Ichaía 48:4 - Tupanaarü Ore

⁴ Rü choma rü nüxü̃ chacua̱x nax tama nüxü̃ pecua̱xégaxü̃ rü pitaieruxü̃ rü ñoma fieru rü bróũche i tama irüwe̱xãchixü̃rüxü̃ pixĩgü.

Ichaía 48:4 Referans Kwoze

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Ínachoxü̃xü̃chiga 32:9

Rü ñanagürü ta ga Cori ya Tupana Moichéxü̃: —Rü meama chanangugü i ñaa duü̃xü̃gü rü nüxü̃ chicua̱xãchi nax tama inaxĩnüechaü̃xü̃.

Ucu̱xẽgüchiga 29:1

Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Yeremía 19:15

—Nüma ya Cori ya Guxãétüwa Ngẽxmacü ya Iraétanüxü̃arü Tupana ixĩcü rü ñanagürü: “Daa ĩaneca̱x rü guxü̃nema ya norü ngaicamagüne ya ĩanegüca̱x tá íchananguxẽxẽ i guxü̃ma i ngẽma poxcu i pemaxã nüxü̃ chixuxü̃, erü tama naga pexĩnüechaü̃ i chorü ore” —ñanagürü.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Wenaxarü naxümatü ga Tupanaarü mugü 31:27

Erü choma rü marü nüxü̃ chacua̱x nax pema rü wüxi i duü̃xü̃gü i taierugüxe rü tama ĩnüwa̱xegüxe nax pixĩgüxü̃. Rü ñu̱xma nax petanüwa chamaxü̃xü̃ rü nüxü̃ chadauxü̃ nax tama Cori ya Tupanaga pexĩnüexü̃, ¿rü ngẽxguma chayuxguwena rü ta̱xacürü chixexü̃ tá yixĩxü̃ i pexügüxü̃?

Ínachoxü̃xü̃chiga 33:5

Yerü nüma ga Cori ya Tupana rü marü Moichémaxã nüxü̃ nixu rü nüxü̃ ñanagürü: —¡Iraécüa̱xgümaxã nüxü̃ ixu rü: “Pemax rü duü̃xü̃gü i tama ixĩnüechaxü̃xẽ pixĩgü. Rü ngẽxguma chi woo paxaãchi petanüwa changexmagu rü wüxiü̃cüxü chi pexü̃ chadai. Rü ñu̱xmatama pegüwa penade i ngẽma perü ngã̱xãẽruü̃gü, rü ngẽmawena tá nagu charüxĩnü nax ta̱xacü tá pemaxã chaxüxü̃!” —ñanagürü.

Wiyaegü 78:8

Rü yemaacü nanamu ga Tupana yerü tama nanaxwa̱xe nax yema duü̃xü̃gü norü o̱xigürüxü̃ yixĩgüxü̃ca̱x. Yerü nümagü ga norü o̱xigü rü tama Tupanaga naxĩnüe rü tama naãẽxü̃ nicua̱x rü tama aixcüma Tupanawe narüxĩ rü tama naxca̱x namaxẽ.

Wiyaegü 75:5

¡Rü taxṹ i perü porachiga pidexagüxü̃! Rü ngẽxguma pidexagügu ¡rü taxṹ i choxü̃ perüyexeragüchaxü̃xü̃ namaxã i perü cua̱x! —ñachagürü.

Ínachoxü̃xü̃chiga 33:3

Rü nawa pexĩ i ngẽma naane i ngextá lechi rü ira rü ñoma dexárüxü̃ taguma ítaxuxü̃wa. Natürü i choma rü taxũtáma petanügu chaxã erü pema rü duü̃xü̃gü i tama ixĩnüechaxü̃xẽ pixĩgü rü ngẽmaca̱x ngürüãchi chi namagu pexü̃ chadai —ñanagürü ga Cori ya Tupana.

Ichaía 46:12

¡Rü choxü̃́ iperüxĩnüe Pa Duü̃xü̃gü i Taxúegama Ĩnüexü̃! Pema nüxü̃ pecua̱xgu rü taxũtáma paxa pexü̃ íchanguxü̃xẽxẽ. Natürü pemaxã nüxü̃ chixu rü marü ningaica nax pexü̃ íchanguxü̃xẽẽxü̃ rü marü taxũtáma nũxcü nixĩ. Rü choma rü tá Chióü̃xü̃ íchanguxuchixẽxẽ rü Iraétanüxü̃xü̃ tá chanawe̱x i chorü pora —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 36:13

Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 3:13

Rü ngẽmaca̱x ñu̱xma nax pexü̃́ natauxchaxü̃, rü name nixĩ nax wüxichigü pegüaxü̃́ penangúchaü̃xẽẽxü̃ i guxü̃ i ngunexü̃gu nax taxúema i petanüwa Tupanaxü̃ taxoxü̃ca̱x nagagu i ngẽma pecadu i pexü̃ womüxẽẽchaü̃xü̃.

Danié 5:20

Natürü yexguma nügü yacua̱xüxü̃gu rü taxúegama naxĩnügu, rü Tupana rü nüxna nanayaxu ga norü pora, rü ínanata̱xüchi ga ãẽ̱xgacü nax yixĩxü̃.

Yeremía 7:26

Natürü ga pemax rü tama chauga pexĩnüexü̃ rü tama choxü̃́ ipexĩnüechaü̃, rü yema nũxcümaü̃güxü̃ ga petanüxü̃arü yexera chomaxã penue rü chixri pemaxẽ —ñanagürü.

Yeremía 3:3

Rü ngẽmaca̱x ngẽxguma primaberawa nanguxgu nax petoegüxü̃ rü nataxutama ya pucü. Erü pema rü ñoma wüxi i ngexü̃ i naxü̃nemaxã taxexü̃rüxü̃ãcü pemaxẽ. Rü name i naxca̱x pexãnee i ngẽma chixexü̃ i pexüxü̃.

Norü taxre ga to ga popera ga ãẽ̱xgacügüchiga ümatüxü̃ 30:8

¡Rü ngẽmaca̱x i ñu̱xma rü taxṹ i ngẽma perü o̱xigürüxü̃ Tupanaxü̃ pexoexü̃! ¡Rü Cori ya Tupanaca̱x pedaugü rü naga pexĩnüe nax ngẽmaãcü wena pexü̃ nangü̃xẽẽxü̃ca̱x ngẽma pemaxã inaxunetaxü̃rüxü̃! ¡Rü nua pexĩ nawa ya yima napata ya nüma tá guxü̃guma nawa nangẽxmane! Rü ngẽxguma i nüma rü tá pemaxã inarüngü̃xmü.

Norü taxre ga popera ga ãẽ̱xgacügüchiga 17:14

Natürü woo Tupana rü norü orearü uruü̃güwa nayaxucu̱xẽgü, natürü ga nüma ga Iraéanecüã̱xgü rü tama inaxĩnüechaü̃ naxrüxü̃ ga norü o̱xigü ga tama aixcüma Cori ya Tupanaaxü̃́ yaxõgüxü̃.

Wenaxarü naxümatü ga Tupanaarü mugü 10:16

¡Rü ngẽmaca̱x nüxü̃ perüoe i ngẽma pecüma i chixexü̃ i perü maxü̃wa ngẽxmaxü̃! Rü tama name i duü̃xü̃gü i tama ixĩnüechaü̃xü̃ pixĩgü.

Neemía 9:28

Natürü yexguma marü ínanguxü̃xgu rü wenaxarü chixexü̃ cupe̱xewa naxügü. Rü yemaca̱x wena norü uanügüme̱xẽwa cunayexmagüxẽxẽ. Rü nümagü rü ngúxü̃ nüxü̃ ningexẽẽgü. Rü yemawena rü ngü̃xẽẽca̱x cuxna nacagü. Rü cuma nax poraãcü nüxü̃ cungechaxü̃xü̃ rü yemaca̱x nüxü̃ cuxĩnü ga daxũguxü̃ ga naanewa. Rü muẽ̱xpü̱xcüna ícunanguxü̃xẽxẽ.

Echequié 2:4

Rü nümagü i ngẽma duü̃xü̃gü rü tama chauga naxĩnüechaü̃ rü tama choxü̃ nacua̱xgüchaü̃. Rü ngẽmatanüwa tá nixĩ i cuxü̃ chamuxü̃ nax namaxã nüxü̃ cuyarüxuxü̃ca̱x i ñaa chorü ore —ñanagürü ga Cori ya Tupana.

Ínachoxü̃xü̃chiga 9:7

Rü nüma ga Faraóü̃ rü norü duü̃xü̃güxü̃ namu nax íyadaugüãxü̃ca̱x rü aixcüma yixĩ nax taxuxü̃ma yuexü̃ ga Iraétanüxü̃arü naxü̃na. Rü woo yemaxü̃ nax nacuáxchigaxü̃, rü nanuama rü tama nayange̱xgü ga Iraétanüxü̃.

Ichaía 30:9

Ñaa duü̃xü̃gü rü duü̃xü̃gü i tama ixĩnüechaü̃xü̃ rü tama yaxõgüchaü̃xü̃ nixĩgü. Rü tama norü Coriarü ucu̱xẽgü inarüxĩnüechaxü̃.