Ichaía 48:18 - Tupanaarü Ore18 ¡Rü chierüx chauga pexĩnüegu! Rü yexguma chi naga pexĩnüegu ga chorü mugü rü ngẽma perü taãxẽ rü chi nixĩnagüchigü ñoma wüxi i natü irübaichigüxü̃rüxü̃, rü ngẽma perü taãxẽ rü ñoma már arü yuaperüxü̃ chi nata. Gade chapit la |
Erü choma ya Cori ya Tupana rü ñachagürü: “Choma rü ñoma wüxi i natüarü dexá i mea iyaxü̃rüxü̃ tá Yerucharéü̃wa chananguxẽxẽ i taãxẽ. Rü togü i nachixü̃anegüarü ãmaregü rü tá paxa pexca̱x íchanangugüxẽxẽ ñoma wüxi i natü i poraü̃chíüxü̃rüxü̃. Rü ngẽmaãcü i pema, Pa Yerucharéü̃cüã̱xgüx, rü ñoma wüxi i õxchana i meama maixü̃rüxü̃ tá pengãxpütüwegü. Rü choma rü tá chauchacüxügu pexü̃ chigagü rü choperemawa tá pexü̃ chameãxẽ.
Rü ngẽma Tupanape̱xewa nax imexü̃ca̱x rü tama ta̱xacürü õna nax ingṍxü̃ rüe̱xna ta̱xacürü axexü̃ nax ixaxüxü̃gagu nixĩ. Natürü Tupanape̱xewa nax imexü̃ca̱x rü tanaxwa̱xe i Naãxẽ ya Üünexü̃arü ngü̃xẽẽmaxã tayanguxẽxẽ i ngẽma Tupana naxwa̱xexü̃, rü yigü tangechaü̃gü, rü aixcüma tataãẽgü nape̱xewa ya Tupana.
Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.
¿Rü texé tixĩ ya guxema tauxcha nüxna ãxẽ ga yema Acóbutanüxü̃arü uanügü nax Iraégüxü̃ naporamaegüxü̃ rü ínayauxü̃ãxü̃? ¿Tama ẽ̱xna Cori ya Tupana yixĩxü̃? Yerü yema Iraétanüxü̃ rü Tupanape̱xewa chixexü̃ naxügü, rü tama Tupana naxwa̱xexü̃ãcü namaxẽ, rü tama naga naxĩnüechaü̃ ga yema norü ngu̱xẽẽtaegü.
Pa Chióü̃x, poraãcü cuxü̃ changechaü̃ rü ngẽmaca̱x taxũtáma ichayarüchiane. Rü Pa Yerucharéü̃x, taxũtáma charüngü̃ ñu̱xmatáta Tupana cuxü̃ rüporamaexẽxẽ. Rü ngẽxguma Tupana cuxü̃ rüporamaexẽẽgu rü ñoma ngexwaca ya ngunexü̃rüxü̃ tá cuxca̱x ningóone. Rü ngẽxguma Tupana curü uanügüme̱xẽwa curü duü̃xü̃güxü̃ ínguxü̃xẽẽgu rü ñoma wüxi i omü i cuxü̃ báxixü̃rüxü̃ tá nixĩ nax ngóonexü̃wa cungẽxmaxü̃.
Choma rü marüchire̱x pemaxã nüxü̃ chixu rü ñachagürü pexü̃: “Ngẽxguma aixcüma mexü̃ pexügügu rü tá pexna nangu i chorü ngechaü̃. ¡Penamexẽxẽ i perü maxü̃! Erü marü nawa nangu nax cha̱u̱xca̱x pedaugüxü̃ ñu̱xmatáta petanüwa changu nax peétügu chayabaxü̃ca̱x i chorü pora i namaxã pexü̃ íchapoxü̃xü̃”, ñachagürü.