽxmaxẽxẽ! ¡Rü cugüxü̃tawa choxü̃ nangẽxmaxẽxẽ ñoma wüxi i cua̱xruxü̃ i cuchacüüwa ngẽxmaxü̃rüxü̃! Erü ngẽma ngechaü̃ rü naporaxüchi ñoma yurüxü̃. Rü ngẽma ngúchaü̃ rü taxúema naxcha̱xwa tiña ñoma wüxi i naxmaxü̃rüxü̃. Rü ngẽma ngúchaü̃ rü ñoma wüxi ya üxü ya Tupana ngo̱xẽẽnerüxü̃ nixĩ.

Ichaía 26:1

Rü ngẽma ngunexü̃ ya Tupana nagu napoxcuexü̃ i norü uanügü rü ngẽma Yudáanecüã̱xgü, rü tá nawiyaegü nagu i ñaa wiyae: —Tüxü̃́ nangẽxma ya daa tórü ĩane ya porane ya tüxü̃ ípoxü̃ne nüxna i tórü uanügü. Erü nüma ya Cori ya Tupana rü tüxü̃ narüngü̃xẽxẽ rü taixü̃ i naxtapü̱xmaxã ínanapoxegu ya daa tórü ĩane.

Ínachoxü̃xü̃chiga 13:9

Rü ngẽma nax penaxüchigaxü̃ i ngẽma Üpetüchiga rü ñoma wüxi i perü cua̱xruxü̃ i pechacüxüwa rüe̱xna pecatüwa ngẽxmaxü̃ tá pexna nüxü̃ nacuã̱xãchixẽxẽ nax guxũgutáma Cori ya Tupanaarü ucu̱xẽxü̃ pixuxü̃, erü nüma nixĩ ga norü poramaxã Equítuanewa pexü̃ ínanguxü̃xẽẽxü̃.

Yeremía 22:24

Rü yexguma nayu̱xgu ga Yoaquíü̃ rü nane ga Yeconía nachicüxü Yudáanearü ãẽ̱xgacü ningucuchi. Rü Cori ya Tupana rü Yeconíaxü̃ ñanagürü: —Chauégagu cumaxã chanaxuegu rü woo nax ñoma wüxi i ãnera i chorü tügüneme̱xẽwa ixücuchixü̃rüxü̃ nax quixĩxü̃, rü tá cuxü̃ íchata̱xüchi nax ãẽ̱xgacü quixĩxü̃ nax ngẽmaãcü curü uanügü i nüxü̃ cumuü̃xüchixü̃güna cuxü̃ chamuxü̃ca̱x. Rü ngẽma Babiróniaanearü ãẽ̱xgacü i Nabucudonochóna, rü ñu̱xũchi ngẽma Cadéugüna tá cuxü̃ chamu.

Yeremía 17:1

Rü nüma ga Cori ya Tupana rü ñanagürü: —Pa Yudátanüxü̃x, ngẽma perü pecadu rü perü maxü̃ne ya itaixü̃negu naxümatü namaxã i purumáũ i fierunaxca̱x i diamántepe̱xexü̃. Rü ngẽxgumarüxü̃ ta perü ãmaregüarü guruü̃chata̱xcuregu naxümatü i perü pecadugü.