Ichaía 49:11 - Tupanaarü Ore

¹¹ Rü ma̱xpǘneanegu tá chayadaxẽxẽ i wüxi i nama rü tá ichayanawéanexẽxẽ i ngẽma namagü nax ngẽmagu pexĩxü̃ca̱x —ñanagürü ga Tupana.

Ichaía 49:11 Referans Kwoze

Ichaía 11:16

Rü ngẽxguma Achíriaanewa nawoegu̱xgu i ngẽma noxretama i Tupanaarü duü̃xü̃gü i íyaxügüxü̃ rü tá namaxã inayarüxĩ i wüxi i nama i taxü̃ ga yexguma norü o̱xigü ga Iraétanüxü̃ Equítuanewa ichoxü̃gu nagu naxĩxü̃raxü̃xü̃.

Ichaía 62:10

¡Pa Yerucharéü̃cüa̱xgüx, ĩanearü ĩã̱xgüwa ípechoxü̃ rü penamexẽxẽ i ngẽma nama naxca̱x i petanüxü̃ i woeguxü̃! ¡Rü mea uãẽãcü penaxü̱x rü ípenawogü ya nutagü! ¡Rü penawãĩxnagü i wüxi i wonera nax nüxü̃ nadaugüxü̃ca̱x i ngẽma togü i nachixü̃anegü!

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ichaía 57:14

Tupana rü ñanagürü: —¡Penamexẽxẽ i wüxi i nama i meama iwéxü̃ rü ípenawogü i guxü̃ma i toxyepe̱xeruü̃gü nax ngẽmagu naxĩxü̃ca̱x i chorü duü̃xü̃gü!

Ichaía 43:19

Rü choma rü tá chanaxü i wüxi i ta̱xacü i ngexwaca̱xü̃xü̃, rü ñu̱xma tátama nüxü̃ pedau i ngẽma. Rü tá chanaxü i wüxi i nama i naxnücüanewa i taxúema íxãpataxü̃wa, rü ngẽma íyapaanexü̃wa rü tá natügü chango̱xẽxẽ.

Wiyaegü 107:7

Rü yemawena rü mexü̃ ga namagu nayamugü nax nawa nangugüxü̃ca̱x ga guma ĩane ga nagu tá naxãchiü̃güne.

Wiyaegü 107:4

Rü nümagü rü ínachianexü̃wa ga ngextá taxúema íxãpataxü̃wa nachopetü nax naxca̱x nadaugüxü̃ca̱x ga wüxi ga ĩane ga nagu naxãchiü̃güne. Natürü ínatüe rü tama nüxü̃ inayangaugü ga nama ga wüxi ga ĩanewa nadaxü̃.

Ichaía 19:23

Rü ngẽma ngunexü̃gu rü tá nangẽxma i wüxi i nama i mexü̃ i Equítuanewa ixügüxü̃ rü Achíriaanewa daxü̃. Rü ngẽxguma i Achíriaanecüã̱xgü rü tá tauxchaãcü Equítuanewa naxĩ, rü ngẽxgumarüxü̃ tá ta i nüma i Equítuanecüã̱xgü rü tauxchaãcü Achíriaanewa naxĩ. Rü wüxigu nügümaxã tá Tupanaxü̃ nicua̱xüü̃gü.

Ichaía 52:12

¡Natürü taxuca̱xma ñu̱xãẽãcü ípechoxü̃ rü pibuxmü! Erü nüma ya perü Tupana i pema i Iraétanüxü̃ rü tá pexna nadau i guxü̃ma i ãũcümaxü̃wa.