Ichaía 45:4 - Tupanaarü Ore

⁴ Rü poraãcü nüxü̃ changechaü̃ i chorü duü̃xü̃gü i Iraétanüxü̃ i Acóbuarü duü̃xü̃gü, rü ngẽmaca̱x cuégamaxã cuxca̱x chaca rü cuxü̃ chaxuneta nax ãẽ̱xgacü quixĩxü̃ca̱x woo tama choxü̃ cucua̱x i cumax.

Ichaía 45:4 Referans Kwoze

Romanos 11:7

¿Rü ñuxãcü yixĩxü̃ i ñu̱xmax? Rü ngẽma rümumaexü̃ i Iraétanüxü̃ rü tama nüxü̃ inayangaugü nax Tupanape̱xewa yamexü̃ca̱x. Natürü ngẽma noxretama i Iraétanüxü̃ ya Tupana dexü̃, rü ngẽmagü nixĩ i nüxü̃ iyangaugüxü̃ nax nape̱xewa yamexü̃ca̱x. Rü guxü̃ma ga yema togü ga Iraétanüxü̃ rü tama naga naxĩnüe.

Ngechuchuarü ngúexü̃gü ga yamugüxü̃arü puracüchiga 17:23

Erü ngẽxguma perü ngutaque̱xechicagüwa chixüpetüchigügu, rü nüxü̃ chadau i naxchicüna̱xãgü i nüxü̃ picua̱xüü̃güxü̃. Rü wüxi i nachicawa namaxã chayarüxũ i wüxi i Tupanaarü ãmarearü guruxü̃ i nagu ümatüxü̃ i naéga i ñaxü̃: “Tupana ya tama nüxü̃ icuácü”, ñaxü̃. Rü yimá Tupana ya tama nüxü̃ pecuáãcüma nüxü̃ picua̱xüü̃gücü nixĩ ya choma pemaxã nüxü̃ chixuchigacü.

Ichaía 44:1

Rü ñanagürü ya Tupana: —¡Ñu̱xmax, rü choxü̃́ iperüxĩnüe, Pa Iraétanüxü̃x, Pa Acóbutanüxü̃x i chorü duü̃xü̃gü nax pexü̃ chadexü̃!

Romanos 9:6

Rü ñu̱xma rü woo tama guxü̃ i Yudíugü nax yaxõgüxü̃, natürü taxucürüwama texé nüxü̃ tixu nax Tupana rü tama yangu̱xẽẽãxü̃ i norü uneta. Erü tama guxü̃ma i Yudíugü rü aixcüma Tupanaarü duü̃xü̃gü nixĩgü.

Ore i mexü̃ ga Márcu ümatüxü̃ 13:20

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana rü marü nananoxrexẽxẽ i ngẽma ngunexü̃gü erü tüxü̃ nangechaü̃ ya yíxema noxrüxü̃ tüxü̃ nadexe.

Ore i mexü̃ ga Matéu ümatüxü̃ 24:22

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana tá nananoxrexẽxẽ i ngẽma ngunexü̃gü tümaca̱x ya yíxema nüma tüxü̃ nadexe.

Ichaía 44:28

Rü choma rü Chíru ya Pérchiaarü ãẽ̱xgacüxü̃ ñacharügü: “Cuma rü chorü duü̃xü̃güarü dauruxü̃ quixĩ rü tá cunaxü i guxü̃ma i ngẽma choma chanaxwa̱xexü̃”, ñachagürü. Rü Yerucharéü̃chiga rü ñacharügü: “Cuma rü tá wena cuxü̃ namexẽxẽgü”, ñacharügü. Rü chopata ya taxü̃nechiga ñacharügü: “Yimá nutagü ya namaxã cuxü̃ inaxügücü rü tá wena nanucu” —ñanagürü.

Ichaía 43:14

Rü yima Iraétanüxü̃arü Tupana ya üünecü ya pexü̃ ínguxü̃xẽẽcü rü ñanagürü: —Ngẽma nax pexü̃ íchanguxü̃xẽẽxü̃ca̱x rü Babiróniaarü ĩanewa tá chanamugü i norü uanügüarü churaragü nax nagu yapogüexü̃ca̱x i norü poxeguxü̃arü ĩã̱xgü. Rü yima norü wapurugü ya namaxã nataãẽgüne i ngẽma Babiróniacüã̱x rü tá norü ngechaü̃xü̃ nananguxuchi.

1 Tesalonicenses 4:5

Rü tama name i nagu pemaexü̃ i ngẽma naxü̃nearü ngúchaü̃gü i nagu namaxẽxü̃ i ngẽma duü̃xü̃gü i tama Tupanaxü̃ cua̱xgüxü̃.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.