Ichaía 45:2 - Tupanaarü Ore

² Rü nüma ga Tupana rü Chíruxü̃ ñanagürü: —Choma rü tá cupe̱xegu chixũ, rü yima ma̱xpǘnegü rü tá chanadoxõchixẽxẽgü. Rü ngẽma ĩã̱xgü i bróũchenaxca̱x rü tá nagu chapogü. Rü ngẽma norü fierumena̱xãgü rü íxraxü̃gu tá ichanapóü̃gü.

Ichaía 45:2 Referans Kwoze

Ore i mexü̃ ga Luca ümatüxü̃ 3:5

Rü guxü̃ma i ngẽma ngatexü̃gü rü tá nanagütagü, rü guxü̃ma ya yima ma̱xpǘnegü rü ngüchitaerugü rü tá nayadoxochigüxẽxẽ. Rü ngẽma nama i wü̃xü̃ rü tá nayanawẽ̱xãchixẽxẽ, rü ngẽma ínaxãxmaagüxü̃wa rü tá nanagütagü.

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Wiyaegü 107:16

Yerü nüma rü nayapuxẽxẽ ga yema poxcupataü̃arü ĩã̱x ga bróũchenaxca̱x rü nanapu̱xãchixẽxẽ ga yema norü fierumena̱xãgü.

Yeremía 51:30

Rü Babiróniaanearü churaragü rü marü ínayachaxãchigü nax norü uanügümaxã nügü nada̱i̱xü̃. Rü norü poxü̃güchicawa nangẽxmagümare rü marü nataxuma i norü pora. Rü ñoma ngexü̃gürüxü̃mare naturae. Rü Babiróniaanearü ĩanegügu nachocu i norü uanügü rü norü ĩpatagügu nachocu rü ínanagu.

Ngechuchuarü ngúexü̃gü ga yamugüxü̃arü puracüchiga 1:15

Rü yema ngunexü̃gügu ga yexguma nangutaque̱xegügu ga yema yaxõgüxü̃ ga maneca 120 ixĩgüxü̃ rü Pedru rü inachi ga norü ngãxü̃tanüwa, rü ñanagürü:

Ichaía 14:31

¡Rü pegümaxã pengechaü̃güx, Pa Firitéutanüxü̃arü Ĩanegüx, rü wáita pexüe naxcha̱xwa i ngẽma ngúxü̃ i tá pexca̱x ínguxü̃, rü muü̃maxã pidu̱xrue! Erü nórtewaama ne naxĩ i churaragü i ñoma buanecü i wanagüemaxü̃rüxü̃ ixĩxü̃. Rü ngẽma churaragü i ngéma ne ĩxü̃ rü ínamemaregü nax pexü̃ nada̱i̱xü̃.

Ichaía 24:12

Rü yima ĩane rü marü nagu napogüe, rü ngẽma norü poxeguxü̃arü ĩã̱x rü marü niwa̱x rü napoü̃gü.

Ichaía 45:13

Rü choma nixĩ ga chanango̱xẽẽxü̃ ga Chíru ga Pérchiaanearü ãẽ̱xgacü. Rü ñu̱xma rü tá nüxü̃ charüngü̃xẽxẽxü̃ i guxü̃wa nax wena naxüaxü̃ca̱x ya chorü ĩane ya Yerucharéü̃. Rü nüma i Chíru rü ngetanüãcüma tá ínananguxü̃xẽxẽ i ngẽma Iraétanüxü̃ i to ga naanewa ne nagagüxü̃. Rü choma ya Cori ya Tupana ya Guxãétüwa Ngẽxmacü nixĩ i ngẽma ñachaxü̃” —ñanagürü.

Ichaía 48:15

Rü choma nixĩ i Chírumaxã nüxü̃ chixuxü̃ rü naxca̱x changemaxü̃ nax nua naxũxü̃ca̱x. Rü ngextá nüma ínaxũxü̃wa rü tá narüporamae.

Yeremía 28:13

—¡Ngéma naxũ, rü Ananíamaxã nüxü̃ yarüxu nax choma ya Cori ya Tupana rü ñachaxü̃: “Cuma rü íxraxü̃gu cunabüü̃gü i ngẽma toxcunaxãruxü̃ i nainaxca̱x, natürü i choma nax guxãétüwa changexmaxü̃ rü marü cuxca̱x chanaxü i wüxi i toxcunaxãxü̃ i fierunaxca̱x!

Yeremía 51:58

Rü choma ya Cori ya Tupana ya Guxãétüwa Ngẽxmacü rü ñachagürü: “Babiróniaanearü poxeguxü̃tápü̱xgü i yaxcüxü̃ rü tá guxü̃táma nayawa̱xgüxẽxẽ. Rü ngẽma norü ĩã̱xgü i taxü̃ rü tá ínanagu. Rü yema togü ga nachixü̃anecüã̱x ga norü naanena yéma nagagüxü̃ nixĩ ga naxügüxü̃. Natürü natüca̱xmamare nixĩ ga nawa napuracüexü̃ rü nagu nax yapaexü̃, erü guxü̃ma i ngẽma rü tá nixa”, ñacharügü —ñanagürü.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.

Naúü̃ 3:13

Rü curü churaragü rü curü uanügüpe̱xewa rü ñoma ngexü̃gürüxü̃ nixĩgü. Rü cuchixü̃anewa ngẽxmagüne ya ĩanegüarü ĩã̱xgü rü curü uanügüca̱x rü nangeenügümare. Rü ngẽma norü wãxtaruü̃gü rü nixae.

Ichaía 13:2

—¡Ma̱xpǘne ya máchaneétüwa penawe̱xnagü ya wonera ya daica̱x ícacü! ¡Rü penamuãchitanü i churaragü nax nügü nada̱i̱xü̃ca̱x! ¡Rü pewe̱xnagüchacüügü nax ngẽmaãcü Babiróniaarü ĩanegu pechocuxü̃ca̱x nawa i ngẽma ĩã̱xgü i ãẽ̱xgacügü nawa ichocuxü̃!

Danié 8:4

Rü nüxü̃ chadau ga yema carnéru nax guma naxchata̱xcuregümaxã oésteguama, rü nórteguama, rü súrguama nacua̱i̱xgüxü̃, rü taxúema tiña naxcha̱xwa ga norü pora. Yema carnéru rü nüma nanawa̱xexü̃ naxümare, rü yemaacü yexera niporachigü.