Ichaía 48:1 - Tupanaarü Ore

¹ Rü Tupana rü ñanagürü: —¡Perüxĩnüe Pa Acóbuarü Duü̃xü̃güx, Pa Iraétanüxü̃x, Pa Yudátaagüx! Pema rü Cori ya Tupanaégagu pegü pixu nax norü duü̃xü̃gü pixĩgüxü̃. Rü perü yumüxẽwa naxca̱x ípeca̱x i norü ngü̃xẽxẽ, natürü tama aixcüma naga pexĩnüe.

Ichaía 48:1 Referans Kwoze

Yeremía 4:2

Rü ngẽxguma cha̱u̱xca̱x pewoeguxgu rü aixcüma chauégagu ipexunetagu, rü choma rü tá taxü̃ i ngü̃xẽxẽ chixĩ naxca̱x i guxü̃ma i nachixü̃anegü, rü tá choxü̃ nicua̱xüü̃gü —ñanagürü.

Wiyaegü 68:26

Rü guxãma i pema i ngẽxma chocuxe ¡rü nüxü̃ picua̱xüü̃gü ya Cori ya Tupana! Rü guxãma i pema i Iraétanüxü̃ ¡rü nüxü̃ picua̱xüü̃gü!

Yeremía 5:2

Rü nangẽxmagü i duü̃xü̃gü i chauégagu ixunetagüxü̃, natürü tama nayanguxẽẽgü i norü unetagü —ñanagürü ya Cori ya Tupana.

Ichaía 65:16

Rü yíxema ñaa nachixü̃anewa ngü̃xẽẽca̱x íca̱xe rü chauégagu tá naxca̱x ítaca, erü choma rü aixcüma chayanguẽxẽ i ngẽma nüxü̃ chixuxü̃. Rü yíxema ñaa nachixü̃anewa ta̱xacüca̱x ixunetaxe rü chauégagu tá itaxuneta erü choma rü chayanguxẽxẽ i ngẽma chorü uneta. Rü yema chixexü̃gü ga ü̃pa pexüexü̃ rü marü nüxü̃ icharüngüma rü marü tama nagu charüxĩnü.

Wenaxarü naxümatü ga Tupanaarü mugü 6:13

¡Rü nüxü̃ picua̱xüxü̃ ya Cori ya perü Tupana, rü yimágaxicatama pexĩnüe! Rü ngẽxguma wüxi i uneta pexü̱xgu ¡rü Cori ya Tupanaégaguxicatama penaxü̱x!

Naanearü ügüchiga 32:28

Rü yexguma ga yema duü̃xü̃ ga nügü namaxã inawogüxü̃, rü ñanagürü nüxü̃: —Ñu̱xmawena rü marü taxũtáma Acóbu nixĩ i cuéga. Rü Iraé tá nixĩ i cuéga i ñu̱xmax, erü Tupanamaxã rü duü̃xü̃gümaxã cugü icuwogü rü curüporamae —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:9

Choma nüxü̃ chacua̱x i ngẽma cuxüxü̃ rü nüxü̃ chacua̱x nax ngúxü̃ quingexü̃. Rü nüxü̃ chacua̱x ta nax cungearü diẽruã́xü̃ i ñoma i naanewa, natürü daxũguxü̃ i naanewa cuxü̃́ nangẽxma i ngẽma taguma gúxü̃. Rü nüxü̃ chacua̱x nax chixri cuchiga yadexagüxü̃ i ngẽma duü̃xü̃gü i nügü ixugüxü̃ nax Yudíugü yixĩgüxü̃. Natürü i nümagü rü aixcüma Chatanáarü duü̃xü̃gümare nixĩgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:2

Rü ngẽma duü̃xü̃gü i nüxü̃ rüxoexü̃ nax yaxõgüãxü̃ rü tá nüxü̃́ inarüxĩnüe i ngẽma duü̃xü̃gü i nawomüxẽẽgüxü̃ rü idorata̱xaxgüxü̃. Erü ngẽma duü̃xü̃gü i dorata̱xaxgüxü̃ rü düxwa namaxã nixü nax chixexü̃guxicatama naxĩnüexü̃.

Romanos 9:8

Rü ngẽmawa meama nüxü̃ tacua̱x rü tama ngẽma nax Abraáü̃taagü tixĩgüxü̃ca̱x nixĩ i Tupanaxacügü tixĩgüxü̃. Natürü yíxema Tupanaarü uneta nüxü̃ ixuxü̃ãcüma yaxõgüxe, rü yíxema tixĩ ya aixcüma Abraáü̃taagü ixĩgüxe i Tupanape̱xewa.

Romanos 9:6

Rü ñu̱xma rü woo tama guxü̃ i Yudíugü nax yaxõgüxü̃, natürü taxucürüwama texé nüxü̃ tixu nax Tupana rü tama yangu̱xẽẽãxü̃ i norü uneta. Erü tama guxü̃ma i Yudíugü rü aixcüma Tupanaarü duü̃xü̃gü nixĩgü.

Romanos 2:17

Natürü pema Pa Chauenexẽgü Pa Yudíugüx, rü ñaperügügü: “Toma rü Yudíugü tixĩgü rü meama nüxü̃ tacua̱x i Tupanaarü mugü ga Moiché ümatüxü̃”, ñaperügügü. Rü ngẽmaãcü Tupanamaxã pegü picua̱xüü̃gü erü nagu perüxĩnüe nax Tupana pexü̃ nangechaü̃xü̃ erü Yudíugü pixĩgü.

Ore i mexü̃ ga Cuáü̃ ümatüxü̃ 4:24

Erü Tupana rü Naãxẽ nixĩ. Rü ngẽmaca̱x yíxema nüxü̃ icua̱xüü̃güxe rü tanaxwa̱xe nax guxü̃ma i tümaãẽmaxã rü tümaarü maxü̃maxã aixcüma mea nüxü̃ ticua̱xüü̃güxü̃ —ñanagürü.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Chofonía 1:5

Rü tá chanadai i ngẽma duü̃xü̃gü i napataétügu ĩgüxü̃ nax ngéma nüxü̃ yacua̱xüü̃güxü̃ca̱x ya üa̱xcü rü tauemacü rü woramacurigü. Rü ngẽxgumarüxü̃ tá ta chanadai i ngẽma choxü̃ icua̱xüü̃güxü̃ rü naétü norü tupananeta i Mircóü̃xü̃ icua̱xüü̃güxü̃

Ichaía 62:8

Rü nüma ya Tupana rü nügüégagutama Iraétanüxü̃maxã nanaxuegu rü ñanagürü: —Tagutáma wena chanangexrü nax norü uanügü nangṍxü̃ i Iraétanüxü̃arü trigu rü ngẽma togümare i duü̃xü̃gü yaxaxgüxü̃ ya Iraétanüxü̃arü bínu ya poraãcü naxca̱x napuracüecü.

Ichaía 58:2

Rü nümagü rü guxü̃ i ngunexü̃gu cha̱u̱xca̱x nadaugü rü chomaxã nüxü̃ nixugü nax chauga naxĩnüechaü̃xü̃ ñoma mea namaxẽxü̃rüxü̃ rü chorü mugügu naxĩnüexü̃rüxü̃. Rü nümagü rü choxna naxca̱x nacagü i mexü̃ i mugü rü choxna nangaicamagüchaü̃.

Ichaía 45:23

Rü ngẽma chauégagu nüxü̃ chixuxü̃ rü aixcüma nixĩ rü ngẽma chorü ore rü aixcüma tá ningu. Rü guxü̃táma, rü chope̱xegu tá nacaxã́pü̱xügü rü chauégagu tá nüxü̃ nixu nax chauga tá naxĩnüexü̃.

Ichaía 44:5

Rü wüxi rü tá ñanagürü: “Choma rü Tupanaarü duü̃ chixĩ”, ñanagürü tá. Rü to rü tá Acóbutaagu naxãéga. Rü to rü tá nügüme̱xẽgu nanaxümatü i ñaxü̃: “Choma rü Iraétanüxü̃arü Tupanaarü chixĩ”, ñaxü̃.

Ichaía 26:13

Pa Cori ya Torü Tupanax, togü ga nachixü̃anegüarü ãẽ̱xgacügü rü tomaxã inacua̱xgü, natürü i ñu̱xma rü cuxü̃xicatama nixĩ i tacuáxü̃ nax torü ãẽ̱xgacü quixĩxü̃.

Ucu̱xẽgüchiga 5:16

Tama name i wüxi i nge i tama cuxma̱x ixĩcümaxã cumaxü̃ ñoma wüxi i duü̃xü̃ i tama noxrütama puchucüã̱x i dexáwa axexü̃rüxü̃.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Wiyaegü 63:11

Natürü i choma nax ãẽ̱xgacü chixĩxü̃ rü tá Tupanamaxã chataãxẽ. Rü guxãma ya yíxema Tupanaarü ngü̃xẽẽca̱x daugüxe rü tá nüxü̃ ticua̱xüxü̃gü. Natürü ngẽma idorata̱a̱xgüxü̃ rü tá nayarüngea̱xgü.

Norü taxre ga popera ga ãẽ̱xgacügüchiga 17:34

Rü ñu̱xma rü ta nanaxügüama ga yema chixexü̃gü ga ü̃pa nagu namaxẽxü̃. Rü tama Cori ya Tupanaxü̃ nicua̱xüü̃gü rü tama nayanguxẽẽgü ga norü mugü rü norü ngu̱xẽẽtaegü ga nüma ga Cori ya Tupana Acóbutaagümaxã nüxü̃ yaxuxü̃ nax nagu namaxẽxü̃ca̱x. Rü Tupana rü Iraégu nanaxüéga ga Acóbu.

Wenaxarü naxümatü ga Tupanaarü mugü 33:28

Rü pemax, Pa Iraétanüxü̃x, rü taxuxü̃táma pexü̃ nachixewe i perü naanewa. Rü petaagü rü taãẽãcüma tá nawa namaxẽ. Rü perü naanewa rü tá pexü̃́ nangẽxma i perü triguchitaü̃gü rü úbachitaxü̃gü. Rü tagutáma pexü̃́ nataxu ya pucü ya dauxü̃wa ne ũcü.

Wenaxarü naxümatü ga Tupanaarü mugü 10:20

¡Rü nüxü̃ pengechaxü̃ ya yima perü Cori ya Tupana! ¡Rü nüxü̃xicatama picua̱xüü̃gü rü naga pexĩnüe! ¡Rü ngẽxguma wüxi i uneta pexü̱xgu rü penaxwa̱xe i naégagu penaxü̱x!

Wenaxarü naxümatü ga Tupanaarü mugü 5:28

Rü yexguma chomaxã pidexagügu, rü nüma ga Cori ya Tupana rü nüxü̃ naxĩnü ga yema chomaxã nüxü̃ pixuxü̃. Rü yemaca̱x choxü̃ ñanagürü: “Marü nüxü̃ chaxĩnü i guxü̃ma i ngẽma nüxü̃ yaxugüxü̃ i ñaa duü̃xü̃gü, rü cha̱u̱xca̱x rü name i ngẽma.

Iraétanüxü̃arü muxchiga 24:7

Rü pemax, Pa Iraétanüxü̃x, rü tá pexü̃́ nangẽxma i taxü̃ i dexá nax nawa pexaxegüxü̃ca̱x rü penetügü namaxã pimegüxü̃ca̱x. Rü perü ãẽ̱xgacü rü ngẽma ãẽ̱xgacü ya Agáxmaxã tá inacua̱x. Rü nüma ya perü ãẽ̱xgacü rü guxãétüwa tá nangẽxma.

Lebítanüxü̃arü puracüchiga 19:12

¡Rü taxũtáma chauégagu natüca̱xma texémaxã icuxuneta! Erü ngẽxguma ngẽmaãcü cunaxü̱xgu rü cunachixexẽxẽ i naéga ya curü Tupana. Rü choma nixĩ ya Iraétanüxü̃arü Cori ya Tupana.

Ínachoxü̃xü̃chiga 23:13

¡Rü peyangu̱xẽxẽ i guxü̃ma i ngẽma pemaxã nüxü̃ chixuxü̃! Rü tama chanaxwa̱xe nax ñuxgu tá pea̱xwa nüxü̃ chaxĩnüxü̃ i ta̱xacürü tupananetagüéga.

Naanearü ügüchiga 35:10

Rü ñanagürü: —Cuma rü Acóbu nixĩ i cuéga. Natürü i ñu̱xma rü marü taxũtáma ngẽma nixĩ i cuéga erü ñu̱xmacürüwa rü Iraé tá nixĩ i cuéga —ñanagürü. Rü yemawena ga Tupana rü ñanagürü: —Choma nixĩ ya Tupana ya Guxü̃étüwa Changexmaxü̃. Rü tá namu ya cunegü rü cutaagü. Rü cuwa tá nango̱x i wüxi i nachixü̃ane rü muxü̃netáma ya ĩanegü. Rü cutaagütanüwa tá nangẽxma i ãẽ̱xgacügü ixĩxü̃.

Ichaía 46:12

¡Rü choxü̃́ iperüxĩnüe Pa Duü̃xü̃gü i Taxúegama Ĩnüexü̃! Pema nüxü̃ pecua̱xgu rü taxũtáma paxa pexü̃ íchanguxü̃xẽxẽ. Natürü pemaxã nüxü̃ chixu rü marü ningaica nax pexü̃ íchanguxü̃xẽẽxü̃ rü marü taxũtáma nũxcü nixĩ. Rü choma rü tá Chióü̃xü̃ íchanguxuchixẽxẽ rü Iraétanüxü̃xü̃ tá chanawe̱x i chorü pora —ñanagürü ga Tupana.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Yeremía 44:26

¡Natürü, iperüxĩnüe i guxãma i pemax i Yudátanüxü̃ i ñu̱xma Equítuanewa pemaxẽxü̃! Rü choma ya Cori ya Tupana rü ñachagürü pexü̃: ‘Choma rü chauéga i üünexü̃maxã pemaxã chanaxuegu rü guxü̃ma i Equítuanewa rü tama chanaxwa̱xe nax texé i Yudátanüxü̃ chauéga tanaxuxuchixü̃ rü ñatarügü: Cori ya Tupanaégagu cumaxã ichaxuneta, ñatarügü.

Chacaría 5:3

Rü yexguma ga nüma rü ñanagürü: —Ngẽma popera rü nachiga nixĩ i ngẽma poxcu i guxü̃ma i ñoma i naaneca̱x tá ínguxü̃. Rü wüxicüwagu naxümatü i norü poxcu i ngẽma ngĩ́xta̱xagüxü̃. Rü ngẽma tocüwagu naxümatü i norü poxcu i ngẽma Tupanaégagu idorata̱xagüxü̃.

Norü taxre ga popera ga ãẽ̱xgacügüchiga 5:20

Rü yexguma marü yáxü̃waxü̃ra nanguxgu, rü gumá Erichéuarü ngü̃xẽẽruxü̃ ga Guexáchi rü ñaxü̃gu narüxĩnü: —Yimá chorü cori rü taxuxü̃ma Naamáü̃ ya Chíriacüã̱xna nayaxu i ngẽma ngẽmaxü̃gü i nua naxca̱x nanaxü̃. Rü ngẽmaca̱x i ñu̱xma rü tá nawe change nax nüxna chayaca̱xaxü̃ca̱x —ñaxü̃gu narüxĩnü.

Wiyaegü 68:27

Rü Bẽyamíü̃chimüxü̃ rü nape̱xewaama naxü, rü ngẽmaweama naxü i Yudáchimüxü̃ norü ãẽ̱xgacügümaxã. Rü ngẽmaweama naxügü i Chaburóü̃chimüxü̃ norü ãẽ̱xgacügümaxã, rü Netaríchimüxü̃ norü ãẽ̱xgacügümaxã.

Ichaía 51:1

Rü ñanagürü ga Tupana: —¡Choxü̃́ iperüxĩnüe i guxãma i pemax ya cha̱u̱xca̱x daugüxe rü nagu ĩxẽ i ngẽma aixcüma mexü̃! Pema rü Abraáü̃taxa rü Chárataxa pixĩgü.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Miquéa 2:7

¿Ẽ̱xna toma i Acóbutaagü nax tixĩgüxü̃ rü Tupana rü chixexü̃ tomaxã naxuegu? ¿Ẽ̱xna ya Tupana rü marü nüxü̃ narüxo nax yáxna tomaxã naxĩnüxü̃? ¿Rü ngẽmaãcü ẽ̱xna yixĩxü̃ i nacüma ya Tupana? ¿Tama ẽ̱xna i tüxü̃ nangü̃xẽxẽxü̃ i Tupanaarü ore ya yíxema aixcüma mea nagu maxẽxe?