Ichaía 48:21 - Tupanaarü Ore

²¹ Rü woo yema taxü̃ ga naxnecüanewa pexü̃ nachopetüxẽxẽ, natürü tama pita̱xawae yerü nüma ga Tupana rü nanangǘxte̱xẽxẽ ga nuta rü yéma nayagoxü̃chíüxẽxẽ ga dexá.

Ichaía 48:21 Referans Kwoze

Ínachoxü̃xü̃chiga 17:6

Rü choma rü tá yima ma̱xpǘne ya Oréxwa tá cuxü̃ chananguxẽxẽ yima ma̱xpǘnetapü̱xwa. Rü yima ma̱xpǘnetapü̱xwa tá cunacua̱i̱xca rü ngéma tá nanagoxü̃chiü i dexá nax duü̃xü̃gü nawa axegüxü̃ca̱x —ñanagürü. Rü nüma ga Moiché rü yema Tupana nüxü̃ ixuxü̃ãcü nanaxü nape̱xewa ga yema Iraétanüxü̃arü ãẽ̱xgacügü.

Wiyaegü 105:41

Rü yexguma Tupana nuta nangǘxtexẽẽgu rü taxü̃ ga dexá yéma nayagoxü̃chixü. Rü yema dexá rü ñoma wüxi ga natürüxü̃ ínachianexü̃wa naya̱x.

Ichaía 30:25

Rü ngẽxguma ínanguxgu i ngẽma ngunexü̃ i nagu Cori ya Tupana tá tümaarü uanüxü̃ daixü̃ rü yima ĩanearü poxeguxü̃ tá niwa̱xgü. Rü guxü̃nema ya itaxü̃ne ya ma̱xpǘnegüwa rü ngüchitaeruxü̃wa tá inarüyaegü i natügü rü dexá i poraü̃chiüxü̃.

Wiyaegü 78:20

Rü aixcüma nixĩ ga Tupana ga nangǘxtexẽẽãxü̃ ga gumá nuta ga taxüchicü. Rü aixcüma yéma nayagoxü̃chixü ga dexá ñoma natürüxü̃ rü ga paanexü̃ rü nibaxichi. ¿Natürü nüxü̃́ natauxchaxü̃ nax paũ tüxna naxãxü̃ rü namachi tüxna naxãxü̃ i yixema nax norü duü̃xü̃gü ixĩgüxü̃? —ñanagürügü.

Iraétanüxü̃arü muxchiga 20:11

Rü yema ñaxguwena ga Moiché rü guma naixmena̱xãmaxã naxunagüchacüxü, rü taxree̱xpü̱xcüna gumá nutawa nanacua̱i̱xca. Rü taxü̃ ga dexá yéma inayagoxü̃chíü. Rü yemaacü ga duü̃xü̃gü rü naxü̃nagü rü naxaxegü.

Ichaía 49:10

Rü taxũtáma petaiyae rü pita̱xawae rü taxũtáma üa̱xcü pexü̃́ nangu̱x, erü choma rü pexü̃ changechaü̃ rü pemaxã ichacua̱x, rü dexá íngẽxmaxü̃wa tá pexü̃ chagagü.

Neemía 9:15

Rü ñu̱xũchi dauxü̃guxü̃ ga naanewa naxca̱x cunayixẽxẽ ga paũ ga maná nax yema nangõ̱xgüxü̃ca̱x. Rü nutawa naxca̱x cunagoxü̃chíüxẽxẽ ga dexá nax yemawa naxaxegüxü̃ca̱x. Rü ñu̱xũchi namaxã nüxü̃ quixu nax nagu nachocuxü̃ca̱x ga yema naane ga namaxã cuxueguxü̃.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Wiyaegü 78:15

Rü yema chianexü̃wa ga ngextá ínataxuxü̃wa ga dexá rü wüxi ga ma̱xpǘnetapü̱xgu naponeta. Rü yéma nayagoxü̃chixü ga dexá rü yemaacü meama naxaxegü ga guxü̃ma.

Wiyaegü 74:15

Rü cuma nixĩ ga cungóexẽẽxü̃ ga dexáarü baibeanegüxü̃ rü natügü. Rü cuma nixĩ ga cuyapagüxẽẽxü̃ ga natügü ga noxri taguma ngearü dexáã̱xgüxü̃.

Wiyaegü 78:16

Rü nümatama nixĩ ga Tupana ga yema ma̱xpǘnetapü̱xwa yagoxü̃chiüxẽẽãxü̃ ga taxü̃ ga dexá naxca̱x ga yema norü duü̃xü̃gü.

Neemía 9:20

Rü ñu̱xũchi naxca̱x yéma cunamu ga Cuãxẽ ya Üünecü nax yaxucu̱xẽgüãxü̃ca̱x. Rü taguma nüxü̃́ nataxu ga yema paũ ga maná ga naxca̱x yéma cumugüxü̃, rü ñu̱xũchi taguma nüxü̃́ nataxu ga yema dexá ga nüxna cuxãxü̃ nax yemaacü tama yata̱xawaexü̃ca̱x.