Ichaía 45:9 - Tupanaarü Ore

⁹ Rü ñanagürü ga Tupana: —Wüxi i naxpáü̃ i waixü̃münaxca̱x rü tama norü üruü̃xü̃maxã narüxutaga. Rü ngẽma waixü̃mü rü tama ngẽma üwechiruü̃xü̃ ñanagürü: “¿ta̱xacü ícuxü?” ñanagürü. Rü ngẽma napáxü̃ rü tama norü üruü̃xü̃ ñanagürü: “Cuma rü tama nüxü̃ cucua̱x nax mea choxü̃ cuxüxü̃”, ñanagürü.

Ichaía 45:9 Referans Kwoze

Ichaía 64:8

Natürü ngẽmaétüwa, Pa Corix Pa Tupanax, rü cuma nixĩ i Tonatü quixĩxü̃. Toma rü waixü̃mü tixĩgü rü cuma nixĩ i torü üruxü̃ quixĩxü̃. Rü guxãma i toma rü cumatama toxü̃ cuxü.

Yeremía 18:6

—Dücax, Pa Iraétanüxü̃x ¿tama ẽ̱xna inamexü̃ i ngẽma üwechixü̃ waixü̃mümaxã üxü̃rüxü̃ pemaxã chanaxüxü̃? Rü ngẽma waixü̃mü rü üwechiruxü̃ nixĩ i namaxã icuáxü̃ rü ngẽxgumarüxü̃ ta nixĩ i chomax nax pemaxã ichacuáxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ichaía 29:16

¿Rü tü̱xcüü̃ ípeyatóxẽxẽ i ngẽma mexü̃ ya Tupana pexca̱x üxü̃? Rü ngẽma waixü̃mü rü taxucürüwama ngẽma üwechiruü̃maxã nügü nawüxiguxẽxẽ. Rü wüxi i tü̃xü̃ rü taxũtá norü üruxü̃xü̃ ñanagürü: —Cuma rü tama nixĩ i choxü̃ cuxüxü̃ —ñanagürü. Rü ngẽma tü̃xü̃ rü taxucürüwama norü üruü̃xü̃ ñanagürü: —Cuma rü tama cuãẽxü̃ cucua̱x nax ñuxãcü choxü̃ cuxüxü̃ —ñanagürü.

Ichaía 10:15

Natürü taxucürüwa i wüxi i yuema nügügu narüxĩnü nax norü yora i namaxã icuáxü̃arü yexera nax yixĩxü̃. Rü taxucürüwa i wüxi i chera nügügu narüxĩnü nax norü yora i namaxã puracüxü̃arü yexera nax yixĩxü̃. Rü taxucürüwa i wüxi i caxü̃ruxü̃ i naimare ixĩxü̃ nagu narüxĩnü nax norü yoramaxã inacuáxü̃.

Ucu̱xẽgüchiga 21:30

Tupanape̱xewa rü nataxuma i duü̃xü̃arü cua̱x i mexü̃, rü tataxuma ya texé ya nüxü̃ cuáxe, rü nataxuma i ĩnü i aixcüma mexü̃.

Yeremía 50:24

Pa Babiróniax, cumatama cugüpe̱xegu cunaxǘ ya wüxi ya yüta, natürü nüxü̃ icurüngüma rü ngẽmaca̱x cumatama nagu cungu. Rü ñu̱xma rü marü taxü̃ i guxchaxü̃wa cungexma, yerü Cori ya Tupanamaxã curüxuanü.

1 Corintios 10:22

¿Rü ñuxũ ñapegüxü̃ i ñu̱xmax? ¿Ẽ̱xna penanuxẽẽchaü̃ ya tórü Cori? ¿Ẽ̱xna pexca̱x rü nüxü̃ tarüporamaegü i yixemax?

Yox 9:12

Rü ngẽxguma chi ta̱xacü nayaxu̱xgu nax noxrü yixĩxü̃ca̱x, ¿rü texé tá ítayachaxãchixẽxẽ? ¿Rü texé tá nüxna taca naxca̱x i ngẽma naxüxü̃?

Yox 33:13

¿Rü tü̱xcüü̃ nape̱xewatama Tupanana cunaxu nax tama cuxü̃ nangãxü̃xü̃ i curü ore i namaxã cugü ícupoxü̃xü̃?

Yox 40:2

—Rü ñu̱xma i choma nax guxãétüwa changexmaxü̃ rü cuxna chaca i cumax nax chomaxã curüxutagaxü̃ rü ¿ẽ̱xna tá quidexachigüamaxü̃ nax choxü̃ cungãxü̃xü̃? —ñanagürü.

Ngu̱xẽẽtaeruü̃arü ore 6:10

Rü ngẽma ñu̱xma nüxü̃ idauxü̃ rü woetama nũxcüma Tupana nanaxüéga. ¿Rü texé tá namaxã tügü tadai ya wüxi ya tümaarü yexera poracü ixĩcü?

Ichaía 45:10

Rü woo wüxi i buxü̃ rü tama nanatüxü̃ rü naéxü̃ nanga naxca̱x nax ñoma i naanewa tanango̱xẽẽxü̃.

Yeremía 36:29

¡Rü Yoaquíü̃ ya Yudáanearü ãẽ̱xgacümaxã nüxü̃ ixu i ñaa ore: “Cori ya Tupana rü ñanagürü cuxü̃: ‘Cuma rü cuyagu ga yema popera rü ñu̱xũchi cunanga ga Yeremía yerü yema poperagu nanaxümatü nax Babiróniaanearü ãẽ̱xgacü rü aixcüma tá naxca̱x íyagoõchixü̃ i ñaa nachixü̃ane rü tá nachixexẽẽãxü̃ rü nadaiãcuãxü̃. Rü ngẽmaãcü taxuxü̃táma nawa íyaxügüxü̃ rü bai i duü̃xü̃gü rü bai i naxü̃nagü!

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Yox 9:4

Rü nüma ya Cori ya Tupana rü naporaxüchi rü ñu̱xũchi nüxü̃ nacua̱xüchi. ¿Rü texé chi Tupanaxü̃ nüxü̃ tarücua̱xmae nax ngẽmaãcü tama tüxna naca̱xaxü̃ca̱x naxca̱x i tümaarü chixexü̃?

Yox 10:9

¡Rü nüxna nacua̱xãchi nax waixü̃müwa choxü̃ cuxüxü̃! ¿Ẽ̱xna wena waixü̃müte̱xexü̃ choxü̃ quixũxẽxẽchaü̃?

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.