Ichaía 45:1 - Tupanaarü Ore

¹ Rü nüma ga Tupana rü ãẽ̱xgacüwa Chíruxü̃ nanguxẽxẽ ga Pérchiaanewa. Rü pora nüxna naxã nax togü i nachixü̃anegümaxã inacuáxü̃ca̱x rü norü ãẽ̱xgacügüxü̃ naporamaexü̃ca̱x. Rü guma ĩanegü ga namaxã nügü nada̱i̱xü̃ne rü Tupana Chírupe̱xewa nayawãxna ga guma ĩanegüarü ĩã̱xgü rü taxúema tapora nax wena tanawãxtaxü̃.

Ichaía 45:1 Referans Kwoze

Ichaía 44:28

Rü choma rü Chíru ya Pérchiaarü ãẽ̱xgacüxü̃ ñacharügü: “Cuma rü chorü duü̃xü̃güarü dauruxü̃ quixĩ rü tá cunaxü i guxü̃ma i ngẽma choma chanaxwa̱xexü̃”, ñachagürü. Rü Yerucharéü̃chiga rü ñacharügü: “Cuma rü tá wena cuxü̃ namexẽxẽgü”, ñacharügü. Rü chopata ya taxü̃nechiga ñacharügü: “Yimá nutagü ya namaxã cuxü̃ inaxügücü rü tá wena nanucu” —ñanagürü.

Ichaía 42:6

Rü choma ya Tupana nixĩ i cuxca̱x chacaxü̃ rü pora cuxna chaxãxü̃ nax duü̃xü̃gümaxã nüxü̃ cuyarüxuxü̃ca̱x nax mea nügümaxã inacuáexü̃ca̱x. Rü choma rü tá cuxme̱xgu chingĩ rü tá cuxna chadau. Rü cuxü̃ chamu nax chope̱xewa duü̃xü̃güétüwa cuchogüxü̃ca̱x rü ngẽmaãcü wüxi i omü nax quixĩxü̃ca̱x nape̱xewa i guxü̃ma i nachixü̃anegü.

Wiyaegü 73:23

Natürü i choma rü guxü̃guma cugu charüxĩnü. Rü chorü tügüneme̱xẽgu cuyayauxãchi.

Ichaía 41:13

Erü choma ya Cori nax perü Tupana chixĩxü̃ rü pexme̱xgu chingĩ. Rü marü pemaxã nüxü̃ chixu rü ñachagürü: “¡Taxṹ i pemuü̃exü̃! Erü choma tá pexü̃ charüngü̃xẽxẽxü̃” —ñachagürü.

Yeremía 51:11

Nüma ya Cori ya Tupana rü nayanaxoxẽẽchaü̃ ya Babirónia. Rü ngẽmaca̱x naxca̱x nangema i Médiaanearü ãẽ̱xgacügü nax nümagü rü ta ngẽmagu naxĩnüexü̃ca̱x. Rü ngẽma nixĩ i Cori ya Tupanaarü poxcu i Babiróniaca̱x mexẽẽxü̃ nagagu ga yema Tupanapata ga taxü̃nemaxã naxügüxü̃.

Yeremía 50:35

Rü nüma ya Cori ya Tupana rü ñanagürü: —Pa Babiróniaanearü Uanügüx, ¡nagu pepogüe ya yima ĩane ya Babirónia rü penadai i norü duü̃xü̃gü rü norü ãẽ̱xgacügü rü ngẽma norü duü̃xü̃gü i cua̱x nüxü̃́ ngẽmagüxü̃!

Ichaía 45:5

Rü choma nixĩ ya Tupana chixĩxü̃ rü nataxuma i to. Rü chaxicatama nixĩ ya Tupana chixĩxü̃. Rü woo nax tama choxü̃ cucuáxü̃, natürü i choma rü cua̱x cuxna chaxã nax daixü̃ cucuáxü̃ca̱x, nax ngẽmaãcü guxü̃ma i duü̃xü̃gü i ñoma i naanewa maxẽxü̃ rü nüxü̃ nacua̱xgüxü̃ca̱x nax chaxicatama Tupana chixĩxü̃.

Édra 1:1

Rü gumá taunecü ga nagu yangucuchicü ga Chíru nax Pérchiaanearü ãẽ̱xgacü yixĩxü̃ca̱x, rü Cori ya Tupana nayanguxẽxẽ ga norü ore ga Yeremíaa̱xwa nüxü̃ yaxuxü̃. Rü yemaca̱x ga nüma ga Tupana rü ãẽ̱xgacü ga Chíruãẽwa ínanangu̱xẽxẽ nax guxü̃ ga nachixü̃anegü ga nüma namaxã inacuáxü̃maxã naxunagüãxü̃ca̱x ga wüxi ga mu ga ümatüxü̃ ga ñaxü̃:

Naúü̃ 2:6

Rü ngẽma norü uanügüca̱x rü marü natauxcha nax nachocuxü̃ erü ngẽma naxtapü̱xarü ĩã̱x i natüwaama üxü̃ rü niwãxna, rü marü taxucürüwama ínayachaxãchixẽẽgü i ngẽma dexá. Rü ngẽmaca̱x ya yima ãẽ̱xgacüpata rü niwa̱x.

Danié 7:5

Rü yema norü taxre ga ngo̱xo rü nanaxósoraxü̃, natürü yema norü wüxicüwawa rü narümáchanemae. Yema rü naã̱xwa rü nüxü̃ naxüxü̃ ga tomaepü̱x ga naga. Rü ñu̱xũchi nüxü̃ chaxĩnü ga wüxi ga ore ga nüxü̃ ñaxü̃: “¡Ngéma naxũ rü yangõ̱xcu i guxü̃ma i namachi i cuxü̃́ tauxchaxü̃ nax cunangṍxü̃!” ñaxü̃.

Ichaía 13:3

Rü choma ya Cori ya Tupana rü naxca̱x chaca i ngẽma nüxü̃ chaxunetaxü̃ i chorü churaragü i tama muü̃exü̃. Rü chanamu i ngẽma churaragü nax nadaiaxü̃ca̱x i ngẽma Babiróniacüã̱x rü ngẽmaãcü nataãẽgüxü̃ca̱x i ngẽxguma nüxü̃ chanaporamaexẽẽgügu —ñanagürü ga Tupana.

Yox 12:21

Rü nüma ya Tupana rü nanaxãnexẽxẽ i ngẽma nügü írütagüxü̃. Rü nüxna nanayaxu i norü pora i ngẽma ãẽ̱xgacügü i nügü írüporaexü̃.

Yeremía 27:6

Rü choma rü yima chorü duü̃ ya Nabucudonochó ya Babiróniaanearü ãẽ̱xgacüme̱xẽwa tá chanangexmagüxẽxẽ i guxü̃ma i ngẽma nachixü̃anegü. Rü woo i ngẽma naeü̃gü i naixnecücüã̱x rü naxme̱xwa tá chanangexmagüxẽxẽ.

Ichaía 41:2

¿Rü texé tanango̱xẽxẽ i ngẽma ãẽ̱xgacü i éstewa ne ũxü̃ rü guxãxü̃ma rüporamaexü̃? ¿Rü texé nüxna tanamugü i ngẽma togü i nachixü̃anegü rü ñu̱xũchi nüxü̃ tanamuü̃xẽxẽ i ngẽma togü i nachixü̃anegüarü ãẽ̱xgacügü? Rü ngẽma ãẽ̱xgacü i éstewa ne ũxü̃ rü norü taramaxã rü norü würamaxã nanadai i ngẽma togü i nachixü̃anecüã̱x rü ñoma maxẽ i paxü̃rüxü̃ nanangianexẽxẽ.

Nüxíraxü̃xü̃ ga popera ga ãẽ̱xgacügüchiga 19:15

Rü yexguma ga Cori ya Tupana rü Eríaxü̃ ñanagürü: —¡Ẽcü nataegu nagu i ngẽma nama ga noxri nagu quixũxü̃ i Damácuarü chianexü̃wa daxü̃! Rü ngẽxguma Damácuarü ĩanewa cunguxgu ¡rü chíxü̃maxã nabaeru ya Achaé nax Chíriaarü ãẽ̱xgacü nax yixĩxü̃ca̱x!

Danié 8:3

Rü yexguma yáxü̃gu chadawenü rü nüxü̃ chadau ga wüxi ga carnéru ga yema natüpechinügu rüxã́ũxü̃. Yema carnéru rü nataxrechata̱xcure rü guma naxchata̱xcure rü nima̱x. Natürü wüxi ga naxchata̱xcure rü narüma̱xmae. Rü yema rüma̱xmaexü̃ nixĩ ga wixwena rügoxü̃.

Yeremía 50:3

Erü nórtewaama tá ne naxĩ i wüxi i nachixü̃anearü churaragü. Rü tá chianexü̃xü̃ nayangucuchixẽxẽ ya yima ĩane ya Babirónia. Rü taxúetama nawa tamaxẽ rü bai i duü̃xü̃gü rü bai i naeü̃gü. Rü guxü̃táma nüxna naxĩgü” —ñanagürü.

Ichaía 41:25

Rü nüma ga Cori ya Tupana rü nidexachigüama rü ñanagürü: —Éstewa chanango̱xẽxẽ ga wüxi ga yatü. Rü naégamaxã naxca̱x changema, rü nórtewa ne naxũ. Rü nüma rü tá nagu napúgü i ngẽma togü i ãẽ̱xgacügü ñoma üwechiruxü̃ waixü̃mügu púgüxü̃rüxü̃.

Édra 1:2

—Choma i Chíru i Pérchiaanearü ãẽ̱xgacü rü chanaxunagü i ñaa mu i ñaxü̃: “Nüma ya daxũcüã̱x ya Cori ya Tupana rü marü cho̱xme̱xwa nanangexmagüxẽxẽ i guxü̃ma i nachixü̃anegü i ñoma i naanewa ngẽxmagüxü̃. Rü nüma ya Cori ya Tupana choxü̃ namu nax naxca̱x chanaxüxü̃ca̱x ya wüxi ya napata ya taxü̃ne nawa ya yima ĩane ya Yerucharéü̃ i Yudáanewa ngẽxmane.

Ichaía 13:2

—¡Ma̱xpǘne ya máchaneétüwa penawe̱xnagü ya wonera ya daica̱x ícacü! ¡Rü penamuãchitanü i churaragü nax nügü nada̱i̱xü̃ca̱x! ¡Rü pewe̱xnagüchacüügü nax ngẽmaãcü Babiróniaarü ĩanegu pechocuxü̃ca̱x nawa i ngẽma ĩã̱xgü i ãẽ̱xgacügü nawa ichocuxü̃!

Ichaía 48:15

Rü choma nixĩ i Chírumaxã nüxü̃ chixuxü̃ rü naxca̱x changemaxü̃ nax nua naxũxü̃ca̱x. Rü ngextá nüma ínaxũxü̃wa rü tá narüporamae.

Yeremía 43:10

¡Rü namaxã nüxü̃ ixu i duü̃xü̃gü rü ñacurügü tá nüxü̃! “Nüma ya Cori ya Guxãétüwa Ngẽxmacü ya Iraétanüxü̃arü Tupana rü ñanagürü: ‘Nua tá chanamu i chorü ngü̃xẽẽruxü̃ i Babiróniaanearü ãẽ̱xgacü i Nabucudonochó. Rü choma rü daa nutagü ya nuxã chata̱xgücüétügu tá chanaxǘ i ngẽma Babiróniacüã̱xarü ãẽ̱xgacüarü tochicaxü̃. Rü daa nutagüétügu tá chayatexechi ya napata.

Yeremía 51:30

Rü Babiróniaanearü churaragü rü marü ínayachaxãchigü nax norü uanügümaxã nügü nada̱i̱xü̃. Rü norü poxü̃güchicawa nangẽxmagümare rü marü nataxuma i norü pora. Rü ñoma ngexü̃gürüxü̃mare naturae. Rü Babiróniaanearü ĩanegügu nachocu i norü uanügü rü norü ĩpatagügu nachocu rü ínanagu.

Yeremía 51:58

Rü choma ya Cori ya Tupana ya Guxãétüwa Ngẽxmacü rü ñachagürü: “Babiróniaanearü poxeguxü̃tápü̱xgü i yaxcüxü̃ rü tá guxü̃táma nayawa̱xgüxẽxẽ. Rü ngẽma norü ĩã̱xgü i taxü̃ rü tá ínanagu. Rü yema togü ga nachixü̃anecüã̱x ga norü naanena yéma nagagüxü̃ nixĩ ga naxügüxü̃. Natürü natüca̱xmamare nixĩ ga nawa napuracüexü̃ rü nagu nax yapaexü̃, erü guxü̃ma i ngẽma rü tá nixa”, ñacharügü —ñanagürü.

Echequié 29:20

Rü ngẽmaãcü tá Nabucudonochóme̱xẽwa chanangexmaxẽxẽ i Equítuane nax ngẽmaãcü nüxü̃́ chanaxütanüxü̃ca̱x naxca̱x ga yema Tíruca̱x nax íyagoõchixü̃, yerü choxü̃́ nixĩ i napuracüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Danié 8:4

Rü nüxü̃ chadau ga yema carnéru nax guma naxchata̱xcuregümaxã oésteguama, rü nórteguama, rü súrguama nacua̱i̱xgüxü̃, rü taxúema tiña naxcha̱xwa ga norü pora. Yema carnéru rü nüma nanawa̱xexü̃ naxümare, rü yemaacü yexera niporachigü.

Naúü̃ 3:13

Rü curü churaragü rü curü uanügüpe̱xewa rü ñoma ngexü̃gürüxü̃ nixĩgü. Rü cuchixü̃anewa ngẽxmagüne ya ĩanegüarü ĩã̱xgü rü curü uanügüca̱x rü nangeenügümare. Rü ngẽma norü wãxtaruü̃gü rü nixae.