Ichaía 48:16 - Tupanaarü Ore

¹⁶ ¡Rü nua pexĩ rü choxü̃́ iperüxĩnüe! Rü guxü̃ma ga yema nagu charüxĩnüxü̃ rü noxriarü ügügucürüwa rü taguma cúãcü nüxü̃ chixu. Rü yexguma Chíru Babiróniaxü̃ rüporamaegu rü choma rü yéma chayexma. Rü ñu̱xma i choma ya Cori ya Tupana ya Guxü̃étüwa Changexmaxü̃ rü chanamu i Chíru rü nüxna chanaxã i pora —ñanagürü.

Ichaía 48:16 Referans Kwoze

Ore i mexü̃ ga Cuáü̃ ümatüxü̃ 18:20

Rü Ngechuchu ñanagürü nüxü̃: —Choma rü guxü̃ ga duü̃xü̃güpe̱xewa nüxü̃ chixu ga chorü ore. Rü ngutaque̱xepataü̃güwa rü Tupanapata ya taxü̃newa i ngextá guxü̃ma i Yudíugü íngutaque̱xegüxü̃wa chanangúexẽxẽ ga duü̃xü̃gü. Rü yemaacü taxuxü̃ma ichicu̱x ga chorü ore.

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

Ichaía 45:19

Rü choma rü tama ẽxü̃guxü̃wa rü waanexü̃wa chidexa. Rü tama Acóbutanüxü̃xü̃ ñacharügü: “¡Cha̱u̱xca̱x peda̱u̱x natürü taxũtáma choxü̃ peyangau!” ñachagürü. Rü choma ya Tupana rü guxü̃guma aixcümaxü̃ chixu. Rü ngẽma nüxü̃ chixuxü̃ rü aixcüma name —ñanagürü.

Ore i mexü̃ ga Luca ümatüxü̃ 4:18

“Cori ya Tupanaãxẽ rü chowa nangẽxma. Rü nüma rü choxü̃ naxuneta nax nüxü̃ chixuxü̃ca̱x i ore i mexü̃ namaxã i ngẽma duü̃xü̃gü i ngearü diẽruã̱xgüxü̃. Rü choxü̃ namu nax yema duü̃xü̃gü ga norü uanügü to ga nachixü̃anewa gagüxü̃maxã nüxü̃ chixuxü̃ca̱x rü tá nax ínanguxü̃xü̃. Rü choxü̃ namu nax ngẽma ingexetügüxü̃ chidauuchixẽẽxü̃ca̱x rü nax íchananguxü̃xẽẽxü̃ca̱x i ngẽma duü̃xü̃gü i togüme̱xẽwa ngẽxmagüxü̃.

Ichaía 41:1

Nüma ya Cori ya Tupana rü ñanagürü: —¡Iperüchianegü rü choxü̃́ iperüxĩnüe, Pa Márpechinüwa Ngẽxmagüxü̃ i Nachixü̃anegücüã̱x! ¡Rü pemax, Pa Guxü̃ma i Nachixü̃anegücüã̱x, ẽcü peporaãẽgü! ¡Rü nua pexĩ rü ngĩxã nachiga tidexagü i ngẽma tá ngupetüxü̃! ¡Rü ngĩxã nuxã wüxigu tangutaque̱xegü nax nachiga idexagüxü̃ca̱x!

Ichaía 34:1

¡Pa Guxü̃ma i Nachixü̃anecüã̱x, dücax, nua pexĩ rü iperüxĩnüe i ngẽma tá pemaxã nüxü̃ chixuxü̃! ¡Rü nüxü̃ naxĩnü i ñoma i naane rü guxü̃ma i nawa ngẽxmagüxü̃! ¡Rü nüxü̃ naxĩnü i guxü̃ma i naane rü guxü̃ma i ngẽma nawa yaexü̃!

Ichaía 43:13

Rü choma nixĩ i guxü̃guma Tupana chixĩxü̃. Rü cho̱xme̱xwa rü taxúema tümaarü poramaxã tügü ítapoxü̃. Rü ngẽma choma chaxüxü̃ rü taxúema tayanaxoxẽxẽ —ñanagürü.

Ichaía 57:3

Rü Tupana rü ñanagürü: —Pa Yuüxü̃ Nanegüx, pema rü nanegü pixĩgü i yatü i naxma̱xna ngexü̃ i naxü̃nemaxã taxexü̃maxã maxü̃xü̃. ¡Rü nua pexĩ rü choxü̃́ iperüxĩnüe!