Ichaía 49:10 - Tupanaarü Ore

¹⁰ Rü taxũtáma petaiyae rü pita̱xawae rü taxũtáma üa̱xcü pexü̃́ nangu̱x, erü choma rü pexü̃ changechaü̃ rü pemaxã ichacua̱x, rü dexá íngẽxmaxü̃wa tá pexü̃ chagagü.

Ichaía 49:10 Referans Kwoze

Ore i mexü̃ ga Matéu ümatüxü̃ 5:6

Tataãẽgü ya yíxema poraãcü tüxü̃́ nangúchaü̃güxe nax Tupanape̱xewa mexü̃ taxügüxü̃, erü Tupana tá tüxna nanaxã i ngẽma mexü̃ i tüxü̃́ ngúchaü̃güxü̃.

Echequié 34:23

Rü choma rü tá chanamu i chorü duü̃ ya Dabí nax wenaxarü chorü carnérugümaxã inacuáxü̃ca̱x. Rü nüma tá nüxna nadau, rü norü dauruxü̃ tá nixĩ.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Ichaía 35:7

Rü ngextá taxúema íxãpataxü̃wa rü naxtaxaxü̃ tá nayanguxuchi. Rü ngẽma naane i paxü̃ rü natüacügümaxã tá nanapa. Rü ngẽma ñu̱xma airugü i dauxchitacüã̱x ímaxẽxü̃wa rü dexnegü tá narüxügü.

Ichaía 32:2

Rü wüxichigü i ngẽma ãẽ̱xgacügü rü ñoma cu̱xchicaxü̃ i buanecücha̱xwa naxchipeta icúxü̃rüxü̃ tá nixĩgü. Rü ñoma ĩpata ya pucü ya taxüchicücha̱xwa natüxü̃gu ngaxínerüxü̃ tá nixĩgü. Rü ñoma natügü i paanexüchixü̃gu iya̱xgüxü̃rüxü̃ tá nixĩgü. Rü ñoma chianexü̃wa ngẽxmacü ya taxüchicü ya nutachipetarüxü̃ tá nixĩgü i ngẽma ãẽ̱xgacügü.

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Ichaía 54:10

Rü woo yima ma̱xpǘnegü ixĩgachigu rü yima ma̱xpǘnegü rümáchanemaegüne rü yawa̱xgügux, Pa Yerucharéü̃x, natürü ngẽma chorü ngechaü̃ cuxca̱x rü tagutáma naxüchicüxü. Rü chorü uneta ga curü duü̃xü̃gümaxã nüxü̃ chixuxü̃ nax namaxã charüngüxmüxü̃ rü tagutáma nüxü̃ charüngüma —ñanagürü.

Ichaía 14:1

Rü nüma ya Cori ya Tupana rü tá Acóbutanüxü̃ nüxü̃́ nangechaü̃tümüxü̃ rü wena tá norü duü̃xü̃gü i Iraétanüxü̃xü̃ nade. Rü tá nüxü̃́ nanatauxchaxẽxẽ i Iraétanüxü̃ nax wena norü naaneca̱x nawoeguxü̃. Rü ngẽma duü̃xü̃gü i to i nachixü̃anewa ne ĩxü̃ rü Iraétanüxü̃ca̱x tá naxĩ rü wüxiwa Acóbuarü duü̃xü̃gütanüwa tá namaxẽ.

Ore i mexü̃ ga Cuáü̃ ümatüxü̃ 6:35

Rü Ngechuchu ñanagürü nüxü̃: —Choma nixĩ i ngẽma paũ i maxẽxẽẽruxü̃ chixĩxü̃. Rü yíxema texé ya chowe rüxũxẽ rü tagutáma tataiya. Rü texé ya choxü̃́ yaxṍxe rü tagutáma tita̱xawa.

Ichaía 35:6

Rü ngẽma ibüyeparagüxü̃ rü ñoma cowü iyayuxnegüxü̃rüxü̃ tá nayayuxnegü. Rü ngẽma tama idexagüxü̃ rü aita tá naxüe. Rü ngextá taxúema íxãpataxü̃wa i íyapaanexü̃wa rü taxü̃ i dexá tá narüyuxü̃chíxü.

Ichaía 41:17

Rü yíxema ngearü diẽruã̱xgüxe rü tita̱xawae rü naxca̱x tadaugü i dexá natürü taxuxü̃ma itayangaugü. Rü ta̱xawamaxã tipaarü conüã̱x. Natürü choma ya Cori ya Tupana rü tá tüxü̃ charüngü̃xẽxẽxü̃, rü choma nax Iraétanüxü̃arü Tupana chixĩxü̃ rü taxũtáma tüxü̃ íchawogümare.

Ichaía 43:19

Rü choma rü tá chanaxü i wüxi i ta̱xacü i ngexwaca̱xü̃xü̃, rü ñu̱xma tátama nüxü̃ pedau i ngẽma. Rü tá chanaxü i wüxi i nama i naxnücüanewa i taxúema íxãpataxü̃wa, rü ngẽma íyapaanexü̃wa rü tá natügü chango̱xẽxẽ.

Ichaía 48:17

Rü choma ya Iraétanüxü̃arü Tupana ya Üünecü ya perü ngü̃xẽẽruxü̃ ixĩcü rü ñachagürü: —Pa Iraétanüxü̃x, choma nixĩ i perü Tupana chixĩxü̃, rü choma rü pexü̃ changúexẽxẽ i ngẽma pexü̃́ mexü̃, rü pemaxã nüxü̃ chixu i ngẽma chanaxwa̱xexü̃ nax penaxüxü̃.

Ichaía 48:21

Rü woo yema taxü̃ ga naxnecüanewa pexü̃ nachopetüxẽxẽ, natürü tama pita̱xawae yerü nüma ga Tupana rü nanangǘxte̱xẽxẽ ga nuta rü yéma nayagoxü̃chíüxẽxẽ ga dexá.

Ichaía 51:14

Rü paxa tá ínanguxuchi i ngẽma duü̃xü̃ i ñu̱xma poxcuwa ngẽxmaxü̃. Rü marü taxũtáma poxcupataü̃gu nayu, rü marü tagutáma nüxü̃́ nataxu i norü paũ.

Ichaía 52:12

¡Natürü taxuca̱xma ñu̱xãẽãcü ípechoxü̃ rü pibuxmü! Erü nüma ya perü Tupana i pema i Iraétanüxü̃ rü tá pexna nadau i guxü̃ma i ãũcümaxü̃wa.

Ichaía 54:8

Rü yexguma pemaxã chanuxgu rü paxaxãchi pexna chixũgachi. Natürü pemaxã nüxü̃ chixu rü paxãma choxü̃́ pixauxãchitümüxü̃gü erü pexü̃ changechaü̃ rü ngẽma chorü ngechaü̃ rü tagutáma nagu̱x —ñanagürü ya perü ngü̃xẽẽruxü̃ ya Tupana.

Ichaía 58:11

Rü choma rü tá guxü̃gutáma mea pemaxã ichacua̱x rü ngẽma ínanaianexü̃wa rü taxúema íxãpataxü̃wa rü tá pexna chanaxã i dexá rü pexü̃ tá chaporaexẽxẽ. Rü ngẽxguma rü tá ñoma nanetünecü i meama ixaiyagüxü̃rüxü̃, rü ñoma natü i poraxü̃chíüxü̃rüxü̃ tá pora pexü̃́ nangẽxma.

Ichaía 65:13

Rü Tupana rü ñanagürü ta: —Ngẽma chorü duü̃xü̃gü i choxü̃́ yaxõgüxü̃ rü taxũtáma nataiyae, natürü i pema ya choxna ixĩgachitanüxẽ rü tá pitaiyae. Rü ngẽma chorü duü̃xü̃gü rü tá naxaxegü, natürü i pema rü tá pita̱xawae. Rü ngẽma chorü duü̃xü̃gü rü tá nataãẽgü, natürü i pema rü tá pexãnee.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!