Ichaía 46:3 - Tupanaarü Ore

³ Rü ñanagürü ga Tupana: —¡Choxü̃́ iperüxĩnüe i pemax nax ípeyaxügüxü̃, Pa Acóbutanüxü̃ i Iraétanüxü̃x! Choma rü noxrigutama yexguma taxũta pebuegu, rü pexna chadau rü chauchacüxügu pexü̃ chigagü.

Ichaía 46:3 Referans Kwoze

Wenaxarü naxümatü ga Tupanaarü mugü 1:31

Rü yexguma yema chianexü̃wa pichopetü̱xgu rü nüma ga perü Cori ya Tupana rü ñoma wüxi i papa naxacüxe nügüchacüügu tüxü̃ igaxü̃rüxü̃ meama pexü̃ nigagü rü ñu̱xmata ñaa nachicawa pengugü”, ñachagürü pexü̃ ga yexguma.

Ichaía 51:7

¡Choxü̃́ iperüxĩnüe i pema nax nüxü̃ pecuáxü̃ i ngẽma nacüma i aixcüma iwéxü̃ rü naga pexĩnüexü̃ i chorü mugü! ¡Rü taxṹ i pemuü̃exü̃ rü perümaãchitanüxü̃ i ngẽxguma ta̱xacü pemaxã yaxugüegu i duü̃xü̃gü! Erü nümagü rü tá nayue rü ñoma naxchiru i naweane ngõ̱xgüxü̃rüxü̃ tá nixĩgü. Rü õ̱xmigü rü tá nanangõ̱xgü ñoma wüxi i naxchiru i carnéruta̱xanaxca̱x nangõ̱xgüxü̃rüxü̃. Natürü chaucüma rü taguma inarüxo rü chorü pora i namaxã íchapoxü̃ i chorü duü̃xü̃gü rü guxü̃guma nangẽxmaecha —ñanagürü ga Tupana.

Wiyaegü 71:6

Rü yexguma chauéanüwa chayexmagu, rü cuxme̱xwa chayexma rü cuma nixĩ ga choxü̃ cubuxẽẽxü̃. Rü guxü̃gutáma cuxü̃ chicua̱xüxü̃.

Ichaía 51:1

Rü ñanagürü ga Tupana: —¡Choxü̃́ iperüxĩnüe i guxãma i pemax ya cha̱u̱xca̱x daugüxe rü nagu ĩxẽ i ngẽma aixcüma mexü̃! Pema rü Abraáü̃taxa rü Chárataxa pixĩgü.

Ichaía 48:1

Rü Tupana rü ñanagürü: —¡Perüxĩnüe Pa Acóbuarü Duü̃xü̃güx, Pa Iraétanüxü̃x, Pa Yudátaagüx! Pema rü Cori ya Tupanaégagu pegü pixu nax norü duü̃xü̃gü pixĩgüxü̃. Rü perü yumüxẽwa naxca̱x ípeca̱x i norü ngü̃xẽxẽ, natürü tama aixcüma naga pexĩnüe.

Ichaía 10:22

Pa Iraétanüxü̃x, woo curü duü̃xü̃gü rü namuxũchi ñoma naxnecüchicute̱xe i márpechinüwa ngẽxmacürüxü̃, rü ngẽmatanüwa rü noxre tátama nixĩ i Tupanaca̱x woeguxü̃. Rü ngẽma poxcu rü marü naxuegu nagagu i ngẽma chixexü̃ i pexüxü̃.

Ichaía 1:9

Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.

Ínachoxü̃xü̃chiga 19:4

“Rü pema rü marü nüxü̃ pedau ga yema Equítuanecüã̱xgümaxã chaxüxü̃ rü ñuxãcü i choma rü nua íchangexmaxü̃wa pexü̃ chagagüxü̃ ñoma wüxi i ĩyüpe̱xatügu pexü̃ igaxü̃rüxü̃.

Ichaía 46:12

¡Rü choxü̃́ iperüxĩnüe Pa Duü̃xü̃gü i Taxúegama Ĩnüexü̃! Pema nüxü̃ pecua̱xgu rü taxũtáma paxa pexü̃ íchanguxü̃xẽxẽ. Natürü pemaxã nüxü̃ chixu rü marü ningaica nax pexü̃ íchanguxü̃xẽẽxü̃ rü marü taxũtáma nũxcü nixĩ. Rü choma rü tá Chióü̃xü̃ íchanguxuchixẽxẽ rü Iraétanüxü̃xü̃ tá chanawe̱x i chorü pora —ñanagürü ga Tupana.

Ichaía 44:21

“Pa Iraétanüxü̃ i Acóbuarü Duü̃xü̃güx, ¡rü nüxna pecua̱xãchie nax chorü duü̃xü̃gü pixĩgüxü̃! Yerü choma nixĩ ga pexü̃ changóexẽẽxü̃. ¡Rü taxṹ i choxü̃ iperüngümaexü̃!

Ichaía 37:4

Bexmana nüma ya Cori ya curü Tupana rü marü nüxü̃ naxĩnü i ngẽma ore i nüxü̃ yaxuxü̃ i ngẽma Achíriaanearü churaragüeru i norü ãẽ̱xgacü nua muxü̃ nax Tupana ya Maxü̃cümaxã naguxchigaxü̃. Rü chierüna napoxcuãgu ya curü Cori ya Tupana naxca̱x i ngẽma ore i nümatama nüxü̃ naxĩnüxü̃. Rü ngẽmaca̱x chanaxwa̱xe i toxca̱x cuyumüxẽ i toma nax ítayaxügüxü̃ —ñanagürü ya ãẽ̱xgacü.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Wiyaegü 28:9

Pa Cori Pa Tupanax ¡nüxü̃ rüngü̃xẽxẽ ya curü duü̃xü̃gü rü mexü̃ namaxã naxuegu! ¡Rü ñoma wüxi i carnéruarü dauruü̃rüxü̃ nüxna nadau rü guxü̃guma mea yagagü!

Ichaía 4:3

Rü ngẽma duü̃xü̃gü i ma̱xpǘne ya Chióü̃wa yaxǘgüxü̃ rü ngẽma Yerucharéü̃wa yaxǘgüxü̃ rü ngẽxma ãpatagüxü̃, rü Tupanaarü duü̃xü̃gügu tá nanaxüégagü.

Ichaía 10:20

Rü ngẽma ngunexü̃gu rü ngẽma noxretama i Iraéanecüã̱xgü i Acóbutanüxü̃ i íyaxüxü̃, rü taxũtáma wena nüxü̃́ nayaxõgü i ngẽma chixri namaxã icuáxü̃. Rü tá Cori ya Tupana ya üünecü ya norü Tupanaca̱x nawoegu rü yimaaxü̃́ tá aixcüma nayaxõgü.

Ichaía 10:21

Rü noxretama i Acóbutanüxü̃ rü tá Cori ya Tupana ya poraxüchicüca̱x nawoegu.