Ichaía 48:13 - Tupanaarü Ore

¹³ Rü choma nixĩ ga chorü poramaxã chanaxüxü̃ ga daxũguxü̃ i ĩane rü ñoma i naane. Rü yexguma naégaxü̃ chixuxgu rü nangóe ga daxũguxü̃ i naane rü ñoma i naane.

Ichaía 48:13 Referans Kwoze

Ichaía 40:26

¡Dücax, daxũguxü̃ i naanegu perüdaunü rü nüxü̃ peda̱u̱x! ¿Rü texé tixĩ ya naxǘxe i guxü̃ma i ngẽma nüxü̃ pedauxü̃? Rü nüma ya Tupana nixĩ ga mea inanucü ga wüxichigü ga yema ẽxtagü rü woramacurigü rü ñu̱xũchi wüxichigü rü naégamaxã nüxna naca. Rü nataxüchi i norü pora rü mea guxü̃maxã inacua̱x, rü ngẽmaca̱x taguma wüxi i ẽxta natauxchica.

Ichaía 45:18

Rü choma ya Tupana ya naxücü i daxũguxü̃ i naane rü ñoma i naane rü guxü̃ma i nawa ngẽxmagüxü̃ nax tama nangeãcuxü̃ca̱x, rü ñachagürü: —Choma nixĩ ya Tupana chixĩxü̃ rü nataxuma i to.

Wiyaegü 102:25

Rü noxriarü ügügu rü cuma cunaxü ga ñoma i naane. Rü cumatama nixĩ ga cunaxüxü̃ ga guxü̃ma i ngẽma dauxü̃wa nüxü̃ idauxü̃.

Ínachoxü̃xü̃chiga 20:11

Yerü choma i Cori ya Tupana rü 6 ga ngunexü̃gu nixĩ ga chanaxüxü̃ ga daxũguxü̃ ga naane, rü ñoma ga naane rü taxü̃ ga már rü guxü̃ma i ta̱xacü i nawa ngẽxmagüxü̃. Rü ñu̱xũchi icharüngü̃ ga norü 7 ga ngunexü̃gu. Rü yemaca̱x mexü̃ namaxã chaxuegu ga yema ngunexü̃ rü nüxü̃ chixu nax ngẽma ngunexü̃ i üünexü̃gu choxü̃ quicua̱xüxü̃xü̃ca̱x.

Ichaía 42:5

Rü Cori ya Tupana rü ñanagürü: —Choma nixĩ ya Tupana chixĩxü̃, rü choma nixĩ i chanaxüxü̃ i dauxü̃guxü̃ i naane rü ñoma i naane rü guxü̃ma i nawa rüxügüxü̃. Rü choma nixĩ i maxü̃ nüxna chaxãxü̃, rü chayangü̃atanücüüxẽẽxü̃ i guxü̃ma i duü̃xü̃gü i ñoma i naanewa maxẽxü̃.

Ichaía 40:12

¿Rü texé ya tümachacume̱xẽmaxã inanguxe i már arü dexá, rüe̱xna tümatanüme̱xẽgümaxã nangugüxe i daxũguxü̃ i naanearü ta? ¿Rü texé wüxi i nguruü̃gu tanagücu i ñoma i naanearü waixü̃müte̱xe? ¿Rü texé yáruü̃wa tanayá ya guxü̃nema ya ma̱xpǘnegü?

Ichaía 40:22

Rü nüma ya Tupana rü ngẽma naanexü̃ idüxüxü̃arü dauxü̃waama nangẽxma i norü tochicaxü̃. Rü ngéma duü̃xü̃güxü̃ nadau nax ñoma munügürüxü̃ yaxĩgüxü̃. Rü nüma nayangexechi i ngéma dauxü̃wa ngẽxmaxü̃ rü nayatexechi i ngẽma dauxü̃wa nüxü̃ idauxü̃ ñoma wüxi ya ĩpata ya naxchirunaxca̱x itexechixü̃rüxü̃.

Wiyaegü 147:4

Rü nüma rü nüxü̃ nacua̱x nax ñuxre yixĩxü̃ ya ẽxtagü rü wüxichigü rü naégamaxã nüxna naca.

Yox 37:18

¿Ẽ̱xna cuma nüxü̃ cucua̱x nax ñuxãcü Tupanaxü̃ curüngü̃xẽxẽxü̃ nax nüxü̃ natanetaxü̃ca̱x i dauxü̃wa nax wüxi i bróũchetachinürüxü̃ nataixü̃ca̱x?

Romanos 4:17

Rü Tupanaarü ore i ümatüxü̃wa rü Abraáü̃chigaxü̃ nixu rü ñanagürü: “Muxü̃ma i duü̃xü̃günatü tá cuxü̃ chixĩxẽxẽ”, ñanagürü. Rü Abraáü̃ rü Tupanaaxü̃́ nayaxõ, rü yemaca̱x Tupana nayanguxẽxẽ ga norü uneta ga namaxã nüxü̃ yaxuxü̃. Rü yimá Tupana nixĩ ya wena namaxẽxẽẽcü i yuexü̃. Rü yimátama nixĩ ya naxücü i ngẽma woo ñu̱xma taxuxü̃.

Ichaía 40:21

Rü dücax ¿tama ẽ̱xna nüxü̃ pecua̱x nax taétüwa nangẽxmaxü̃ ya Tupana? ¿Rü taguma ẽ̱xna nüxü̃ pexĩnüe ga yexguma nachiga yadexagügu? ¿Rü tama ẽ̱xna noxri pebuegutama texé pemaxã nüxü̃ tixuchiga? ¿Rü tama ẽ̱xna nüxü̃ pecua̱xgüéga nax texé yixĩxü̃ ga noxri naxüxü̃ ga ñoma ga naane?

Ichaía 45:12

Rü choma nixĩ ga chaxüxü̃ ga ñoma i naane rü ngẽma nawa maxẽxü̃. Rü choma nixĩ ga cho̱xme̱xmaxã chanaxüxü̃ ga daxũguxü̃ ga naane, rü chanangóexẽẽxü̃ ga ẽxtagü.

Ichaía 51:13

¿Ẽ̱xna marü choxü̃ curüngümae nax choma yixĩxü̃ ga cuxü̃ chango̱xẽxẽxü̃ rü chayangeechixü̃ ga daxũguxü̃ ga naane rü chanaxüxü̃ ga ñoma ga naane? ¡Rü taxṹ i nüxü̃ cumuü̃exü̃ i ngẽma uanügü i norü numaxã cuxü̃ daixchaü̃xü̃! ¿Natürü ngexü̃ nixĩ i guxü̃ma i ngẽma norü nu?

Ichaía 44:24

Rü nüma ya Tupana ya pexü̃ ínguxü̃xẽẽcü rü pexü̃ ücü naxü̃pa ga nax pibuexü̃ rü ñanagürü: —Choma nixĩ ya Tupana chixĩxü̃, rü choma nixĩ i chanangóexẽẽxü̃ i guxü̃ma i ñoma i naanewa ngẽxmagüxü̃. Rü choma nixĩ ga chanaxüxü̃ ga daxũguxü̃ ga naane rü ñoma ga naane. Rü taxúema choxü̃ tarüngü̃xẽxẽ.

Yeremía 51:15

Nüma ya Cori ya Tupana rü norü poramaxã nanaxü ga ñoma ga naane. Rü norü cua̱xmaxã wüxiwa nanangexmaxẽxẽ. Rü yexgumarüxü̃ ta norü cua̱xmaxã nayangeechi ga daxũguxü̃ ga naane.