Ichaía 48:5 - Tupanaarü Ore

⁵ Rü ngẽmaca̱x ü̃pacürüwatama, rü naxü̃pa nax yanguxü̃ rü pemaxã nüxü̃ chixu i ngẽma tá ngupetüxü̃ nax ngẽmaãcü tama ñapegügüxü̃ca̱x: “Ngẽma naxchicüna̱xã i namaxã chatupanaã̱x nixĩ i naxüxü̃ i ngẽma”, ñapegügüxü̃.

Ichaía 48:5 Referans Kwoze

Ichaía 48:3

Rü yema marü ngupetüxü̃, rü choma rü naxü̃pa ga nax yanguxü̃ rü pemaxã nüxü̃ chixu. Rü chomatama nixĩ ga chanaxunagüxü̃ rü paxa chanaxüxü̃ ga yema nüxü̃ chixuxü̃, rü aixcüma ningu.

Ore i mexü̃ ga Luca ümatüxü̃ 1:70

Rü yemaacü nixĩ ga Tupana duü̃xü̃gümaxã inaxunetaxü̃ nawa ga norü orearü uruü̃gü ga üünegüxü̃.

Ngechuchuarü ngúexü̃gü ga yamugüxü̃arü puracüchiga 15:18

Rü yemaacü nüxü̃ nixu ga nüma ga Cori ya Tupana ga nũxcümama tüxü̃ nüxü̃ cua̱xẽẽcü ga yema” —ñanagürü ga yema ore ga nũxcüma ümatüxü̃.

Ichaía 46:10

Rü choma rü noxriarü ügügutama rü ñu̱xmata norü gu̱xwa nangu rü nüxü̃ chixu i ngẽma tá wüxichigü i ngunexü̃ ngupetüxü̃. Rü naxü̃patama nüxü̃ chixu i ngẽma tá ínguxü̃. Rü choma nüxü̃ chixu, rü ngẽma nagu charüxĩnüxü̃ rü tá ningu. Rü ngẽma nüxü̃ chixuxü̃ rü tá chayanguxẽxẽ.

Ichaía 44:7

¿Rü texé chomaxã tawüxigu? ¡Rü ẽcü chomaxã nüxü̃ tixu! ¿Rü texé tixĩ ga noxriarü ügügu nüxü̃ ixuxe i ngẽma tá ínguxü̃, rü ngẽma ngupetüchaü̃xü̃?

Ichaía 44:8

Natürü, ¡Taxṹ i perümaãchitanüxü̃, rü taxṹ i pemuü̃exü̃! Choma rü ü̃pacürüwa marü pemaxã nüxü̃ chixu i ngẽma tá ngupetüxü̃, rü pema rü meama nüxü̃ pecua̱x i ngẽma. Rü chaxicatama nixĩ ya Tupana chixĩxü̃, rü nataxuma i to i pexü̃ ípoxü̃xü̃. Rü tama toxü̃ chacua̱x”, ñanagürü.

Ichaía 45:20

Rü nüma ya Tupana rü ñanagürü ta: —Guxü̃ma i pema i togü i nachixü̃anewa íyaxügüxe rü name nixĩ nax pexĩtaque̱xexü̃ rü nua pexĩxü̃. Rü pema i naxchicüna̱xãgü i nainaxca̱x pingegüxü̃ rü nüxü̃ picua̱xüü̃güxü̃ rü tama peãẽxü̃ pecua̱x, erü ngẽma naxchicüna̱xãgü rü taxũtáma pexü̃ ínapoxü̃.

Ichaía 43:19

Rü choma rü tá chanaxü i wüxi i ta̱xacü i ngexwaca̱xü̃xü̃, rü ñu̱xma tátama nüxü̃ pedau i ngẽma. Rü tá chanaxü i wüxi i nama i naxnücüanewa i taxúema íxãpataxü̃wa, rü ngẽma íyapaanexü̃wa rü tá natügü chango̱xẽxẽ.