Ichaía 47:1 - Tupanaarü Ore

¹ Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

Ichaía 47:1 Referans Kwoze

Yeremía 51:33

Erü nüma ya Cori ya Guxãétüwa Ngẽxmacü ya Iraétanüxü̃güarü Tupana ixĩcü rü ñanagürü: “Yima Babirónia ga noxri mexẽchine rü ñu̱xma rü tá ñoma tríguarü pu̱xgüchicarüxü̃ tá nixĩ. Rü ñu̱xma rü marü naxca̱x ínangu nax yabuxgüãxü̃ i norü trigu” —ñanagürü.

Wiyaegü 137:8

Rü cumax, Pa Babiróniax, rü tá icuyarüxo. Rü tá nataãxẽ ya yimá cuxü̃ iyarüxoxẽẽcü naxca̱x ga yema tomaxã cuxüxü̃.

Yeremía 50:42

Rü würagümaxã rü wocaegümaxã naxãxne. Rü nidürae rü taxúema nüxü̃́ tangechaxü̃tümüü̃gü. Rü ngẽxguma aita naxüegu rü ñoma már arü yuapegügarüxü̃ nixĩ nax natagaxü̃. Rü cowarugüétügu naxĩ. Rü ínamemaregü nax Babiróniacüã̱xmaxã nügü nada̱i̱xü̃.

Yeremía 46:11

Pa Equítuanecüã̱x ¡Garaáxanewa pexĩ nax ngẽxma naxca̱x peyadaugüxü̃ca̱x i üxüxü̃! Natürü woo muxü̃ i üxüxü̃maxã pexüxüxü̃gu rü taxuwatáma pexü̃́ name. Erü nataxuma i üxüxü̃ i pexca̱x mexü̃.

Ichaía 3:26

Rü yima ĩanearü duü̃xü̃gü rü tá naxauxe. Rü norü yuetagüca̱x tá naxaure. Rü yima ĩanearü duü̃xü̃gü rü tá naxĩgü.

Yeremía 48:18

Pa Ĩane ya Dibóü̃x nax mexü̃wa cungexmaxü̃, rü name nax curüxüexü̃ nawa i cuchica i mexü̃, ¡rü waixü̃müane i paxü̃wa rüto! Erü ngẽma Moáanearü chixexẽẽruxü̃ rü cuxca̱xama nixũ rü marü nayawa̱xgüxẽxẽ i curü poxegutapü̱xgü.

Ichaía 37:22

Rü ñaagü nixĩ i ngẽma ore ya Cori ya Tupana nüxü̃ ixuxü̃ nachiga i ngẽma Achíriaanearü ãẽ̱xgacü: “Dücax, Pa Chenáquerix, rü yima Tupanaarü ĩane ya Chióü̃arü duü̃xü̃gü rü ñoma wüxi i pacü cuxü̃ cugüxü̃rüxü̃ tá cuxü̃ nacugüe. Rü ngẽxguma nüxna quixũgachigu rü ngẽma Yerucharéü̃cüã̱xgü rü tá nanexáerugüãcüma cugu nidauxcüraxü̃gü.

Wiyaegü 18:27

Rü cumax, Pa Tupanax, rü tüxü̃ curüngü̃xẽxẽ ya yíxema tama tügü icua̱xüxü̃güxe, natürü cunaxãneexẽxẽ i ngẽma nügü icua̱xüü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:7

¡Rü ñu̱xma nax ngẽma ĩanecüã̱x nügü yacua̱xüxü̃güxü̃ rü mexẽchixü̃wa nax namaxẽxü̃, rü ngẽxgumarüxü̃ tá ta nixĩ nax ngúxü̃ nüxü̃ pingexẽxẽgüxü̃ rü ngechaü̃ nüxü̃ pingexẽxẽgüxü̃! Erü ngẽma ĩanecüã̱x rü nügüãẽwa ñanagürügü: ‘Yixema rü ñoma wüxi i ngexü̃ i nachixü̃anearü ãẽ̱xgacüma̱xrüxü̃ mexẽchixü̃wa tangexmagü. Rü tagutáma wüxi i yutexü̃rüxü̃ tangechaü̃gü’, ñanagürügü i ngẽma ĩanecüã̱x.

Echequié 28:17

Rü yema nax cumexẽchixü̃gagu cugü quicua̱xüxü̃ rü nüxü̃ curüngü̃ma i curü cua̱x. Rü yemaca̱x ga choma rü cuxü̃ chiwa̱xẽxẽ nax wüxi ga cugüruxü̃ quixĩxü̃ca̱x nape̱xewa ga yema togü ga nachixü̃anegüarü ãẽ̱xgacügü.

Echequié 26:16

Rü guxü̃ma i norü ãẽ̱xgacügü i ngẽma nachixü̃anegü i már arü ngaicamawa ngẽxmagüxü̃, rü ngẽxguma tá nüxü̃ naxĩnüegu i ngẽma pexü̃ ngupetüxü̃, rü tá inachigü i norü tochicaxü̃wa rü tá ínacuxü̃ i norü ãẽ̱xgacüchirugü rü muü̃maxã tá waixü̃müwa narütogü. Rü poraãcü tá namuü̃e, rü taxũtáma ínayachaxãchi nax yadu̱xruxexü̃.

Auxexü̃chiga 4:5

Rü yema ü̃paacü taxü̃ ga õna ngõ̱xgüxü̃ rü ñu̱xma rü taiyamaxã ĩanemagu nayue. Rü yema noxri ĩpatagü ga mexẽchixü̃wa maxẽxü̃ rü ñu̱xma rü guxchirewa namaxẽ.

Auxexü̃chiga 2:21

Rü ngẽma chorü ngextü̱xücügü rü pacügü rü yaxguã̱xgü rü taramaxã nanadai. Rü nüxü̃ tadau i ngẽma ngextü̱xücügü rü pacügü rü yaxguã̱xgü i yuexü̃ i ĩanearü namagüwa nuquegüxü̃. Rü ngẽma ngunexü̃ i nagu curü nu ínguxü̃ rü cunadai. Rü taxúema texé cuxü̃́ taxãũxãchitümüü̃gü.

Auxexü̃chiga 2:10

Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.

Yeremía 13:18

Cori ya Tupana rü Yeremíaxü̃ ñanagürü: —¡Ãẽ̱xgacümaxã rü naémaxã nüxü̃ ixu i ñaa ore: “¡Ipechigü i ngẽma perü tochicaxü̃wa rü ñaxtüanewamare perütogü! Erü marü taxũtáma ãẽ̱xgacügü pixĩgü, rü ngẽma perü nga̱xcueruxü̃ rü marü taxũtáma peeruwa nangẽxma”, ñanagürü.

Ichaía 52:2

¡Pa Yerucharéü̃cüã̱xgüx, ipechigü! ¡Marütama nax perü uanügüme̱xẽwa pengẽxmagüxü̃ rü pegümaxãtama ipecua̱xgüxü̃! ¡Pa Chióü̃cüã̱xgü, pema nax pepoxcuexü̃, rü ípeyawẽgü ya yimá cadénagü ya perü uanügü namaxã pexü̃ ichotanaxãgücü!

Ichaía 26:5

Rü nüma ya Cori ya Tupana rü nanapoxcue i ngẽma nügü írütagüxü̃. Rü ñu̱xũchi yima ĩane ya nügü írütaxü̃ne rü nanaxãnexẽxẽ ñu̱xmata waixü̃müanegu nangu nax ngẽmaãcü ngẽma duü̃xü̃gü i tama nügü icua̱xüü̃güxü̃ rü ngẽma ngearü diẽruã̱xgüxü̃ nagu púgüexü̃ca̱x —tá nawiyaegü.

Ichaía 23:12

Rü ĩane ya Chidóü̃xü̃ ñanagürü: —¡Pa Ĩane ya ñoma wüxi i paxü̃ i chixri maxü̃xü̃rüxü̃ nax quixĩxü̃, rü marütama nax petagu icurüxã́ũxü̃! Rü woo tá Chíprewa naxĩ i curü duü̃xü̃gü nax ngẽxma nüxü̃ yanangümaexü̃ca̱x i norü guxchaxü̃gü, natürü ngẽxma rü ta rü tagutáma taãẽxü̃ nayangaugü —ñanagürü.

Wiyaegü 89:44

Rü ngẽma norü pora rü cunanguxẽxẽ, rü ícunata̱xüchi ya yimá norü ãẽ̱xgacü.

Yox 2:13

Rü yemawena rü Yoxmaxã mairaxü̃anewa narütogü. Rü 7 ga ngunexü̃ rü 7 ga chütaxü̃ yéma nayexmagü rü taxuxü̃ma ga dexa nanaxuxuchigü, yerü nüxü̃ nadaugü ga Yox ga taxü̃ ga ngúxü̃ nax yangexü̃.

Yox 2:8

Rü yexguma ga nüma ga Yox rü tanimacate̱xewa narüto. Rü nanayaxu ga wüxi ga waixü̃münaxca̱x ga buetarechipe nax yemamaxã nügü yawü̱xünexü̃ca̱x.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Yoná 3:6

Rü yexguma Nínibearü ãẽ̱xgacüxü̃tawa nanguxgu ga yema dexa, rü nüma rü norü tochicaxü̃wa inachi rü ínacuxuchi ga norü ãẽ̱xgacüchiru rü témüxü̃ ga naxchirugu nicu̱x rü waixü̃müarü ãte̱xexü̃wa narütomare.

Ichaía 13:1

Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Yeremía 50:1

Ñaa nixĩ i Cori ya Tupanaarü ore i Yeremíawa nüxü̃ yaxuxü̃ nachiga i Cadéugü i Babiróniacüã̱x.

Ichaía 13:13

Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.

Ichaía 14:1

Rü nüma ya Cori ya Tupana rü tá Acóbutanüxü̃ nüxü̃́ nangechaü̃tümüxü̃ rü wena tá norü duü̃xü̃gü i Iraétanüxü̃xü̃ nade. Rü tá nüxü̃́ nanatauxchaxẽxẽ i Iraétanüxü̃ nax wena norü naaneca̱x nawoeguxü̃. Rü ngẽma duü̃xü̃gü i to i nachixü̃anewa ne ĩxü̃ rü Iraétanüxü̃ca̱x tá naxĩ rü wüxiwa Acóbuarü duü̃xü̃gütanüwa tá namaxẽ.

Ichaía 21:1

Ñaa nixĩ i Tupanaarü ore i chianexü̃ i márpechinüwa ngẽxmaxü̃chiga ixĩxü̃. Ñoma buanecü ya tacü ya íxã̱ũ̱xẽmacü ya súrwaama ne ũemacü rü chianexü̃waama ne ũcürüxü̃ tá ngẽma chianexü̃ i ãũcümaxü̃wa ne naxĩ i ngẽma churaragü.

Yeremía 51:1

Cori ya Tupana rü ñanagürü: —Choma rü tá ngẽma Babiróniaanearü duü̃xü̃gü i Cadéugüca̱x ngéma chanamugü i wüxi i norü uanü i ñoma buanecü ya ĩanegu pogücürüxü̃ ixĩgüxü̃.

Yeremía 51:51

Rü pema rü ñaperügügü: “Toma rü taxãnee i ngẽxguma nüxü̃ taxĩnüegu i ñuxãcü chixexü̃ tomaxã yaxugüexü̃ i duü̃xü̃gü. Rü ãnemaxã togü tidüchametügü, yerü yema to i nachixü̃anecüã̱xgü rü nagu nachocu ga yema nachicagü ga Tupanapatawa yexera üünexü̃”, ñaperügügü.