Ichaía 48:2 - Tupanaarü Ore

² Pema rü nüxü̃ pixu nax yima ĩane ya üünene ya Yerucharéü̃wa pemaxẽxü̃ rü Iraéarü Tupana ya Guxãétüwa Ngẽxmacüarü duü̃xü̃gü pixĩgüxü̃, rü ngẽmaãcü pegü ípepoxü̃.

Ichaía 48:2 Referans Kwoze

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Romanos 2:17

Natürü pema Pa Chauenexẽgü Pa Yudíugüx, rü ñaperügügü: “Toma rü Yudíugü tixĩgü rü meama nüxü̃ tacua̱x i Tupanaarü mugü ga Moiché ümatüxü̃”, ñaperügügü. Rü ngẽmaãcü Tupanamaxã pegü picua̱xüü̃gü erü nagu perüxĩnüe nax Tupana pexü̃ nangechaü̃xü̃ erü Yudíugü pixĩgü.

Ichaía 52:1

¡Peba̱i̱xãchie, Pa Chióü̃cüã̱xgüx, peba̱i̱xãchie! ¡Ipechigü rü peporae i pema i yima ĩane ya üünene ya Yerucharéü̃arü duü̃xü̃gü nax pixĩgüxü̃! ¡Rü mexü̃ i pexchirugu picu̱xgü! Erü ngẽma perü uanügü i tama choxü̃ cua̱xgüxü̃ rü tagutáma wena pexca̱x ínayaxüãchi.

Ichaía 10:20

Rü ngẽma ngunexü̃gu rü ngẽma noxretama i Iraéanecüã̱xgü i Acóbutanüxü̃ i íyaxüxü̃, rü taxũtáma wena nüxü̃́ nayaxõgü i ngẽma chixri namaxã icuáxü̃. Rü tá Cori ya Tupana ya üünecü ya norü Tupanaca̱x nawoegu rü yimaaxü̃́ tá aixcüma nayaxõgü.

Ore i mexü̃ ga Matéu ümatüxü̃ 27:53

Rü naxmaü̃wa ínachoxü̃ ga yema duü̃xü̃gü ga wena maxẽxü̃. Rü yexguma Ngechuchu wena maxü̃guwena, rü Yerucharéü̃wa naxĩ. Rü muxü̃ma ga duü̃xü̃gü nüxü̃ nadaugü.

Yeremía 21:2

—¡Toxü̃ rüngü̃xẽxẽ, rü toxca̱x Cori ya Tupanamaxã idexa! Erü Nabucudonochó i Babiróniaanearü ãẽ̱xgacü rü toxca̱x ínayaxüãchi. Rü ngürüãchi nüma ya Cori ya Tupana rü norü poramaxã wüxi i mexü̃ toxca̱x naxü̱x nax ngẽmaãcü Nabucudonochó toxna yaxĩgachixü̃ca̱x —ñanagürügü. Rü yexguma ga Cori ya Tupana rü Yeremíamaxã nidexa. Rü nüma ga Yeremía rü nanangãxü̃ ga yema duü̃xü̃gü ga Chedequía yéma mugüxü̃ rü ñanagürü nüxü̃:

Yema Cuáü̃ nüxü̃ dauxü̃ i yixcüra tá ngupetüxü̃chiga 22:19

Rü ngẽxguma chi texé ínaxíraãchigu i ngẽma ore i ñaa poperagu ümatüxü̃ nachiga i ta̱xacü tá ínguxü̃, rü Tupana rü taxũtáma tüxü̃ nüxü̃ nangõ̱xnetaxẽxẽ i ngẽma norü o i ngẽma nai i maxẽẽruxü̃, rü taxũtáma tüxü̃ nimucuchi nawa ya yima ĩane ya üünene i ñaa poperawa nachiga naxümatüne.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:2

Rü nüxü̃ chadau ga guma ĩane ga mexü̃ne ga Yerucharéü̃ ga yexwaca̱xü̃ne ga daxũguxü̃ ga naanewa Tupanaxü̃tawa írüxĩxü̃ne. Rü guma ĩane rü guxü̃wama nimexẽchi ñoma wüxi i pacü i ngẽxguma iyangĩxgu rü ngĩteca̱x ngĩgü mexẽẽcürüxü̃ ixĩxü̃ne.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:2

¡Natürü ngẽma naa̱xtü ya Tupanapata ya taxü̃ne, rü taxũtáma cunangugü! Erü ngẽma duü̃xü̃gü i tama Tupanaaxü̃́ yaxõgüxü̃na marü nanaxã. Rü nümagü rü 42 ya tauemacü tá chixri namaxã inacua̱x ya yimá ĩane ya üünene.

Ore i mexü̃ ga Matéu ümatüxü̃ 4:5

Rü yexguma ga ngo̱xo ga Chataná rü guma ĩane ga üünene ga Yerucharéü̃wa nanaga. Rü gumá Tupanapata ga taxü̃nepe̱xegu nanamunagü.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Yeremía 10:16

Natürü nüma ya yima Acóbuarü Tupana ya naxücü i guxü̃ma i ñu̱xma ngẽxmagüxü̃ rü namaxü̃. Rü ngẽmaãcü tama namaxã nawüxigu i ngẽma naxchicüna̱xãgümare. Rü nüma ya Cori ya Tupana nixĩ i Iraétanüxü̃xü̃ naxunetaxü̃ nax norü duü̃xü̃gü yixĩgüxü̃ca̱x.

Ichaía 51:13

¿Ẽ̱xna marü choxü̃ curüngümae nax choma yixĩxü̃ ga cuxü̃ chango̱xẽxẽxü̃ rü chayangeechixü̃ ga daxũguxü̃ ga naane rü chanaxüxü̃ ga ñoma ga naane? ¡Rü taxṹ i nüxü̃ cumuü̃exü̃ i ngẽma uanügü i norü numaxã cuxü̃ daixchaü̃xü̃! ¿Natürü ngexü̃ nixĩ i guxü̃ma i ngẽma norü nu?

Wiyaegü 87:3

Pa Tupanaarü Ĩanex, rü mexẽchixü̃ i ore cuchiga nixugü.

Wiyaegü 48:1

Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

Neemía 11:18

Rü guxü̃wama rü yema Lebítanüxü̃ ga ĩane ga üünene ga Yerucharéü̃gu ãpatagüxü̃ rü 284 nixĩ ga norü mu.

Neemía 11:1

Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 17:13

Rü nüma ga Micaía rü nagu narüxĩnü rü Tupana rü tá nüxü̃ narüngü̃xẽxẽ yerü nüxü̃́ nayexma ga norü chacherdóte ga Lebítanüxü̃ ixĩxü̃.

Yeremía 44:26

¡Natürü, iperüxĩnüe i guxãma i pemax i Yudátanüxü̃ i ñu̱xma Equítuanewa pemaxẽxü̃! Rü choma ya Cori ya Tupana rü ñachagürü pexü̃: ‘Choma rü chauéga i üünexü̃maxã pemaxã chanaxuegu rü guxü̃ma i Equítuanewa rü tama chanaxwa̱xe nax texé i Yudátanüxü̃ chauéga tanaxuxuchixü̃ rü ñatarügü: Cori ya Tupanaégagu cumaxã ichaxuneta, ñatarügü.

Ichaía 51:15

Rü choma nixĩ ya curü Tupana ya Guxãétüwa Ngẽxmacü chixĩxü̃. Rü choma nixĩ i chayaxĩã̱xchiüxẽẽxü̃ i már rü chayacuxcuxẽẽxü̃ ya yuapegü.