Ichaía 47:3 - Tupanaarü Ore

^3-4 Rü choma ya Tupana ya Iraétanüxü̃arü nguxü̃xẽxẽruxü̃ ya üünecü ya guxãétüwa ngẽxmaxe rü tá pexü̃ chapoxcu, Pa Babiróniacüã̱x, rü taxúetama pexü̃ ítapoxü̃. Rü pema rü ñoma wüxi i duü̃xü̃ i ngexchiruxü̃nexü̃rüxü̃ tá pexãnee nape̱xewa i ngẽma togü i nachixü̃anecüã̱xgü —ñanagürü.

Ichaía 47:3 Referans Kwoze

Naúü̃ 3:5

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü cuchiwegu tá cuxü̃ changenagüpa̱x nax nangóxü̃ca̱x i curü chixexü̃ rü ngẽma togü i nachixü̃anegü nüxü̃ dauxü̃ca̱x i ngẽma ãne i chixexü̃ i cuwa ngẽxmaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:19

Rü guma ĩane ga taxü̃ne ga Babirónia, rü tomaepü̱xgu ningüxyeane. Rü guma ĩanegü ga ñoma ga naanewa yexmagüne rü niwa̱xgü ga norü ĩgü. Rü Tupana rü norü chixexü̃ca̱x nüxna nacua̱xãchi ga guma ĩane ga Babirónia. Rü yemaca̱x norü numaxã poraãcü nanapoxcu ga guma ĩane, yerü poraãcüxüchi namaxã nanu.

Romanos 12:19

Pa Chauenexẽgü ya Pexü̃ Changechaü̃güxe, tama name i pegütama pexütanü ega texé ta̱xacürü chixexü̃ pexca̱x ínguxẽẽgu. Natürü name nixĩ i Tupaname̱xẽgu penaxǘ i ngẽma nax nüma napoxcuãxü̃ca̱x. Erü Tupanaarü ore i ümatüxü̃wa rü ñanagürü: “Cho̱xme̱xwa nangẽxma nax duü̃xü̃güxü̃ chapoxcuxü̃ i norü chixexü̃ca̱x. Rü choma tá nüxü̃́ chanaxütanü i ngẽma duü̃xü̃ i chixexü̃ üxü̃”, ñanagürü ya tórü Cori.

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Yeremía 51:56

Rü ngẽma uanügü rü ínangugü nax nagu napogüexü̃ ya yima ĩane. Rü marü ínanayauxü̃ i norü churaragü. Rü nagu nabügüe ya norü würagü. Erü Cori ya Tupana rü wüxichigüna nanaxã i ngẽma nüxna üxü̃.

Yeremía 51:11

Nüma ya Cori ya Tupana rü nayanaxoxẽẽchaü̃ ya Babirónia. Rü ngẽmaca̱x naxca̱x nangema i Médiaanearü ãẽ̱xgacügü nax nümagü rü ta ngẽmagu naxĩnüexü̃ca̱x. Rü ngẽma nixĩ i Cori ya Tupanaarü poxcu i Babiróniaca̱x mexẽẽxü̃ nagagu ga yema Tupanapata ga taxü̃nemaxã naxügüxü̃.

Yeremía 51:4

Rü guxü̃ma i norü naanewa i ngẽma Cadéugü rü norü duü̃xü̃gü rü tá nayue rü namawa tá nanuquegü.

Yeremía 13:26

Rü ngẽmaca̱x ñoma wüxi i duü̃xü̃ i báitücuxü̃rüxü̃ tá pexü̃ chaxãneexẽxẽ.

Yeremía 13:22

Rü ngẽxguma cugüna cuca̱xgu nax ta̱xacüca̱x cuxü̃ naxüpetüxü̃ i ngẽma guxchaxü̃, rü name nax nüxna cucua̱xãchixü̃ nax ngẽma taxü̃ i curü chixexü̃gagu yixĩxü̃ i ngẽma cuxca̱x ínguxü̃. Rü yemaca̱x nixĩ ga cuxü̃ ínacuxü̃xü̃nexü̃ rü cugu yadauxcüraxü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:20

Natürü ñu̱xma nax napoxcuxü̃ ya yima ĩane, rü name nixĩ i cutaãxẽ Pa Daxũguxü̃ i Naane. Rü ngẽxgumarüxü̃ ta rü name nixĩ i petaãẽgü i pema i Tupana norü oremaxã pexü̃ namugüxe, rü pema i Tupanaarü orexü̃ ixugüe, rü guxãma i pema i Tupanaarü duü̃xü̃gü ixĩgüxe. Erü ñu̱xma nax napoxcuxü̃ ya yima ĩane, rü ngẽmaãcü Tupana pexü̃ naxütanü naxca̱x ga yema chixexü̃ ga pemaxã naxügüxü̃ ga gumá ĩanecüã̱x”, ñanagürügü.

Naanearü ügüchiga 3:7

Rü yexgumatama ningo̱xnaxetügü rü nüxü̃ nicua̱xãchitanü ga nax yangexchiruxü̃. Rü yemaca̱x iguátü nanga̱i̱xcu nax yemamaxã nügü yadüxpe̱xegüxü̃ca̱x.

Ichaía 20:4

Rü ngẽxgumarüxü̃ tá nixĩ i Achíriaanearü ãẽ̱xgacü nax Equítuanecüã̱xgüxü̃ rü Etiopíaanecüã̱xgüxü̃ nachixü̃anewa tüxü̃ nagagüxü̃ ya yaxguã̱xgüxe rü ngextü̱xügüxe. Rü ngearü chapatuã́xẽ rü ngexchiruxe rü ibáitaraxe tá tüxü̃ nigagü nax ngẽmaãcü tüxü̃ naxãneexẽẽxü̃ca̱x.

Ichaía 35:4

Rü ngẽma muü̃exü̃ rü nüxü̃ ñapegügü: —¡Piporae, rü taxṹ i pemuü̃exü̃! Rü daa nixĩ ya perü Tupana nax pexü̃ ínapoxü̃xü̃ca̱x. Rü nüma tá nanapoxcue i perü uanügü i guxchaxü̃ pexca̱x íngu̱xẽẽxü̃ —ñapegügü.

Ichaía 3:17

Rü ngẽmaca̱x i choma rü churimaxã tá pexü̃ ichagüyáexẽxẽ rü o̱xri i ãũãchixü̃ tá peeruwa narüyi. Rü tá pexü̃ chingexchiruxẽẽgü rü tá piba̱i̱xünemare —ñanagürü.