Ichaía 45:5 - Tupanaarü Ore

^5-6 Rü choma nixĩ ya Tupana chixĩxü̃ rü nataxuma i to. Rü chaxicatama nixĩ ya Tupana chixĩxü̃. Rü woo nax tama choxü̃ cucuáxü̃, natürü i choma rü cua̱x cuxna chaxã nax daixü̃ cucuáxü̃ca̱x, nax ngẽmaãcü guxü̃ma i duü̃xü̃gü i ñoma i naanewa maxẽxü̃ rü nüxü̃ nacua̱xgüxü̃ca̱x nax chaxicatama Tupana chixĩxü̃.

Ichaía 45:5 Referans Kwoze

Ichaía 44:8

Natürü, ¡Taxṹ i perümaãchitanüxü̃, rü taxṹ i pemuü̃exü̃! Choma rü ü̃pacürüwa marü pemaxã nüxü̃ chixu i ngẽma tá ngupetüxü̃, rü pema rü meama nüxü̃ pecua̱x i ngẽma. Rü chaxicatama nixĩ ya Tupana chixĩxü̃, rü nataxuma i to i pexü̃ ípoxü̃xü̃. Rü tama toxü̃ chacua̱x”, ñanagürü.

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Joel 2:27

Rü pemax, Pa Iraétanüxü̃x, rü tá nüxü̃ picua̱xãchitanü nax choma ya Cori rü aixcüma petanüwa changexmaxü̃ rü chaxicatama yixĩxü̃ i perü Tupana chixĩxü̃. Rü tagutáma wena texé pexü̃ taxãneexẽxẽ, Pa Chorü Duü̃xü̃güx —ñanagürü.

Nüxíraxü̃xü̃ ga popera ga ãẽ̱xgacügüchiga 8:60

Rü ngẽmaãcü guxü̃ma i nachixü̃anegü i ñoma i naanewa ngẽxmagüxü̃ tá nüxü̃ nacua̱xgü nax aixcüma Tupana yixĩxü̃ ya tórü Cori rü nataxuxü̃ma i to i naxrüxü̃ ixĩxü̃.

Wenaxarü naxümatü ga Tupanaarü mugü 32:39

Rü chaxicatama nixĩ ya Tupana chixĩxü̃, rü nataxuma i to i tupanagü i chauétüwa ngẽxmaxü̃. Rü choma nixĩ i pexna chanaxãxü̃ i maxü̃ rü ñu̱xũchi pexna chanayaxuxü̃. Rü choma nixĩ i ngúxü̃ pexca̱x íchanguxẽẽxü̃, rü ñu̱xũchi pexca̱x chayataanexẽẽxü̃. Rü tataxuma ya texé ya tama chorü poratüxü̃wa ngẽxmagüxe.

Wenaxarü naxümatü ga Tupanaarü mugü 4:35

Rü nüma rü pexca̱x nanaxü ga guxü̃ma ga yema nax yemaacü nüxü̃ pecuáxü̃ca̱x nax nüma yixĩxü̃ ya Cori ya aixcüma Tupana ixĩcü, rü naweama rü nataxuma i to i tupana.

Yox 12:21

Rü nüma ya Tupana rü nanaxãnexẽxẽ i ngẽma nügü írütagüxü̃. Rü nüxna nanayaxu i norü pora i ngẽma ãẽ̱xgacügü i nügü írüporaexü̃.

Wiyaegü 18:39

Rü cumax, Pa Tupanax, rü choxü̃ cuporaxẽxẽ ga daiwa, rü yemaca̱x ga yema chomaxã nuexü̃ rü cho̱xme̱xgu cunayixẽxẽ.

Wenaxarü naxümatü ga Tupanaarü mugü 4:39

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.

Wiyaegü 18:32

Rü Tupana nixĩ ya yimá choxü̃ poraxẽẽcü. Rü yimá nixĩ i yanawe̱xãchixẽẽcü i chaucüma nax taxuwama nachixexü̃ca̱x i chorü maxü̃.

Ore i mexü̃ ga Cuáü̃ ümatüxü̃ 1:1

Naxü̃pa ga guxü̃ma, rü marü nayexma ga Tupana Nane. Rü Tupanamaxã nayexma rü woetama Tupana nixĩ ga nümax. Nüma rü Tupanaarü Ore nixĩ i naéga.

Édra 1:2

—Choma i Chíru i Pérchiaanearü ãẽ̱xgacü rü chanaxunagü i ñaa mu i ñaxü̃: “Nüma ya daxũcüã̱x ya Cori ya Tupana rü marü cho̱xme̱xwa nanangexmagüxẽxẽ i guxü̃ma i nachixü̃anegü i ñoma i naanewa ngẽxmagüxü̃. Rü nüma ya Cori ya Tupana choxü̃ namu nax naxca̱x chanaxüxü̃ca̱x ya wüxi ya napata ya taxü̃ne nawa ya yima ĩane ya Yerucharéü̃ i Yudáanewa ngẽxmane.

Ichaía 22:21

Rü ngẽma naxchiru i máxpaxü̃gu tá chayacu̱xẽxẽ, rü namaxã tá chayagoye i ngẽma curü goyexü̃, rü nüxna tá chanaxã i ngẽma puracü i ñu̱xma cuxü̃́ ngẽxmaxü̃. Rü nüma i Eriaquíü̃ rü ñoma wüxi ya nanatürüxü̃ tá nixĩ naxca̱x i Yerucharéü̃arü duü̃xü̃gü rü guxü̃ma i Yudáanearü duü̃xü̃gü.

Yox 12:18

Rü ínanawoxü̃ i ãẽ̱xgacügü. Rü togü i ãẽ̱xgacügüxü̃ ínanayauxü̃xẽxẽ nax ngexchiruãcüma to i nachixü̃anewa nagagüãxü̃ca̱x.

Ínachoxü̃xü̃chiga 9:14

Rü ñu̱xmax rü tá cuxca̱x rü curü ngü̃xẽẽruü̃güca̱x, rü guxü̃ma i Equítuanecüã̱xgüca̱x tá nua chanamu i naguxü̃raü̃xü̃ i chorü poxcu nax ngẽmaãcü nüxü̃ cucuáxü̃ca̱x nax ñoma i naanewa rü nataxuxü̃ma i to ya Tupana i chauxrüxü̃ ixĩxü̃.

Wiyaegü 18:31

¿Rü texé tixĩ ya Cori ya Tupanaétüwa ixĩxẽ? ¿Rü ta̱xacürü to napora nax tüxü̃ ínapoxü̃xü̃ca̱x? Rü Tupanaxicatama nixĩ.

Ichaía 43:10

Rü ñanagürü ta ga Tupana: —Pemax, Pa Iraétanüxü̃x, rü chorü duü̃xü̃gü pixĩgü rü nüxü̃ pedau ga yema choma chaxüxü̃. Rü choma rü pexü̃ chidexechi nax choxü̃ pecuáxü̃ca̱x rü choxü̃́ peyaxõgüxü̃ca̱x rü nüxü̃ pecuáxü̃ca̱x nax chaxicatama Tupana chixĩxü̃. Rü chauxü̃pa rü nataxuma ga to ga nüxíra Tupana ixĩxü̃ rü chauwena rü tagutáma nangẽxma i to.

Ichaía 45:1

Rü nüma ga Tupana rü ãẽ̱xgacüwa Chíruxü̃ nanguxẽxẽ ga Pérchiaanewa. Rü pora nüxna naxã nax togü i nachixü̃anegümaxã inacuáxü̃ca̱x rü norü ãẽ̱xgacügüxü̃ naporamaexü̃ca̱x. Rü guma ĩanegü ga namaxã nügü nada̱i̱xü̃ne rü Tupana Chírupe̱xewa nayawãxna ga guma ĩanegüarü ĩã̱xgü rü taxúema tapora nax wena tanawãxtaxü̃.

Ichaía 47:8

Rü ngẽmaca̱x i ñu̱xmax, Pa Babiróniaanecüã̱x i Ñoma Ngecü i Ngĩrü Meruü̃guxica Rüxĩnücürüxü̃ Pixĩgüx, rü pema rü petaãxẽ nax wüxi i mexü̃wa pengẽxmagüxü̃. Rü pegüãẽwa ñaxü̃gu perüxĩnüe: “Tataxuma ya texé ya taxrüxü̃ poraxe. Rü tagutáma guxchaxü̃wa tangexmagü rü tagutáma taturae”, ñaxü̃gu perüxĩnüe.

Echequié 30:24

Rü ñu̱xmax rü tá chanaporaxẽxẽ i Babiróniaanearü ãẽ̱xgacü, rü tá nüxna chanaxã i chorü tara. Rü tá chayapoye ya yima taxre ya nachacüxü ya Faraóü̃. Rü nüma rü norü uanüpe̱xewa tá norü ngu̱xmaxã nixãĩnecüü.

Wiyaegü 18:33

Rü ngẽxguma chañaãchigu rü nüma ya Tupana nixĩ ya choxü̃ poraxẽẽcü nax ñoma cowürüxü̃ chaporaxü̃ca̱x. Rü ma̱xpǘneanewa chomaxã inacua̱x nax taxuguma chayanguxü̃ca̱x.

Wiyaegü 86:10

Erü cuxicatama nixĩ nax Tupana quixĩxü̃. Rü cuma nixĩ i nüxü̃ cucua̱xüchixü̃ rü cunaxüxü̃ i ngẽma taxü̃ i mexü̃gü i curü poramaxã cuxüxü̃.

Ichaía 37:20

Rü ñu̱xmax, Pa Corix, Pa Torü Tupanax ¡rü toxü̃ ínanguxü̃xẽxẽ naxme̱xwa i ngẽma Achíriaanearü ãẽ̱xgacü nax ngẽmaãcü guxü̃ i nachixü̃anegü i ñoma i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃! —ñanagürü ga norü yumüxẽwa.